Jérémi 13:17 - Kazambale lé Sebe Sauunu 1979

¹⁷ Dé ka ’ka ka tɔné dɔ lɛ an lɛ lo, Maa dan wuvɔ lɛ kyeen gi kalé boblɛn lé we ma. An yuɛyi é dan yoro lɛ, Wo go Gakelebale lé trubɛnu nya luu gi, azama.

Jérémi 13:17 ပူးပေါင်းရင်းမြစ်များ

Lɛrɛvɔ Sɛbɛ 119:136

Wo ’ka ilé bélidɔwenu kɛla lo, Amalé an yuɛyi éé yoroan bélé ’yi zo.

Lɛrɛvɔ Sɛbɛ 80:1

Azafa lɛrɛ ’ko vɔle gɔɔn lɛrɛvɔzannu zilɛzan lɛ. Lɛrɛvɔafɛ lé wa laama bolu lé goo, ’wa gyɛ a va. Lɛrɛ lé.

Ézai 63:11

We lé é kɛlɛ é li kwakwa Moizi bléyi va, a sele dɔ Bale lé munu gi; mi lé é wo si wɛyi va élé trubɛ tabinzan nya, é a kyɛɛn? Mi lé é Léli Sauun pa wo va,

Jérémi 14:17

Bé fe wo lɛ léma: É yiéyi valé é béli an yuɛyi a yorona, Yé é ’ka kinié lo; Naa, wenaané blɛn bɔ anlé munu ma, Manɔn yaale baba bɔra wo ma.

Jérémi 15:17

Maa ’ka nyana lɛ mi ma wenanazannu va léé, an gi ’é nana wo va lo; naa, ilé plɛplɛ lé we ma lé an nyana an do; naa, bii an fan wɛwɛ nya.

Jérémi 17:16

Yé maa, maa i lɛdɔ a ma. Maa ’ka sɔn vɔ lɛ an kɛlɛle Bale lé munu pazan nya ma lo; yé bé gi dɔɔ léé, maa ’ka a va léé, yi tɔntɔn é bɔ lo; wean é bɔra an ’léé, maa a fe gɔrɔ la.

Jérémi 22:5

Naa, dé ka ’ka ka tɔné dɔa dére ’konu lɛ lo, maa anbozen ’nyɔɔn léé, kɔn ’ko, é dan kɛlɛ lɛ é ’bin nya.

Jérémi 23:1

Gakelebale léma: Munu pazannu lé woo anlé trubɛnu gi sɛra, ’té woo wo kinié ékema, we tɔntɔn ’é kɛlɛ wo lɛ ma.

Jérémi 23:2

Bɛwemalé, munu pazannu lé woo fɛblele no anlé munu lɛ, Gakelebale, Izraɛl lé Bale wo ma we fe léé: Ka anlé ’blanu fwila, ka wo bin; ka ’ka wo pa lɛ é zima lo, amalé maa dan we lɛdɔ lɛ ka gi kalé we lɛrɛlɛrɛ kɛlɛle we ma. Maa Gakelebale ɛ ke a fena.

Jérémi 9:1

Yiba! dé é kɛlɛ kɔɔn léé, an ’wuo a é fanle ’yi nya, Dé an yuɛ a kɔɔn ’yibɔna zo, ’Té maa dan anlé munu galenu wuvɔ lɛ, Bladi nyanadi.

Jérémi Lé Wuvɔ Sɛbɛ 1:16

Bɛwemalé an wuvɔa, ’té an yuɛyi éé zén‐é, Naa, mian énɔ an tɔrɔ paama, é si an ma baa, Mian éé an fuu dɔa an ta, yee lé. Guliwuo vo an nyanézannu lɛ, amalé an benu bli kyɛ dɔ é baba.

Jérémi Lé Wuvɔ Sɛbɛ 1:2

Éé wuvɔa tu la, yé a yuɛyi a golɛ la blé; Munu faa lé é sɔ wo lɛ, a tɔrɔpaazan do ’ka ye lɛ ’bɛnu va lo; A béénu faa bli nɔla a ma, Yé wo kɛlɛ a nyanézannu nya.

Jérémi Lé Wuvɔ Sɛbɛ 1:9

Alé sɔ lɔlu tiri dɔ, yé é ’ka bɔn‐in bɔrɔan é nyaale ma lo; Munu gi vuru a diabɛ lé we ma, yé a tɔrɔpaazan ’ka lo; Oo Gakelebale, ’i anlé nyanainya we ye. Ko nyanézannu éé ko naginian ’wo yuɛ zuo.

Jérémi Lé Wuvɔ Sɛbɛ 2:18

Woo siaan, ’té wo bli a Mizan lɛ, Siɔn munu lé flagɔrɔ, ’i kɛlɛ bélé mi lé éé wuvɔa é yiéyi valé é béli, ’té a yuɛyi éé yoroan, a zo. Té i flin lo, Té i yuɛyi é nyaa i yuɛ gi lo.

Jérémi Lé Wuvɔ Sɛbɛ 3:48

An yuɛyi éé yoroan bélé ’yiyoro zo, Anlé munu sɛrɛle tata we ma.

Ézékiɛl 24:16

Blami be, bé ye, le lé i bli bɔ a ma kaii, maa dan a si lɛ zamaga nya. Té bé wuvɔ lo; té bé gyɛ bo lo; té i yuɛyi é yoro lo.

Ézékiɛl 34:31

’Kaa anlé ’blanu, anlé trubɛ blena ’blanu, ka a blaminu nya; yé maa ɛ ke kalé Bale nya. A zo lé Mizan Gakelebale a fe.

Ézékiɛl 36:38

Maa dan fla sɛrɛle ’konu fan lɛ wo nya bélé trubɛnu lé wa pa é yɛrama Bale zé nya, a zo, trubɛnu lé wo go wo nya fɛti blɛn kɛlɛna Jérusalɛm, woo lé. Yé wo dan a gi dɔɔ lɛ léé, maa lé ke Gakelebale nya.

Ézékiɛl 9:4

Gakelebale lé a lɛ léma: ’I gié Jérusalɛm woro dii yé munu lé woo bakinima flin woo, ’té munu lé bozowenu kɛlɛle éé wu vɔa wo ma bɛ, ’i tɔmase gyɛ wo yarapɛla.

Malasi 2:2

Dé ka ’ka tɔné dɔ lɛ an lɛ lo, dé ka ’ka a pa lɛ ka bli gi léé, ka an tɔ bɔ lo, maa dan bale pa lɛ ka ma, yé fɛ lé ke ka drɔɔvofɛ nya é kyɛn, maa dan bale pa lɛ ’bɛ ma. Iin, maa dan bale pa lɛ wo ma; ka ’ka an dére pa lɛ ka bli gi lo, azama. A zo lé lai sunyanu lé Gakelebale a fe.

1 Samuɛl 15:11

Saul diéra an zuo, yé é ’ka tawoo an dére ta lo, amalé an bli nɔla a dɔle minwiinzan nya we ma. Samuɛl bli kyɛ dɔ yé é tu kini wuvɔle nya Gakelebale lɛ.

1 Samuɛl 15:35

Samuɛl ’ka go lɛ we lɛ Saul va é dɛrɛ lo fɔɔ yé a gayi bɔ a zo; naa, Gakelebale é bli nɔla Saul kɛlɛle Izraɛlnu nwiinzan blɛn nya ma, amalé Samuɛl Saul ma wuvɔ.