Jérémi 14:16 - Kazambale lé Sebe Sauunu 1979

¹⁶ Yé munu lé wo balelawe fe ’bɛnu lɛ, ’bɛnu galenu é dan dia lɛ Jérusalɛm zinu ta, lɔrɔ valé gwɔun pagi nya. Wo koo, wo nanu koo, wo benu koo, wo lunu koo, wo pazan do ’ka dan kɛlɛ lɛ ana lo; maa dan wolé we lɛrɛlɛrɛnu nɔla lɛ wo ma.

Jérémi 14:16 ပူးပေါင်းရင်းမြစ်များ

Wegɔnévɔlenu 1:31

Wolé tawobɛ ma tɔnɔ é dan kɛlɛ lɛ wolé fɛblele nya, yé wobo lé weplalenu é dan wo kan lɛ;

Ézai 51:20

I benu kɛlɛ tɔɔtɔɔ, ’té woo yiaan zinu ta yé wo ’ka bɔa nwale lɛ lo, Bélé zoro lé éé séli sian a gi, a zo, Gakelebale bli fli wo ma, Ilé Bale bon‐ɛn wo nya fɔɔ yé a bɛn mini wo lɛ.

Ézai 9:16

Bɛwemalé Mizan gi ’ka nanaan wolé pɛniɛnu ma lo, yé a nyanai ’ka zén‐é wolé ti valé bugalazannu valé wolé gyɛzaralomu ta lo. Naa, wo faa a Bale lé zi ma wenyanéfezannu valé mi naanénu nya, yé weple éé bɔraan wo faa ’léé. Dé ’bɛ faa bɔoo, ’bɛ ’ka alé bliflile ta zanaan lo, ’té a bɛ a wo gyɛn gi duowo.

Jérémi 16:4

Gyɛ é dan wo gyɛ lɛ yé wo ga; wo ’ka dan wo wuvɔ lɛ lo, wo ’ka dan wo pa lɛ lo; wo dan kɛlɛ lɛ bélé wibo zo tɛrɛ la; wo dan zamaga wo lɛ gwɔun valé lɔrɔ nya, yé wo galenu é dan kɛlɛ lɛ lagi mianénu valé tɛrɛlawinu lé fɛblele nya.

Jérémi 18:21

Bɛwemalé ’i wolé nénu gyɛ lɔrɔ nya ma; ’i wo gyɛ gwɔun nya ma; wolé lomu lé nénu ’é ga ma, yé lomu ’é kɛlɛ gyɛzaralomu nya ma. Wo zananu ’é ga bawurumagyɛ lee ma; guli ’é wolé pɛniɛnu gyɛ ma.

Jérémi 20:6

Yé bii Pasuu, bii valé ilé munu faa, ka dan go lɛ luu gi; i dan go lɛ Babilɔn yé i dan ga lɛ ’bɛna. Wo dan i pa lɛ ’bɛna, bii valé i béénu faa lé i balelawe fe wo lɛ vié nya bɛ, wo nya.

Jérémi 27:15

Maa ’ka wo nwunvɔ lɛ monomono lo, yé woo balelawe fé ka lɛ vié nya an tɔ gi, léé, maa ka bin yé ka ga zama, ka valé balelayezannu lé woo balelawe fé ka lɛ bɛ, wo nya. Maa Gakelebale ɛ ke a fena.

Jérémi 4:18

Kalé wekɛlɛbɛ valé kalé tawobɛ tɔnɔ lé ke bɛ; ka kɛlɛwe naané tɔnɔ lé ke bɛ. Iin, we ’ko é dan kɛlɛ lɛ ka ’léé nyanale fɔɔ yé é wɔra ka bli gi.

Jérémi 5:31

balelayemunu éé balelawe fé vié nya, yé Balebanmunu éé dɔa wo dére zuo, yé ’bɛ sɔ anlé munu lɛ. Ka dan kɛlɛ lɛ kaa a ’wuoplanaa?

Jérémi 7:33

Munu ’ko galenu é dan kɛlɛ lɛ lagi mianénu valé tɛrɛlawinu lé fɛblele nya; yé mi lé éé wo bin‐é, ’bɛzan ’ka lo.

Jérémi 8:1

Gakelebale léma: ’bɛ bléyi va, Juda nwiinzan blɛnnu koo, flazannu koo, Balebanzannu koo, balelayezannu koo, Jérusalɛm munu koo, wo dan wo wɔlɛnu si lɛ wo pagurunu gi. Yiri valé monénénu lé wo sɔ wo lɛ, ’té woo ’bɛnu bɔa, ’té woo tawoo ’bɛnu zuo, ’té woo ’bɛnu naginian, ’té woo ’wo ’wuo tuaan ’bɛnu lɛ é vinin bɛ, wo dan yee munu wɔlɛnu gɔɔn lɛ wo lɛ. Wo ’ka dan wo sia lɛ lo; wo ’ka dan wo pa lɛ monomono lo. Wo dan kɛlɛ lɛ tɛrɛ va bélé wibo zo.

Jérémi 9:20

’Kaa lomu, ’ka tɔné dɔ Gakelebale dére lɛ, Yé we lé é ke a fena, ’ka a ’ma ma. ’Ka gyɛbolɛrɛ paa ka lunu gi; ’Ka wuvɔlɛrɛ paa ka ke gi.

Jérémi 9:22

Bé fe léma: Gakelebale léma: Mi galenu é dan dia lɛ Bélé wibo vulile zo féinu ta, Bélé fɛan zo léé, ’sanɛnɛ éé zanaan ’sagyɛzan zuo, ’Té wo ’ka a sian lo, a zo.

Ézékiɛl 39:14

Wo dan munu si lɛ a va léé, ’wo vo giéna tɛrɛ la fɛfaana; mi gale pɔnénu lé woo voo béera, wo pale we gi, ’té giémunu éé bɔa wo va. Wo dan tɛrɛ kɛlɛ lɛ é zima, wo dan vo lɛ migalenu ginina moné sɔrafié.

Amɔs 7:17

Gakelebale léma: We ’ko ma lé i na é dan kɛlɛ lɛ bɔrɔdɛ le nya fla; wo dan i benu valé i lunu gyɛ lɛ gwɔun nya; wo dan ilé féi guli lɛ bale ma; naa, bii é dan ga lɛ tɛrɛ lé é ’ka tegele lo, a ta, yé wo dan go lɛ Izraɛl nya luu gi baa.

Matio 15:14

’Ka wo vo. Wo ɛ ke yuɛwiizannu lé, wo ke yuɛwiizannu lé zigɔɔnzannu nya, wo nya. Dé yuɛwiizan zi gɔɔn yuɛwiizan lɛ, wo fiénu é dan vɔ lɛ guru gi.

Wegɔɔnle 16:1

Maa dére plɛplɛ do ’ma sina fɛna sauun na yé é lé lanje sɔrafié lɛ léé: ’Ka go, yé Kazambale lé bliflile lé ke kana sɔrafié gi, ’ka zana tɛrɛ va.