Jérémi 14:12 - Kazambale lé Sebe Sauunu 1979

¹² Dé wo lɔrɔ sɔn‐oo, maa ’ka dan an tɔné dɔ lɛ wolé welaadére lɛ lo. Dé wo wi kyɛ ble an lɛoo, dé wo blɛ kɛlɛ an lɛoo, maa ’ka dan ’bɛ ban‐ɛn ble lɛ lo; naa, é sɔ an lɛ léé, maa wo kulu ga, gwɔun koo, lɔrɔ koo, migyɛgyɛ koo, wo nya.

Jérémi 14:12 ပူးပေါင်းရင်းမြစ်များ

JOB (Job) 27:9

Dé nyané blɛn bɔ a ma, Dé é siaa ’naan, Kazambale a dére ’maa?

Wegɔnévɔlenu 1:28

Wo dan an laa lɛ, yé maa ’ka dan we lɛ lo; wo dan an gini lɛ yé wo ’ka dan an ye lɛ lo.

Wegɔnévɔlenu 15:8

Mi nyanénu lé saraka a lɛrɛlɛrɛ Gakelebale yuɛ gi, naa, mi drɔlenu lé bazorole éé sɔa a lɛ.

Wegɔnévɔlenu 21:27

Mi naané lé saraka a bélé bo zo; yé dé é a bo é gi bɔrɔle naané nya é bli gi nii?

Wegɔnévɔlenu 28:9

Dé mi é tɔné lɛ tan bélidɔwe ’male ma, alé bazorole boen a bélé bo zo.

Ézai 58:3

Dé ko lɔrɔ sɔn yé i ’ka a yé lo, ’bɛ tɔnɔ ɛ ke mɛ nyaa? Dé kobo kɛlɛ kiéné yé i yuɛ sia ko la, ’bɛ tɔnɔ ɛ ke mɛ nyaa? Ka ye, kalé lɔrɔsɔnyi la, ka kabo no kalé bɔn‐in bɔrɔmawenu lɛ, yé ka nyané paan kalé nyanamapazannu ta.

Jérémi 11:11

Bɛwemalé Gakelebale léma: Ka ye, maa dan we tɔntɔnnu bɔ lɛ wo ma, ’té wo ’ka dan bɔ lɛ ’wobo sile lɛ a gi lo. Wo dan siaa lɛ an lɛ, yé maa ’ka dan tɔné dɔ lɛ wo lɛ lo.

Jérémi 11:14

Jérémi, té bii é dɔ munu ’ko lé we gi lo; té i dére nwa wo ma zanté vɔlenu valé wo ma bazorolenu nya lo. Naa, dé we tɔntɔn bɔ wo ma, dé wo an laa, maa ’ka dan tɔné dɔ lɛ wo lɛ lo.

Jérémi 15:1

Gakelebale lé an lɛ léma: Dé é kɛlɛ kɔɔn léé, Moizi valé Samuɛl dɔ munu ’ko lé we gi an ’lɛ, an bli ’ka dan dɔrala lɛ munu ’ko ma lo. ’I wo bin an lɛ baa, ’wo si ana yé ’wo go ma.

Jérémi 16:4

Gyɛ é dan wo gyɛ lɛ yé wo ga; wo ’ka dan wo wuvɔ lɛ lo, wo ’ka dan wo pa lɛ lo; wo dan kɛlɛ lɛ bélé wibo zo tɛrɛ la; wo dan zamaga wo lɛ gwɔun valé lɔrɔ nya, yé wo galenu é dan kɛlɛ lɛ lagi mianénu valé tɛrɛlawinu lé fɛblele nya.

Jérémi 21:6

Maa dan fla ’ko la munu gyɛ lɛ; munu valé winu, wo dan ga lɛ bawurumagyɛ naané nya.

Jérémi 24:10

Gwɔun koo, lɔrɔ koo, migyɛgyɛ koo, maa dan wo pa lɛ wo lɛ zia, fɔɔ yé wo ta é saan tɛrɛ lé maa a nɔ wo valé wo tranu lɛ, a ta.

Jérémi 32:24

Bé ye, wa tɛrɛ ’bin gyɛna fla ma yé wa bon‐ɛnna a nya; Kaldé munu lé wo nwa fla ’ko ma bɛ, wo dan fla ’ko si lɛ, gwɔun koo, lɔrɔ koo, migyɛgyɛ koo, ’té wo Izraɛl kele é wo bɛ. I wean fe, é bɔ, yé bé ye.

