Jérémi 14:13 - Kazambale lé Sebe Sauunu 1979

¹³ Maa a zi pa léma: Aa! Mizan, Gakelebale, bé ye, balelayezannu lé wo lɛ léé: Ka ’ka dan gwɔun ye lɛ lo, lɔrɔ ’ka dan ka gyɛ lɛ pelo; naa, Bale é dan vole drɔɔ bozen nɔ lɛ ka lɛ fɛkona.

Jérémi 14:13 ပူးပေါင်းရင်းမြစ်များ

Ézai 56:10

Izraɛlnu tabinzannu faa yuɛ ’wii, yé ’wuo ’ka wo ta lo. Wo faa a bélé bobogyɛ blénnu zo, wo ’ka bɔa wele lɛ lo. Woo nyɛ gya, woo voo é yiale, yigyɛle sɔ wo lɛ.

Jérémi 1:6

Maa a zi pa léé: Aa, Mizan, Gakelebale, bé ye, an ’ka bɔa we do fele lɛ lo, naa, maa a nékénéné nya, azama.

Jérémi 20:6

Yé bii Pasuu, bii valé ilé munu faa, ka dan go lɛ luu gi; i dan go lɛ Babilɔn yé i dan ga lɛ ’bɛna. Wo dan i pa lɛ ’bɛna, bii valé i béénu faa lé i balelawe fe wo lɛ vié nya bɛ, wo nya.

Jérémi 23:17

Munu lé woo nyé yélié an ma, wo lé ’bɛnu lɛ léma: Gakelebale léma: Ka dan vo lɛ drɔɔ. Yé munu faa lé woo tawoo wolé blibɔmawe zuo, wo lé ’bɛnu lɛ léé: Wenaané do kpen ’ka dan bɔ lɛ ka ma lo.

Jérémi 37:19

Yé balelayezannu lé wo balelawe fe ka lɛ léé, Babilɔn nwiinzan blɛn ’ka dan da lɛ ka valé kalé tɛrɛ ma lo, wa kyɛɛn?

Jérémi 4:10

Yé maa léé: Mizan, Gakelebale, i dabli kɛlɛ munu ’ko valé Jérusalɛm munu lɛ, a fele nya léé: Ka dan vo lɛ drɔɔ, yé sin bléyi ’ko va, gwɔun a bon‐ɛnna wolé tɛrɛla nya.

Jérémi 5:12

Wo sɔn vɔ Gakelebale ma yé wo léé: Bale ’ka lo. Yé we tɔntɔn ’ka dan bɔ lɛ ko ma lo. Gwɔun valé lɔrɔ ’ka dan ko gyɛ lɛ lo.

Jérémi 5:13

Balelayemunu a bélé fu zo é pla, yé mi do ’ka we fé wo lɔlu nya lo. ’É kɛlɛ wo lɛ yee ɛ zo ma.

Jérémi 5:31

balelayemunu éé balelawe fé vié nya, yé Balebanmunu éé dɔa wo dére zuo, yé ’bɛ sɔ anlé munu lɛ. Ka dan kɛlɛ lɛ kaa a ’wuoplanaa?

Jérémi 6:14

Woo anlé munu manɔn paan gi nyané nya, ’té wa fé léé: ’I vo drɔɔ, ’i vo drɔɔ, yé vole drɔɔ do kpen ’ka ana lo.

Jérémi 8:11

Woo anlé munu manɔn paan gi nyané nya, ’té wa fé léé, ’i vo drɔɔ, ’i vo drɔɔ, yé vole drɔɔ do kpen ’ka ana lo.

Ézékiɛl 12:24

Yé yuɛziwenu lé wo ke é pla, wo valé dabliwenu, wo ’ka dan kɛlɛ lɛ Izraɛl munu méléna é ziin lo.

Ézékiɛl 13:22

Ka mi tegelenu bli kyɛ dɔa viéwole nya, dɔlé ’té maabozen ’ka wo bli kyɛ dɔ lɛ lo. Yé ka mi nyanénu bɛ dɔa plɛplɛ léé, té wo si ’wo kɛlɛwe naanénu zuo yé wo vo é yuɛma lo.

Misé 3:11

A nwiinzannu éé we blé blɛ yele we ma; alé Balebanzannu éé we paan mi gi ’wo ban yele we ma; alé balelayezannu éé balelawe fé gɔɔli va. É dɔ wo gi léé, wa é pale Gakelebale ta, ’té wa fé léé: Gakelebale ’ka ko va loo? Wenaané ’ka dan bɔ lɛ ko ma lo.

2 Piɛri 2:1

Viébalelayemunu ana munu méléna é kyɛn, yé viéwe paamigizannu é dan kɛlɛ lɛ ka méléna é ziin, yé wo dan misaanwe paa lɛ munu gi, yé Mizan lé é wo tabo bɛ, wo dan sɔn vɔ lɛ ’bɛ ma, yé wo dan wobozen guru zana lɛ a gi fiaa.