Jérémi 13:27 - Kazambale lé Sebe Sauunu 1979

²⁷ Maa ilé mi bɛ naginilenu ye, yé maa i wele a zuo ’ma; ilé wenaané lé bé kɛlɛ pɛnpɛnné gyɛle nya gɔpanénu nwiin valé féinu ta, maa wo ye; maa ilé bozowenu ye. Bii Jérusalɛm, we tɔntɔn kɛlɛ i lɛ; i tiri é dan vo lɛ é dɔle yifaamaa?

Jérémi 13:27 ပူးပေါင်းရင်းမြစ်များ

Lɛrɛvɔ Sɛbɛ 94:4

Woo za vɔa, woo we fé dére blɛnblɛn nya; Munu faa lé woo wenaané kɛla, woo wobo ze vɔa.

Lɛrɛvɔ Sɛbɛ 94:8

Wedɔɔalozannu, ’ka yuɛ pa kabozen va. Tavozannu, dé ka dan we dɔɔ lɛ mɛ bléyi vaa?

Wegɔnévɔlenu 1:22

’Wuoplɛplɛzan, i dan daan lɛ ’wuoplɛplɛwe ma mɛ yi laa? Wenanamunu é dan daan lɛ we nanale ma mɛ yi laa? ’Tugyɛzan é dan we dɔɔ lɛ mɛ yi laa?

Ézai 57:7

Ka kalé yialafɛ plaan gɔblɛn torole nwiin; yee fɛkona lé ka yo baan.

Jérémi 11:15

An sɔlɛzan baba é dan mɛ fɛ kɛlɛ lɛ anlé kɔn gii? Éé weple kiɛre kɛla ana. Saraka bowi éé bɔa i sile lɛ we tɔntɔn gii? Dé i wenyané kɛlɛ, ’té ibo kɛla blɛn.

Jérémi 3:6

Minwiinzan blɛn Jozias bléyi va Gakelebale lé an lɛ léé: Izraɛlnu ’ka plaan an wuo lo. I a yé loo? Wo go gɔ torole faa nwiin, yé wo go yili drɔɔdrɔɔnu faa wuo, yé ’bɛna lé wo go bale bɛnu zuo bélé gɔnégini le zo.

Ézékiɛl 16:23

We tɔntɔn, we tɔntɔn ’é bɔ i ma ma. Mizan Gakelebale ɛ fe. I kɛlɛwe naanénu faa zuo,

Ézékiɛl 2:10

É a fuo an yuɛ va. ’Té sɛbɛ a é gyɛle a gi valé a lala; wuvɔwenu koo, nyanaizéla dérenu koo, dunnulenu koo, wa é gyɛle a ta.

Ézékiɛl 20:28

Tɛrɛ lé maa anbo ’nyɔɔn léé, maa a nɔ wo lɛ, maa go wo nya ana. Yé wo ’wo yuɛ vo gɔpané nwalenu faa lɛ, ’é valé yili kwɛɛvɔlenu faa lɛ; ’bɛna lé wo ’wolé sarakanu bo, yé blɛfɛnu lé woo an bli flian wo nya, wa nɔ ’bɛna. Wo ’wolé lasikɔrɔ gin nénézan kyɛ ble ’bɛna, yé woo ’yinu zana yo lɛ ’bɛna.

Ézékiɛl 24:12

Kwa kulile faa a é pla; gyan kiɛre lé é ke a ma, é ’ka dan si lɛ a ma lo; kyɛ ɛ dan a si lɛ a ma.

Ézékiɛl 24:13

Weple a i tiridɔfɛ va. Naa, é sɔ an lɛ léé, maa i gi bɔ, yé i gi ’ka bɔ lɛ lo, amalé i gi ’ka dan bɔ lɛ i tiridɔle gi lo fɔɔ ’té an wɛwɛ dɔle lɛ sɔɔ é wo i ma.

Ézékiɛl 24:6

Amalé Mizan Gakelebale léma: We tɔntɔn ’é bɔ fla lé éé mi nyɛ zanaan, a ma. Lɛedaa lé gyan ke é vɔle a ma, ’té alé gyan ’ka soo a ma lo, we tɔntɔn ’é bɔ a ma ma. ’I wi nɛnu si a gi do do, té i wo vabo lo.

