Jérémi 14:14 - Kazambale lé Sebe Sauunu 1979

¹⁴ Yé Gakelebale lé an lɛ léma: Balelayezannu éé vié woo an tɔ gi; maa ’ka ’bɛ balelayezannu ’ko pa lɛ zia lo, maa ’ka dére ’ko pa lɛ wo ’léé lo, maa ’ka ’bɛ fe lɛ wo lɛ lo. Vié yuɛziwenu lé wa ye; wolé we lɛ kinile a we pla nya; dabliwenu lé woo sié ’wo bli gi, yee lé wa fe balelawefele nya.

Jérémi 14:14 ပူးပေါင်းရင်းမြစ်များ

Ézai 56:10

Izraɛlnu tabinzannu faa yuɛ ’wii, yé ’wuo ’ka wo ta lo. Wo faa a bélé bobogyɛ blénnu zo, wo ’ka bɔa wele lɛ lo. Woo nyɛ gya, woo voo é yiale, yigyɛle sɔ wo lɛ.

Ézai 9:15

Munu ’ko lé zigɔɔnzannu ’wo saan, yé munu lé wo yee zi gɔɔnle ’wo lɛ nyi si, wo saan.

Jérémi 20:6

Yé bii Pasuu, bii valé ilé munu faa, ka dan go lɛ luu gi; i dan go lɛ Babilɔn yé i dan ga lɛ ’bɛna. Wo dan i pa lɛ ’bɛna, bii valé i béénu faa lé i balelawe fe wo lɛ vié nya bɛ, wo nya.

Jérémi 28:11

Yé Aanania we fe munu faa yuɛ va léé: Gakelebale léma: É vo lɛɛ fié yé luubale lé Babilɔn nwiinzan blɛn Nébukanɛsaa a vɔ bɛnnu faa bɔrɔ ma, maa dan a kini lɛ. Yé balelayezan Jérémi go.

Jérémi 28:13

’I go, bé fe Aanania lɛ léma: Gakelebale léma: I luubale kini bɛ, wo dan foliɛwɔlɛ bale vɔ lɛ a pa gi.

Jérémi 28:15

Yé balelayezan Jérémi lé balelayezan Aanania lɛ léé: Aanania, ’i tɔné dɔ. Gakelebale ’ka i pa lɛ zia monomono lo. Yé munu pa ilé viéwe fele ’ko ta.

Jérémi 29:21

Kolaja be Akab valé Maaséja be Sédésias lé woo balelawe fé ka lɛ vié nya Bale tɔ gi, lai sunyanu lé Gakelebale, Izraɛl lé Bale we fe wo ma yé é léma: Ka ye, maa wo pa Babilɔn nwiinzan blɛn Nébukanɛsaa lee, yé é dan wo gyɛ lɛ ka yuɛ va.

Jérémi 29:31

Bé fe luugimunu faa lɛ léé: Gakelebale we fe Nésélamizan Sémaéja ma yé é léma: Sémaéja balelawe fe ka lɛ ’té an ’ka a pa lɛ zia lo, yé ka pa alé viéwe ’ko ta,

Jérémi 37:19

Yé balelayezannu lé wo balelawe fe ka lɛ léé, Babilɔn nwiinzan blɛn ’ka dan da lɛ ka valé kalé tɛrɛ ma lo, wa kyɛɛn?

Jérémi 5:31

balelayemunu éé balelawe fé vié nya, yé Balebanmunu éé dɔa wo dére zuo, yé ’bɛ sɔ anlé munu lɛ. Ka dan kɛlɛ lɛ kaa a ’wuoplanaa?

Jérémi 8:10

Amalé maa dan wo nanu nɔ lɛ mi bɛnu lɛ yé maa dan wolé féinu nɔ lɛ munu lé ’bɛnu féinu si wo lee, ’bɛnu lɛ. Naa, é sia mi kiéné ma fɔɔ yé é bɔ mi kwa ma, fɛyelɔrɔ blɛn a wo ma. É sia balelayezan ma fɔɔ yé é bɔ Balebanzan ma, wo faa éé dabli kɛla.

Jérémi 8:11

Woo anlé munu manɔn paan gi nyané nya, ’té wa fé léé, ’i vo drɔɔ, ’i vo drɔɔ, yé vole drɔɔ do kpen ’ka ana lo.

