Jérémi 13:16 - Kazambale lé Sebe Sauunu 1979

¹⁶ ’Ka fua nɔ Gakelebale kalé Bale lɛ A dale gunutinu nya ’lɛ, Ka gane sɔnéwɔlɛ sanle gɔnu ma gunutinu va ’lɛ. Ka dan san dale lɛbɛn lɛ, Yé é dan san ’ko nɔla lɛ gafurɔ nya. É dan a nɔla lɛ gunuti tiritiri nya.

Jérémi 13:16 ပူးပေါင်းရင်းမြစ်များ

JOB (Job) 3:5

Gale furɔ valé gunu tiritiri ’é yee yi ’ko ta saan, Lati ’é vo a ta ma, Yiéyi gunu ’é dɔra a ta ma, yé ’é kana zén mi gi ma.

Lɛrɛvɔ Sɛbɛ 107:10

Woo nyanaan gunutinu va, é valé gale furɔ wuo, Wo vo luugizannu nya, ’té wa nyanaizénlazannu valé gɔgɔbale gizannu nya;

Lɛrɛvɔ Sɛbɛ 107:14

É wo si gunutinu valé gale furɔ wuo, Yé é wo ma balenu bɔi.

Lɛrɛvɔ Sɛbɛ 29:2

’Ka tɔ blɛn nɔ Gakelebale lɛ. ’Ka dia ka bli la Gakelebale ’lɛ, ’té kalé Bale la ’lɛrɛfɛnu a ka ta.

Lɛrɛvɔ Sɛbɛ 44:19

Ko bli ’ka si lɛ ilé we lɛ lo, Ko gane ’ka si lɛ ilé zi ta lo,

Fwile 10:21

Gakelebale lé Moizi lɛ léé: ’I bɛ soi lai zia, yé gunu ’é dɔra Éjipiti tɛrɛ la ma, gunu tiritiri lé mi é bɔalɛ léé, é bɛ mane a ma, a nya.

Wegɔnévɔlenu 4:19

Wenyanékɛlɛmunu lé zi a bélé gunuti zo; fɛ lé éé wo diaan wo ’ka a yé lo.

Bale Lé We Gifezan 11:8

Amalé dé mi lɛɛ kɛlɛ kiɛre tɛrɛ la, a gi ’é nana lɛɛ ’konu faa gi ma, yé ’é gi bɔrɔ gunutinu va yinu lé wo dan kɛlɛ lɛ kiɛre, wo ma ma; we faa lé é dan bɔ lɛ é a boawe nya.

Ézai 5:30

’Bɛ yi la é dan nyana vɔ lɛ élé wi ta bélé wɛyi vun wele zo. Dé mi tɛrɛ nagini, gunuti saa lé éé a yé, ’té munu éé nyané blé; dé é a la nya, gunu a é dɔrale ’bɛ gi.

Ézai 59:10

Ko bɛ daan, bélé yuɛwiizan ɛ ke é bɛ danna kɔnguru ma; ko bɛ daan bélé mi lé a yuɛ ’ka lo, a zo; ko sɔné éé saan é yiéyi bélé béli lé; ko a fɛ kiɛre méléna, ’té ko a bélé migalenu zo.

Ézai 59:9

Bɛwemalé ko vole koboma a ko ma baa, yé sile we gi ’ka ko lɛ é pu lo. Ko a san lɛbɛnna, ’té gunuti lo. Ko a fɛna fu lɛbɛnna, ’té ko tawoo gunu tiritiri va.

Ézai 60:2

Ka ye, gunuti éé tɛrɛ ta sɔɔlaan, Yé munu a gunu tiritiri va; Naa, Gakelebale a i ta, Alé fuasan bɔra bii ɛ va.

Ézai 8:22

’Bɛ zuo wo dan ’wo yuɛ vɔ lɛ tɛrɛ va, yé bé ye, nyanéblele koo, gunuti koo, kleblele blɛn koo, wo saa ɛ ke ana; yé wo dan go lɛ gunuti tiritirinu va.

Jérémi 14:19

I sɔn vɔ Juda ma weboen nyaa? Yé biiboen Siɔn yé naaninvɔmafɛ nyaa? Mɛmalé éé ko blaan Yé ko bélifɛ do ’ka ana loo? Ko bli a vole drɔɔ lɛ, naa, ginanawe do kpen ’ka ana lo, Ko bli a ko bélile lɛ, yé bé ye, yoyo zén ko gi.

Jérémi 2:6

Maa Gakelebale lé an wo si Éjipiti tɛrɛ la, wo ’ka an ta laan boenwo lo; An go wo nya bwi gi, Tɛrɛ lé fɛ do ’ka ana lo, ’té guru saa ke ana, Tɛrɛ lé ’yi ’ka a gi lo, ’té ga ke ana bɛ, Tɛrɛ lé mi do kpen ’ka giéan ana lo Yé mi do kpen ’ka nyanaan ana lo, an da wo nya ana ’naan, Yé wo ’ka an ta laan loo?

Jérémi 23:12

Bɛwemalé wolé zi é dan kɛlɛ lɛ yɔrɔyɔrɔ gunuti va, Wo dan wo nyunu lɛ yé wo dan dia lɛ; Naa, maa dan we tɔntɔn bɔ lɛ wo ma, Lɛɛan nya lé maa dan we lɛdɔ lɛ wo gi, ’bɛ lɛɛ nya. Maa Gakelebale ɛ ke a fena.

Jérémi 4:23

Maa tɛrɛ nagini, ’té tɛrɛ a mlauun, ’té fɛ do kpen ’ka ana lo; Maa lanu nagini, ’té wo vakinifɛnu san.

