Jérémi 14:10 - Kazambale lé Sebe Sauunu 1979

¹⁰ Ka ye, Gakelebale munu ’ko ma we fe yé é léma: Vlan burule fɛfaana sɔ wo lɛ. Wo ’ka bɔa wobo kunle lɛ yé wo nyana fɛ dona lo; amalé an ’ka bɔa kunle lɛ wo ma lo. Wolé weplenu sele dɔ sin an gi, yé an we lɛdɔa wo gi wolé wenyanénu ma.

Jérémi 14:10 ပူးပေါင်းရင်းမြစ်များ

1 Minwiinzannu 17:18

Yé le ’ko lé Éli lɛ léé: Bale lé mi, mɛ we ɛ ke ko mélénaa? I da anlé kɔn gi anlé weple sele dɔle an gi, é valé an be gyɛle we gii?

Lɛrɛvɔ Sɛbɛ 119:101

An gane sié zi naanénu faa ’léé, Tawole i dére ta we ma.

Lɛrɛvɔ Sɛbɛ 95:10

Lɛɛ yɔ fié gi bɛn ’ko sɛrɛ an gi, Yé maa léé, migɔnɔ ’ko, bli lé éé wo saan, é a wo gi; Wo ’ka anlé zinu dɔɔa lo.

Fwile 32:34

Amalé ’i go, fɛ lé maa ana fe i lɛ, ’i go munu nya ’bɛna. I yua, anlé lanje é dan tawo lɛ i ’lɛ, naa, anlé welɛgipa yi nya, maa dan we lɛdɔ lɛ wo gi wolé wenyané ma.

Jérémi 2:36

Mɛmalé ka a ta kelekele wona kalé zi nɔlale we maa? Éjipiti munu é dan ka gyɛ lɛ yara nya bélé fɛan zo lé Asiri munu ka gyɛ yara nya, a zo.

Jérémi 3:13

I kɛlɛwe ple sele ’é dɔ i gi ma. A sele ’é dɔ i gi léé, i ’ka pla lɛ Gakelebale, ilé Bale wuo lo, yé i goo ’ko, yé i goo ’ko, bale bɛnu va yili drɔɔdrɔɔnu faa wuo, yé i ’ka i tɔné dɔ lɛ an dére lɛ lo. Maa Gakelebale ɛ ke a fena.

Jérémi 31:34

Mi do kpen ’ka dan we paa lɛ é bɔluzan gi lo, yé mi do kpen ’ka dan we paa lɛ é bwe gi a fele nya léé, ’ka Gakelebale dɔɔ, lo. Naa, é sia né kiénénu ma, fɔɔ yé é bɔ mi kwakwanu ma, munu faa é dan an dɔɔ lɛ. Naa, maa dan wo ma we vo lɛ wolé weplenu ma, yé wolé wenyanénu sele ’ka dan dɔ lɛ an gi é dɛrɛ lo. Maa Gakelebale ɛ ke a fena.

Jérémi 6:20

Séba tɛrɛ la lasikɔrɔpo lé wa kyɛ blé koo, gyan ginzan lé éé sié tɛrɛ baa la koo, an mawe a wo gii? Winu lé ka wo kyɛ blé an lɛ, wo ’ka an gi nanaan lo, yé kalé sarakanu ’ka sɔ lɛ an lɛ pelo.

Jérémi 8:5

Mɛmalé Jérusalɛm munu wo wobo no zi sanlenu lé wo glɛ ’ka lo, wo lɛɛ? Woo yara paan dabli kɛlɛle ta, yé woo sɔn vɔa ’wo bli nɔlale ma.

Ézékiɛl 29:16

Yé yee bɛngɔnɔ ’ko ’ka dan kɛlɛ lɛ Izraɛlnu pa a tazan nya é dɛrɛ lo; yé dé wo yara nɔla a vazia, é dan wolé weple sele dɔ lɛ wo gi, yé wo dan a gi dɔɔ lɛ léé, maa ɛ ke Mizan Gakelebale nya.

OZÉ (Osée) 11:7

Saanbli a anlé munu gi, wo si an ma baa. Wa fe wo lɛ léé, ’wo Loruzan nagini, naa, wo va mi do kpen ’ka yuɛ vɔ lɛ ana lo.

OZÉ (Osée) 11:9

Maa ’ka dan we kɛlɛ lɛ anlé bliflile yɛrama lo; Maa ’ka dan Éfraim sɛrɛ lɛ lo; Maa ’ka mi nya lo, maa a Bale nya, azama. Maa a Mi Sauun nya ka méléna; An ’ka dan da lɛ bliflile nya lo.

OZÉ (Osée) 7:13

Wo fwi an wuo baa, amalé wenaané ’é kɛlɛ wo lɛ. Wo yuɛi blan an ma, amalé ’wo sɛrɛ ma. É sɔ an lɛ léé, maa wo si we gi, naa, wo vié wo an ma.

OZÉ (Osée) 7:2

É ’ka wo gi léé, wolé wenyanénu faa sele a an gi lo; wo kɛlɛwenu wo zi lɛ sɔɔ, wo faa a an ’lɛ.

OZÉ (Osée) 8:13

Woo an baan wian nya bɛ, wa kɛla a wi blele we ma; Gakelebale ’ka ’bɛ ban‐ɛn blé lo. Sin wolé weple sele dɔ Gakelebale gi, yé é dan we lɛdɔ lɛ wo gi wolé wenyané ma; wo dan go lɛ Éjipiti tɛrɛ la wo pa gi.

OZÉ (Osée) 9:9

Wa é vɔnle bélé we lé é bɔ Gibéa yi la, a zo; wolé weple sele é dan dɔ lɛ Gakelebale gi, yé é dan we lɛdɔ lɛ wo gi wolé wenyanénu ma.

Amɔs 3:2

’Kaa do kpen lé maa ka si tɛrɛ la migɔnɔnu faa va, bɛwemalé maa dan we lɛdɔ lɛ ka gi, kalé wenyanénu faa lé we ma.

Amɔs 5:22

Dé ka an ban balebanwi lé wa kyɛ blé, ’bɛ valé blɛfɛ nyaoo, é ’ka sɔa an lɛ kiéné boenwo lo; diriné nyɔnɔzannu lé ka bɔvɔ saraka bo wo nya, wo ’ka an yuɛi bɔa lo.

Ébrunu 8:12

Maa dan wo ma we vo lɛ wolé weplenu ma, Yé wolé wenyanénu sele ’ka dan dɔ lɛ an gi é dɛrɛ lo, ’bɛzama.

1 Samuɛl 15:2

Lai sunyanu lé Gakelebale léma: We lé Amalɛk a kɛlɛ Izraɛl lɛ a sile Éjipiti bléyi va, zi dɔle nya a ’lɛ, a sele a an gi.