Jérémi Lé Wuvɔ Sɛbɛ 2:14

Kalé balelayezannu lé balelayele a boawe valé vié nya, Wo ’ka ilé weple bɔra lɛ Léé, té ka go luu gi lo lo. Wenu lé wa gɔɔn ka lɛ wa viéwenu valé dabliwe nya.

Jérémi Lé Wuvɔ Sɛbɛ 2:9

Tɛrɛ zén alé duolinu ta, É a lɛ tan foliɛwɔlɛnu sɛrɛ, é wo yéli, Siɔn munu nwiinzan blɛn valé minwiinzannu a bɛnnu va, bélidɔwe ’ka ana é dɛrɛ lo. Balelayezannu é ziin, Gakelebale ’ka we gɔɔn‐an wo lɛ yuɛzi gi é dɛrɛ lo.

Ézékiɛl 12:24

Yé yuɛziwenu lé wo ke é pla, wo valé dabliwenu, wo ’ka dan kɛlɛ lɛ Izraɛl munu méléna é ziin lo.

Ézékiɛl 13:2

Blami be, Izraɛl lé balelayezannu lé woo balelawe fé, ’i balelawe fe wo ma, yé munu lé woo balelawe fé ’wobo lé blibɔmawe yɛrama, bé fe wo lɛ léma: ’Ka tɔné dɔ Gakelebale dére lɛ.

Ézékiɛl 13:23

Bɛwemalé ka ’ka dan boayuɛziwenu ye lɛ é dɛrɛ lo, yé ka ’ka dan balelawe fe lɛ é dɛrɛ lo. Maa dan anlé munu si lɛ ka lee, yé ka dan a gi dɔɔ lɛ léé, maa ɛ ke Gakelebale nya.

Ézékiɛl 21:29

Amalé Mizan Gakelebale léma: Ka kalé weple sele dɔ an gi kalé bélidɔwe sɔnnénu sɛrɛle gɔrɔ la koo, kalé wenyanénu nagɔɔnle ka kɛlɛwenu faa gi koo, wo nya. Naa, ka wo sele dɔ an gi, amalé ka nyanézan é dan ka kun lɛ.

Misé 3:11

A nwiinzannu éé we blé blɛ yele we ma; alé Balebanzannu éé we paan mi gi ’wo ban yele we ma; alé balelayezannu éé balelawe fé gɔɔli va. É dɔ wo gi léé, wa é pale Gakelebale ta, ’té wa fé léé: Gakelebale ’ka ko va loo? Wenaané ’ka dan bɔ lɛ ko ma lo.

Zakari 10:2

Naa, térafimnu dére a é pla, ’monédɔmunu éé tɛlɛ tɛlama we fé vié nya; nyɛ ginu a vié nya, yé woo mi tɔrɔ paan boawenu nya. Amalé munu a wona bwi gi bélé trubɛ palu zo. Wo pazan ’ka lo, amalé wa wenaané bɔmazannu nya.

Zakari 13:3

Dé mi do a a va léé, ’é balelawe fe é ziin, a yaati valé a yaabu é dan a fe lɛ a lɛ léé: I vié wo Gakelebale tɔ gi, amalé é ’ka lé i vo é yuɛma lo. Dé é balelawe fe, a yaati valé a yaabu é dan a gyɛ lɛ.

Bélidɔwesɛbɛ Fiézan 18:20

Naa, balelayezan‐an é bli si ébo lɛ yé dére lé ’yee Gakelebale ’ka a fe lɛ a lɛ léé, é a fe lo, dé é ’bɛ dére fe ’é tɔ gi, ɛɛ, dé bale bɛ tɔ gi lé é a fe, balelayezan ’ko, wo dan we lɛdɔ lɛ a gi ga nya.

1 Timoté 4:2

Yo ’konu é dan nyanama pa lɛ munu lé woo viéwe paan munu gi, ’té woo wobo drɔan, wo nya. Wolé wevasibli a wo gi bélé wi lé wa pla kyɛ ta, a gale zo kwa?-?koroo.

1 Jan 4:1

Ka lé ka sɔ an lɛ, té ka bli é vo léli faa lɛ lo, naa, ’ka lélinu gi dan, yeean é ke Kazambale zé nya, a dɔɔle we gi, naa, viébalelayemunu kiɛre bɔra tɛrɛ la.