Jérémi 50:6

Anlé munu a ’bla trubɛ palu sanle nya. Wo tabinzannu zi saan wo nya, wo wo saan gɔnu nwiin; wo si gɔ blɛnnu nwiin yé wo go gɔpanénu nwiin; wo gi san ’wo nyanana ma.

Jérémi 6:21

Amalé Gakelebale léma: Maa dan misaangɔlɛnu pla lɛ munu ’konu ’lɛ; nénu valé ’wo tinu sɔné é dan san lɛ ékeva; béé valé béénu sɔné é dan san lɛ a ma yé wo dan zamaga wo lɛ.

Jérémi 8:15

Ko bli a kɔɔn vole drɔɔ lɛ, yé ginanawe do kpen ’ka bɔna lo; ko bli a kɔɔn bélile lɛ, yé ka ye, dikiniémigiwe bɔ.

Jérémi Lé Wuvɔ Sɛbɛ 4:17

Ko yuɛ pɛ ga é gi é ziin, Ko ko bɔavazannu lɛbɛn é pla. Ko vo a naginina, ’té ko bli a a lɛ léé, Bɛn do é dan ko si lɛ we gi, naa, ’bɛ ’ka lo.

Ézékiɛl 21:15

Mi gyɛle lé we ma lé wa ’lɛ vɔ; a ta bile nyananyana lé we ma lé wa ta so. Ko gi é dan nana lɛɛ? An be lé plaminwiinyili éé serele boo yili faa ma.

Ézékiɛl 34:12

’Blapazan a élé ’bla fwilalenu méléna fɛan zo, ’té éé wo ginian bɛ, a zo lé maa dan anlé ’blanu gini lɛ, yé fɛana lé wo kini ékema yé wo go, yian nya lé fɛna gunu dɔra yé té yiri ’ka bié lo bɛ, maa dan wo si lɛ ’bɛna yé maa da wo nya an va.

Ézékiɛl 36:15

Maa ’ka dan a nyi si lɛ léé, i bɛn bɛnu lé sɔnɔdére ’ma é dɛrɛ lo, yé munu ’ka dan serele bo lɛ i ma é dɛrɛ lo; i ’ka dan ibo bɛngɔnɔ sɛrɛ lɛ é dɛrɛ lo. A zo lé Mizan Gakelebale a fe.

Joɛl 2:2

Yi ’ko la, béli éé taan yé gunu éé dɔraan; Yi ’ko la, lati éé tuaan, yé lolu éé vɔa; É dan bélé tukinile zo yé é zén gɔnu ta, Migɔnɔ lé wo ke kiɛre, ’té wa plɛplɛ, woo lé; Wo ’ka tan wo zoɛ munu ye lɛ é vinin lo, Yé wo ’ka dan wo zoɛ munu ye lɛ wo zuo monomono lo.

Amɔs 4:13

Naa, mi lé é gɔ blɛnnu kɛlɛ yé é fu kɛlɛ, Yé éé bɔn‐in bɔrɔmawe gɔɔn‐an blami lɛ, Yee lé éé tu kinile nɔlaan gunu nya, ’Té éé tawoo tɛrɛ la fɛna nwalenu na, yee lé ke bɛ; A tɔ lé Gakelebale, lai sunyanu lé Bale.

Amɔs 5:18

Munu lé é sɔ wo lɛ léé, Gakelebale lé yi ’é bɔ, we tɔntɔn a wozé nya. É dɔ ka gi léé, mɛ we ɛ dan bɔ lɛ ka ma Gakelebale lé yi nyaa? É dan kɛlɛ lɛ gunudɔrayi nya, fɛnafu ’ka dan kɛlɛ lɛ lo.

Malasi 2:2

Dé ka ’ka tɔné dɔ lɛ an lɛ lo, dé ka ’ka a pa lɛ ka bli gi léé, ka an tɔ bɔ lo, maa dan bale pa lɛ ka ma, yé fɛ lé ke ka drɔɔvofɛ nya é kyɛn, maa dan bale pa lɛ ’bɛ ma. Iin, maa dan bale pa lɛ wo ma; ka ’ka an dére pa lɛ ka bli gi lo, azama. A zo lé lai sunyanu lé Gakelebale a fe.

WENÉNÉ LE JAN A GYE (Évangile selon Jean) 12:35

Jézu lé wo lɛ léé: San ana é ziin bléyi sɛ nya ka méléna. Bléyian va lé san ke ka va, ’ka tawo, té béli é tan ka ma lo; mi lé é ke tawona gunutinu va, é ’ka é gona dɔɔa lo.

Jozué 7:19

Jozué lé Akan lɛ léé: An be, ’i Gakelebale, Izraɛl zé Bale tɔ kɛlɛ blɛn yé bé lɛdɔma. We lé bé kɛlɛ, bé fe an lɛ, té bé yɔɔ an ma lo.

1 Piɛri 2:8

Misaangɔlɛ nya, Midiéragɔlɛ nya. Munu lé wo ’ka ’wo bli vo lɛ Jézu lɛ lo, Jézu kɛlɛ yee gɔlɛ nya wo lɛ. Wo ’ka dɔ lɛ Bale dére ta lo, amalé misaangɔlɛ ’ko, é wo saan. Kazambale a kɛlɛ é kyɛn, amalé é kɛlɛ a zo.

1 Samuɛl 6:5

’Ka kyan gyɛ flanbɔragyɛ foto valé ’monénu lé ke tɛrɛ sɛrɛna, wo foto nya, yé ’ka Izraɛl lé Bale tɔ bɔ, ɛɛ, dé é dan é bɛ nyané si lɛ ka koo, kalé balenu koo, kalé tɛrɛ koo, wo taa?