Ézékiɛl 36:25

Maa dan ’yi sésé zén lɛ ka ta yé ka gi é dan bɔ lɛ. Maa dan ka tiri valé kalé miyilinu si lɛ ka ma, yé ka kɛlɛ tata.

Ézékiɛl 36:37

Mizan Gakelebale léma: Bé ye, we ’ko ta é ziin, maa zi nɔ Izraɛl munu lɛ léé, wo we ’konu laa an lee. Wean maa dan kɛlɛ lɛ wo lɛ, yee lé ke ’ko: Maa dan wo fan lɛ bélé trubɛ zo.

Ézékiɛl 6:13

Dé wo galenu vo é diale wolé miyilinu méléna wolé yobannanu zi, gɔ nwalenu valé gɔ zoroné faa nwiin, yili drɔɔdrɔɔnu faa valé sɛnéyili kwɛɛzannu faa wuo, dé wo wo galenu ye é diale fɛfaana lé wo ’wolé miyilinu faa ban lasikɔrɔ nya, ’té wa gin sié néné, wona, ’bɛna lé wo dan a gi dɔɔ lɛ léé, maa ɛ ke Gakelebale nya.

OZÉ (Osée) 1:2

We vininzan lé Gakelebale a fe Ozé lɛ, yee lo: Gakelebale lé a lɛ léma: ’I go, ’i bɔrɔdɛ le do si i na nya, ’té alé bɔrɔdɛ ta nénu a; naa, tɛrɛ ’ko sɔn vɔ Gakelebale ma, yé é vo bɔrɔdɛ le zo.

OZÉ (Osée) 4:2

Bale ’nyɔɔnle vié nya koo, viéwole koo, nɔmaga wole koo, kyeenwole valé leginile koo, ’bɛ saa ɛ ke ana. Wa glawe kɛlɛna, ’té woo goo migyɛle nya é ke la mi.

OZÉ (Osée) 8:5

Samarinu, Gakelebale sɔn vɔ kalé diriné foto ma. An bli a é flile wo ma. Wo dan wobo kɛlɛ lɛ é zima mɛ yi laa?

Sofoni 3:1

Fla lé é ke é fanle yaamitazannu nya, tɔnégiplɛplɛzannu lé fla lé a tiri ke é dɔle, we tɔntɔn é bɔ a ma ma.

Matio 11:21

Korazɛn munu, ka gale nyɔ. Bɛtsaida munu, ka gale nyɔ. Gyɛzorowenu lé maa a kɛlɛ ka méléna, dé é vo léé, maa a kɛlɛ Tii valé Sidɔn, ’té ana munu ’wo bli nɔla namɔn é kwakwa, bɔlɔ valé kyɛyee zénle nya ’wo ta.

2 Korɛnt Munu 12:21

An kana léé, dé an bɔ, yara dɛrɛ é dan an gyɛ lɛ anzé Bale yara kalé we ma, yé an dan wuvɔ lɛ mi kiɛre lé wo wenyané kɛlɛ turu yé wo ’ka ’wo bli nɔla lɛ we tiridɔle koo, pɛnpɛnnégyɛle koo, we vɔnle koo, wo ma lo, wolé we ma.

2 Korɛnt Munu 7:1

An sɔlɛzannu, blivolɛdére ’ko zonu a kaa lee, amalé kaa dɔbɛ kyɛn ma tiridɔfɛnu valé léli ma tiridɔfɛnu faa si kaa ma ma, kaa kɛlɛle sauun lɛsɔɔle we ma, kanale Kazambale lee nya.

SEBE LÉ JAK A GYE (Épitre de Jacques) 4:4

Ka a bélé le bɛ valé gɔné bɛ ginizannu zo. Ka ’ka a gi dɔɔa léé, tɛrɛla sɔle mi lɛ éé mi kɛla Kazambale nyanézan nya loo? Bɛwemalé, dé mian éé tɛrɛlawe kɛla ’é béé nya, ’té é a ébo kɛlɛna Kazambale nyanézan nya.

Wegɔɔnle 8:13

Maa a nagini yé gola lé é ke sina la méléna, maa a dére plɛplɛ ’ma yé é léé: We tɔntɔn, we tɔntɔn, we tɔntɔn é dan kɛlɛ lɛ tɛrɛlamunu lɛ, béli bɛ yaa lé lanje yaa é dan a fɛn lɛ bɛ, alé we ma.