Jérémi 13:14 - Kazambale lé Sebe Sauunu 1979

¹⁴ Maa dan wo vɔ lɛ ékema, munu valé ’wo benu, maa dan wo ’wuo zun lɛ ékema. Maa ’ka dan wo do vo lɛ lo, an nyanai ’ka dan zén lɛ wo ta lo, maa ’ka dan wuvɔ lɛ wo ta lo, we do ’ka dan wo kulu gale yi ga lɛ an lee lo. Maa Gakelebale ɛ ke a fena.

Jérémi 13:14 ပူးပေါင်းရင်းမြစ်များ

2 Minwiinmunu lé Wezuofe Sɛbɛ 20:23

Amɔnnu valé Moabnu baa Séii gɔ ma munu ta wo kulu gale we ma, yee valé wo sɛrɛle tata we gi. Yé dé wo nyaa Séii munu gyɛle nya, yé wo saa ’wo ke gyɛ.

JOB (Job) 27:22

Kazambale éé sawɔlɛnu vulian a va, ’té a nyanai ’ka zén‐é a ta lo, Yé é sɔ mi nyané lɛ léé, ’é vlaburu yé é so wo lee.

Lɛrɛvɔ Sɛbɛ 2:9

I dan wo ’wii lɛ ilé plaminwiin foliɛwɔlɛ nya. I dan wo ’wii lɛ bélé bɔdɔzan lé bɔ ’wiile zo.

Ézai 27:11

Dé yilibɛnu ga, woo wo yélié yé lomu é da wo sɔn kyɛ nya. Munu ’ko ’wuo ’ka wo ta lo; amalé mi lé é wo kɛlɛ, a nyanai ’ka zén‐é wo ta lo. Mi lé é wo bɔra, é ’ka zin kɛlɛ lɛ wo lɛ lo.

Jérémi 15:5

Jérusalɛm, de ɛ dan nyanai zén lɛ i taa? De ɛ dan wuvɔ lɛ ilé we maa? De ɛ dan go lɛ ilé we nagini lɛɛ?

Jérémi 15:6

Gakelebale léé: I sɔn vɔ an ma, yé i go i zuo zia, Naa, maa an bɛ soi i ma, yé maa i kulu ga; An wɔlɛ gi nyaa an ma, nyanai zénle i ta we ma.

Jérémi 16:5

Naa, Gakelebale léma: Té i wɔra gyɛbɔlakɔn gi lo, té i go wuvɔ wo va lo, té i tula wuvɔ wo va lo. Naa, Gakelebale léma: Maa anlé vole drɔɔ si munu ’ko ta; maa ’ka zin kɛla wo lɛ é dɛrɛ lo, an nyanai ’ka zén‐é wo ta é dɛrɛ lo.

Jérémi 21:7

Gakelebale léé: ’Bɛ zuo, Juda nwiinzan blɛn Sédésias koo, a wuozannu koo, munu koo, fla ’ko la munu lé wo so bawurumagyɛ valé gwɔun valé lɔrɔ lee, ’bɛnu koo, maa dan wo pa lɛ Babilɔn nwiinzan blɛn Nébukanɛsaa lee; munu lé é sɔ ’bɛnu lɛ léé, ’wo wolé tɛrɛla nyaa, maa dan wo pa lɛ ’bɛnu lee, yé Nébukanɛsaa é dan wo gyɛ lɛ gwɔun nya, é ’ka dan wo vo lɛ lo; é ’ka dan nyanai zén lɛ wo ta lo; é ’ka dan wo ye lɛ mi nya lo.

Jérémi 25:16

Wo dan a mini lɛ yé wo dan vɔ lɛ danké danké bélé gwegyɛzan zo. Guli lé é dan nwa lɛ wo ma, dé wa ye, é dan vɔ lɛ wo ’wuo gi gwe nya.

Jérémi 47:3

Kaldé munu lé wisoo plɛplɛnu vun wele koo, Alé gulidangoronu vun wele valé ’bɛnu gane vun wele koo, alé we ma lé Né tinu ’ka bɔa wolé nénu naginile lɛ lo, Wo bɛnu kɛlɛ tɔɔtɔɔ wo ma, azama.

Jérémi 48:12

Gakelebale léma: Bɛwemalé, a yi é dan bɔ lɛ yé an munu pa a lɛ zia yé wo dan a zén lɛ bɔ bɛnu gi; wo dan nwɛ si lɛ a bɔnu gi yé wo dan alé bɔ ’wii lɛ.

Jérémi 6:21

Amalé Gakelebale léma: Maa dan misaangɔlɛnu pla lɛ munu ’konu ’lɛ; nénu valé ’wo tinu sɔné é dan san lɛ ékeva; béé valé béénu sɔné é dan san lɛ a ma yé wo dan zamaga wo lɛ.