Jérémi 6:20

Séba tɛrɛ la lasikɔrɔpo lé wa kyɛ blé koo, gyan ginzan lé éé sié tɛrɛ baa la koo, an mawe a wo gii? Winu lé ka wo kyɛ blé an lɛ, wo ’ka an gi nanaan lo, yé kalé sarakanu ’ka sɔ lɛ an lɛ pelo.

Jérémi 8:13

Gakelebale léé: É sɔ an lɛ léé, an wozé nyaa. Dɔrɔporo ’ka dan kɛlɛ lɛ dɔrɔféi lo, yé bɔrɔporo ’ka dan kɛlɛ lɛ bɔrɔféi lo, yé yililaanu é dan zɔrɔ lɛ; yé fɛ lé maa a nɔ wo lɛ é dan so lɛ wo lee.

Jérémi 9:16

Maa dan wo nwɛɛn lɛ bɛnnu lé wo valé wo tinu ’ka wo dɔɔ lɛ lo, wo méléna, yé maa dan wo zuo bin lɛ gwɔun nya fɔɔ yé maa wo kulu ga.

Ézékiɛl 14:19

Eɛ, dé an da migyɛgyɛ nya tɛrɛ ’ko la, dé an wɛwɛ dɔ a ma ga nya, blaminu valé winu kulu gale we ma,

Ézékiɛl 14:21

Amalé we lé Mizan Gakelebale a fe, yee lo: Dé maa anlé welɛdɔ migifɛ ziɛn pa Jérusalɛm lɛ zia, gwɔun koo, lɔrɔ koo, migyɛwinu koo, migyɛgyɛ koo, woo lé, dé maa wo pa zia blaminu valé winu kulu gale we ma,

Ézékiɛl 8:18

Maa é ziin, maa dan we kɛlɛ lɛ wo lɛ an wɛwɛ dɔle nya. An yuɛyi ’ka dan dɔ lɛ a la wolé we ma lo, yé an nyanai ’ka dan zén lɛ wo ta monomono lo; dé wo siaa dére plɛplɛ nya an tɔné gioo, maa ’ka dan an tɔné dɔ lɛ wo lɛ lo.

OZÉ (Osée) 5:6

Wo dan go lɛ Gakelebale gini lɛ, wolé ’blanu valé wolé dirinu nya wo lee, naa, wo ’ka dan a ye lɛ lo; é a é sile wo va.

Amɔs 5:21

Maa kalé fɛtinu za paan, maa nyé yélié wo ma; ka zénle ékema ’ka sɔ lɛ an lɛ lo.

Misé 3:4

’Bɛ zuo wo dan siaa lɛ Gakelebale lɛ, naa, é ’ka dan we lɛ wo zi lo; ’bɛ bléyi va é dan é yara yɔɔ lɛ wo lee; wo wenaanénu kɛlɛ, azama.

Zakari 7:13

Lai sunyanu lé Gakelebale léma: Dé an wo laa, wo ’ka ’wo tɔné dɔa lo, amalé dé wo an laa, maa ’ka an tɔné dɔ lɛ wo lɛ lo.

Malasi 1:10

Ka va mi kyɛn ɛ dan anlé kɔn lɛ tan lɛ léé, té ka kyɛ bi an banna ta é pla loo? Lai sunyanu lé Gakelebale léé: Kalé we ’ka an gi do boen nanaan lo; fɛ lé ka an ban a nya, maa ’ka dan an ban‐ɛn ble lɛ lo.

Malasi 2:13

We do lé ka kɛla é ziin, yee lé ke ’ko: ka yuɛyi éé zén‐é balebanna ta, ’té ka wuvɔa, ’té ka dunnuan; Gakelebale ’ka é ban‐ɛn blé lo, yé fɛ lé ka nɔ a lɛ é ’ka a si lɛ lo, amalé ka wuvɔa.

Wegɔɔnle 6:8

Maa a naginina yé bé ye, kyɛyee wisoo bɔra. Wo atazan tɔ laama ga, yé gamunu nyanana a a va. Wa se kɛlɛ wo lɛ léé, ’wo tɛrɛ fén ziɛnzan tamunu gyɛ, gwɔun koo, lɔrɔ koo, migyɛgyɛ koo, bwigiwinu koo, wo nya.