Jérémi 14:18 - Kazambale lé Sebe Sauunu 1979

¹⁸ Dé an go féioo, gwɔun gyɛzannu a ’bɛna; Dé an da flaoo, lɔrɔgyɛzannu a ’bɛna. Balelayezan boen valé Balebanzan woo nɔɔan tɛrɛ ’ko la, Yé wo ’ka wo gona dɔɔa lo.

Jérémi 14:18 ပူးပေါင်းရင်းမြစ်များ

Ézai 22:2

Fla bɔ gyɛ, ’té a vun éé wé, ’té a tamunu gi éé nanaan. Ilé munu ’ka dan zamaga wo lɛ gwɔun koo, gulidanmunu koo, wo lee lo.

Ézai 28:7

Naa, Juda munu é ziin, wo dan vɔ lɛ dada nwɛ lé we ma, yé dɔrɔ ’lɛ plɛplɛ é dan wo yuɛgi nɔɔ lɛ. Balebanzannu valé balelayezannu, wo dan vɔ lɛ dada dɔrɔ ’lɛ plɛplɛ lé we ma. Nwɛ bɛn mini wo lɛ yé dɔrɔ ’lɛ plɛplɛ éé wo yuɛi nɔɔan. Woo balelawe fé dan dan dan; woo we blé yuɛgi blan nya.

Jérémi 2:8

Balebanmunu ’ka maa Gakelebale ta laan boenwo lo. Munu lé woo bélidɔwe paan munu gi, wo ’ka an dɔɔ lɛ lo. Bale lé munu tabinzannu ’ka kɛlɛ lɛ yarapawelamunu nya an ’lɛ lo. Balelayezannu balelawe fe Baal tɔ gi, Yé fɛnu lé wo ’ka bɔa mi va lo, wo go ’bɛnu zuo.

Jérémi 23:21

Maa ’ka balelayezan ’konu nwunvɔ lɛ lo; wo go é wo; maa ’ka we pa lɛ wo ’léé lo, naa, wo balelawe fe.

Jérémi 5:31

balelayemunu éé balelawe fé vié nya, yé Balebanmunu éé dɔa wo dére zuo, yé ’bɛ sɔ anlé munu lɛ. Ka dan kɛlɛ lɛ kaa a ’wuoplanaa?

Jérémi 6:13

Naa, é sia mi kiéné ma fɔɔ yé é bɔ mi kwa ma, fɛyelɔrɔ blɛn éé wo gya. É sia balelayezan ma fɔɔ yé é bɔ Balebanzan ma, wo faa kɛlɛ dablikɛlɛzannu nya.

Jérémi 6:25

Té ka go féinu ta lo, té ka go zinu ta lo. Naa, ka nyanézannu lé gwɔun a ’bɛna yé di kinile mi gi a fɛfaana.

Jérémi 8:10

Amalé maa dan wo nanu nɔ lɛ mi bɛnu lɛ yé maa dan wolé féinu nɔ lɛ munu lé ’bɛnu féinu si wo lee, ’bɛnu lɛ. Naa, é sia mi kiéné ma fɔɔ yé é bɔ mi kwa ma, fɛyelɔrɔ blɛn a wo ma. É sia balelayezan ma fɔɔ yé é bɔ Balebanzan ma, wo faa éé dabli kɛla.

Jérémi Lé Wuvɔ Sɛbɛ 1:20

Gakelebale, ’i anlé nyanéblele blɛn ye. An bli ’ka é male an gi lo, An zuru a vɔna an gi, Naa, an tɔné gi kɛlɛ plɛplɛ i ma. Gwɔun a fɛ gyɛna gɔrɔ zi, ’té ga a fla.

Jérémi Lé Wuvɔ Sɛbɛ 2:19

’Ka nwa, ’ka ma dunnu wo a lɛ é béli, ’Ka bligiwenu faa bɔra yé ’ka zana Mizan lɛ; ’Ka bɛ nwa a vazia, kalé nénu lé ke gana Lɔrɔ nya zi blannu faa ta, wo vole é yuɛma we ma.

Jérémi Lé Wuvɔ Sɛbɛ 4:9

Munu lé woo zamaga wo gwɔun lee, wozé néné mini Munu lé wo zamaga wo lɔrɔ lee, ’Té gyɛ bɛ ’na wo gi, ’Té féifɛ ’ka wo lee lo, wozé ta.

Ézékiɛl 7:15

Gwɔun a wo ma béera, yé migyɛgyɛ valé lɔrɔ a wo ma fla. Mi lé é ke féi, wo dan a gyɛ lɛ gwɔun nya, yé mi lé ’bɛ ke fla, migyɛgyɛ valé lɔrɔ é dan ’bɛ gyɛ lɛ.

Amɔs 4:6

Yé maa ɛ da lɔrɔ nya kalé fla blɛn faa ta, yé maa fɛblele vuru ka ma ka nyananu na. Dé an ’bɛ kɛlɛoo, ka ’ka da lɛ an va ka pa gi lo. A zo lé Gakelebale a fe.

Misé 3:11

A nwiinzannu éé we blé blɛ yele we ma; alé Balebanzannu éé we paan mi gi ’wo ban yele we ma; alé balelayezannu éé balelawe fé gɔɔli va. É dɔ wo gi léé, wa é pale Gakelebale ta, ’té wa fé léé: Gakelebale ’ka ko va loo? Wenaané ’ka dan bɔ lɛ ko ma lo.

Bélidɔwesɛbɛ Fiézan 28:36

Ka koo, mi lé ka a dɔ ka nwiinzan blɛn nya koo, Gakelebale é dan go lɛ ka nya bɛn lé ka valé ka tranu ’ka wo dɔɔa é kyɛn lo, wo va. ’Bɛna lé ka dan bale bɛnu bɔ lɛ, yilibale valé gɔlɛbalenu lé.

Bélidɔwesɛbɛ Fiézan 28:64

Gakelebale é dan ka sɔɔla lɛ bɛnnu faa suiɛ gi, é sia tɛrɛ glɛ do ma fɔɔ yé é bɔ a glɛ koɛ ma. ’Bɛna lé, ka dan bale bɛnu bɔ lɛ, balenu lé ka valé ka tranu ’ka wo dɔɔa lo, yilibalenu valé gɔlɛbalenu, woo lé.

2 Piɛri 2:3

Wo bli bɔle gɔɔli ma lé we ma lé wo dan fɛ si lɛ ka lee dabli dérenu nya; kleblele lé wa lɛ kini wo lɛ é kyɛn, alé kyɛ a bɔn?-?bɔn gyɛna wo tɔ ma, yé misanlenu gona a wo lɛbɛnna bli pɛpɛ nya.