Jérémi Lé Wuvɔ Sɛbɛ 2:21

Né valé mi kwanu wo dia zinu ta, Wo anlé blɛnnu valé anlé pɛniɛnu gyɛ gwɔun nya. I bli fliyi nya i wo gyɛ, I wo bɔrɔ bo; i nyanai ’ka zén lɛ wo ta lo.

Ézékiɛl 24:14

Maa Gakelebale, maa ɛ fe; we ’ko é dan bɔ lɛ yé maa dan a lɛ sɔɔ lɛ. Maa ’ka dan gyɛ lɛ an zuo lo. An nyanai ’ka dan zén lɛ i ta yé an bli nɔla lo. Wo dan ilé we ble lɛ ilé tawobɛ valé i kɛlɛwenu yɛrama. Yee lé Mizan Gakelebale a fe.

Ézékiɛl 7:3

Sin, Izraɛl zé é dan nyaa lɛ; an bli é dan fli lɛ i ma, yé maa dan ilé we ble lɛ i kɛlɛwenu yɛrama; maa dan ilé bozowenu faa dɔ lɛ i nwiin.

Ézékiɛl 7:4

An yuɛyi ’ka dan dɔ lɛ a ta ilé we ma lo, yé an nyanai ’ka dan zén lɛ i ta monomono lo; naa, maa dan i kɛlɛwenu kɔné dɔ lɛ i nwiin, yé ilé bozowenu é dan ’na lɛ i ta, yé i dan a gi dɔɔ lɛ léé, maa a Gakelebale nya.

Ézékiɛl 7:9

An yuɛyi ’ka dan dɔ lɛ a ta ilé we ma lo, yé an nyanai ’ka dan zén lɛ i ta monomono lo. Maa dan i kɛlɛwenu kɔné dɔ lɛ i nwiin, yé ilé bozowenu é dan ’na lɛ i ta, yé ka dan a gi dɔɔ lɛ léé, maa lé ke Gakelebale lé éé mi blaan, a nya.

Ézékiɛl 8:18

Maa é ziin, maa dan we kɛlɛ lɛ wo lɛ an wɛwɛ dɔle nya. An yuɛyi ’ka dan dɔ lɛ a la wolé we ma lo, yé an nyanai ’ka dan zén lɛ wo ta monomono lo; dé wo siaa dére plɛplɛ nya an tɔné gioo, maa ’ka dan an tɔné dɔ lɛ wo lɛ lo.

Ézékiɛl 9:10

Maa é ziin, an bli ta é dan dɔ lɛ plɛplɛ, yé an nyanai ’ka dan zén lɛ wo ta pelo. Maa dan wo kɛlɛwenu dɔ lɛ wo nwiin.

Ézékiɛl 9:5

Yé é lé mi pɔnénu lɛ an tɔné gi léé: ’Ka go a zuo fla, yé ’ka mi gyɛ; té ka yuɛyi é dɔ a la wolé we ma lo, té ka nyanai é zén wo ta monomono lo.

OZÉ (Osée) 2:4

Anlé nénu, ’ka we dɔ ka bu nwiin, ’ka nwa a ma; é ’ka an na nya é dɛrɛ lo, yé maa ’ka a zana nya é dɛrɛ lo, ’bɛzama. ’É yara si élé bɔrɔdɛ kɛlɛle ta ma, alé gɔnéginile ’é si a lee ma.

Zakari 11:6

Gakelebale léma: An nyanai ’ka zén‐é é dɛrɛ tɛrɛ ’ko la munu ta lo. Ka ye, maa ɛ munu vɔa ékema, yé maa ɛ wo paan wo nwiinzan blɛn lee; wo dan ’wii lɛ tɛrɛ ’ko ta, yé maa ’ka dan a si lɛ wo lee lo.

Matio 10:21

Mi é dan é zuané bɔra lɛ ga lɛ, yé mi é dan élé né bɔra lɛ ga lɛ; nénu é dan nwa lɛ ’wo yaamunu ma yé wo dan ’wo yaamunu gyɛ lɛ.

Maak 13:12

Mi é dan é zuané bɔra lɛ gale lɛ; mi é dan élé né bɔra lɛ gale lɛ. Nunukénénénu é dan nwa lɛ ’wo yaamunu ma, yé wo dan ’wo yaamunu gyɛ lɛ.

Bélidɔwesɛbɛ Fiézan 29:20

Gakelebale ’ka a nyi sié léé, mi ’ko ma we é vo lo. Naa, Gakelebale bli é dan fli lɛ mi ’ko ma yé alé maawole é dan nwa lɛ a ma, yé balepadére faa lé wa gyɛ sɛbɛ ’ko gi, é dan vo lɛ mi ’ko ma, yé Gakelebale é dan a tɔ si lɛ tɛrɛ la.

1 Samuɛl 14:16

Saul a Gibéa Bɛnjamɛn tɛrɛ la, yé alé fɛtagini munu a ye léé: Filisitinu gu kini ékema yé wo go bɛ fié la.