Jérémi 13:22 - Kazambale lé Sebe Sauunu 1979

²² Dé bé fe i bli gi léé: Mɛmalé we ’ko bɔ an maa? Ilé weple di lé we ma lé wo ilé sɔ si i ta gla nya yé i dɔ é porole.

Jérémi 13:22 ပူးပေါင်းရင်းမြစ်များ

Ézai 20:4

a zo duo lé Asiri munu nwiinzan é dan go lɛ Éjipiti munu valé Étiopi munu nya luu gi, yé wo kɛlɛ lulazannu nya, yé miboronénu valé mi segelenu wo dan tawo lɛ é porole, ’té sawala ’ka wo gane ma lo, ’té wo péli la a é pla, yé yara é dan Éjipiti munu gyɛ lɛ.

Ézai 3:17

bɛwemalé Mizan é dan Siɔn lomu gyɛ lɛ palo nya, Gakelebale é dan wo poro lɛ.

Ézai 47:8

Le nɔnɔmi kaii lé i nyanaan ibo ma duaa, ’Té bé fé i bli gi léé, Maa lé, maa, maa do kpen ɛ ke ana, Maa ’ka dan kɛlɛ lɛ gyɛzarale nya monomono lo. An ’ka dan vuru lɛ nénu ma lo, ’I tɔné dɔ sin.

Jérémi 13:26

Maa dan ilé sɔ lɔlunu nwa lɛ fɔɔ yé é bɔ i yara, yé yaragyɛwe lé é bɔ i ma bɛ, yé munu a ye.

Jérémi 14:16

Yé munu lé wo balelawe fe ’bɛnu lɛ, ’bɛnu galenu é dan dia lɛ Jérusalɛm zinu ta, lɔrɔ valé gwɔun pagi nya. Wo koo, wo nanu koo, wo benu koo, wo lunu koo, wo pazan do ’ka dan kɛlɛ lɛ ana lo; maa dan wolé we lɛrɛlɛrɛnu nɔla lɛ wo ma.

Jérémi 5:19

Dé ka fe léé: Mɛmalé Gakelebale kolé Bale éé we ’ko faa kɛla ko lɛɛ? bé zi pa wo lɛ léé: Ka sɔn vɔa an ma fɛan zo yé ka bale bɛnu bɔ kalé tɛrɛ la, a zo duo lé ka dan pla lɛ bɛn bɛnu wuo, tɛrɛ lé é ’ka kazé nya lo, a ta.

Jérémi Lé Wuvɔ Sɛbɛ 1:8

Jérusalɛm lé wenyané fan, Bɛwemalé é kɛlɛ léabomafɛ nya; Munu faa lé wa tɔ bɔa turu, wa yé mi porole nya, amalé woo serele boo a ma; Yeebozen éé bamaflin woo, ’té éé ’wuo vɔa é wuo.

Ézékiɛl 23:26

Wo dan ilé sɔnu si lɛ i ta; wo dan i ’lɛrɛfɛnu si lɛ i ta.

OZÉ (Osée) 12:8

Éfraim a yaawozan nya, alé viékilo a a lee; dabli kɛlɛle sɔ a lɛ.

OZÉ (Osée) 2:10

Yé é ’ka a gi dɔɔ lɛ léé, maa ɛ ’sa valé nwɛ dɛrɛ valé nyɔnɔ no é lɛ lo; yé gɔɔlifu valé kyan lé maa a nɔ a lɛ, é a kɛlɛ Baal banfɛ nya.

OZÉ (Osée) 2:3

’Ka fe ka bwenu lɛ léé: Ami, ’bɛ gi léé, anlé munu; ’ka fe ka burunu lɛ léé: Rusama, ’bɛ gi léé, nyanai zénle.

OZÉ (Osée) 2:5

Dé ’bɛ kaan lo, maa dan a poro lɛ, yé maa dan a vo lɛ bélé é yaayi la zo; maa dan a kɛlɛ lɛ bélé bwi zo, bélé tɛrɛ gi gale zo, yé é dan ga lɛ ’yiminilɔrɔ nya.

Naum 3:5

Sunyanu lé Gakelebale léma: Bé ye, maa a bii ɛ ma, Maa dan ilé sɔ nwa lɛ fɔɔ yé maa a zén i ’wuo ma, Maa dan i porole nagɔɔn lɛ bɛngɔnɔnu lɛ, Maa dan ilé yaragyɛwe nagɔɔn lɛ plaminwiin tɛrɛnu ta.

Sofoni 1:12

’Bɛ yi la, maa dan Jérusalɛm gi fwi lɛ kyɛbɔnu nya an lee, yé munu lé wo ke é yiale wolé yialafɛnu ta flee, ’té wa fé wo bli gi léé, Gakelebale ’ka we zin kɛla lo, yé é ’ka a naané kɛla lo, maa dan we lɛdɔ lɛ wo gi.

Bélidɔwesɛbɛ Fiézan 18:21

Dé ka fe ka bli gi léé, dé ’yee, Gakelebale, ’ka dérean fe lɛ lo, ko ’bɛ gi dɔɔan kaa? a gi lé ke ’ko:

Bélidɔwesɛbɛ Fiézan 7:17

Dé ka dan fe lɛ ka bli gi léé, bɛn ’konu kiɛre mini ko ta, ko dan wo bin lɛ kaa?

Bélidɔwesɛbɛ Fiézan 8:17

Té ka fe ka bli gi léé, ’wolé plɛplɛ valé ’wo bɛ plɛplɛ ma lé ’wo fua ’ko ble lo.