Jérémi 13:11 - Kazambale lé Sebe Sauunu 1979

¹¹ Naa, woo kyɛsidi dɔa mi gyɛn fɛan zo bɛ, a zo lé an Izraɛl lé munu faa yere an ma, é valé Juda lé munu faa nya, léé, ’wo kɛlɛ anlé munu koo, an tɔ koo, an tɔbɔle koo, anlé fua koo, wo nya; naa, wo ’ka ’wo tɔné dɔ lɛ an lɛ pelo. Maa Gakelebale ɛ ke a fena.

Jérémi 13:11 ပူးပေါင်းရင်းမြစ်များ

Lɛrɛvɔ Sɛbɛ 135:4

Naa, Gakelebale Jakɔb si a va É Izraɛl si a va a kɛlɛle ’ézé nya we gi.

Lɛrɛvɔ Sɛbɛ 147:20

É ’ka ’bɛ zo wenu kɛlɛ lɛ bɛnnu faa lɛ lo, Yé wo ’ka a déretawenu dɔɔ lɛ pelo. ’Ka Gakelebale tɔ zin fe.

Lɛrɛvɔ Sɛbɛ 81:11

Maa a Gakelebale nya, kalé Bale lé é ka si Éjipiti tɛrɛ la, a nya. ’Ka ’léé fuo, yé maa dan a fan lɛ.

Ézai 43:21

Munu lé maa wo tin anzé nya, Wo dan an tɔ ma gyɛ lɛ.

Ézai 62:12

Wo dan wo laa lɛ, munu sauun lé Gakelebale wo tabo, Yé bii, wo dan i laa lɛ, blibɔmafla lé wo ’ka sɔn vɔa a ma lo.

Jérémi 13:1

Gakelebale we fe an lɛ yé é léma: ’I go, ’i lɛn kyɛsidi lɔ izé nya yé bé dɔ i gyɛn; naa, té bé vɔ ’yi va lo.

Jérémi 13:10

Mi nyanénu ’ko lé wo ’ka ’wo tɔné dɔa an dérenu lɛ lo, ’té woo gibɔrɔan ’wolé blibɔmawenu ma yé wo go bale bɛnu zuo bɛ, ’té woo ’bɛnu bɔa ’té woo diaan ’bɛnu ’lɛ, wolé we ’é kɛlɛ bélé kyɛsidi ’ko lé é ’ka vo lɛ é zima é dɛrɛ lo, azé zo ma.

Jérémi 13:12

Bé fe wo lɛ léma: Gakelebale, Izraɛl lé Bale léma: Bɔnu faa é dan fan lɛ dɔrɔ nya. Yé wo dan a fe lɛ i lɛ léé: Ko ’ka a gi dɔɔa léé, bɔ faa é dan fan lɛ dɔrɔ nya loo?

Jérémi 19:15

Lai sunyanu lé Gakelebale, Izraɛl lé Bale léma: Ka ye, we tɔntɔnnu faa lé maa wo lɛ kini, maa dan wo bɔ lɛ fla ’ko valé a zi flanu ma. Naa, wo yuɛma dɔ an va plɛplɛ, yé wo ’ka tɔné dɔ lɛ an dérenu lɛ lo, azama.

Jérémi 32:20

I gyɛzorowenu valé we blɛnnu kɛlɛ Éjipiti tɛrɛ la fɔɔ kyɔ, yé bé kɛlɛ Izraɛl tɛrɛla valé munu méléna. I tɔ kɛlɛ blɛn bélé fɛan zo lé é ke kyɔ, a zo.

Jérémi 33:9

Fla ’ko é dan kɛlɛ lɛ anlé ginanalafla koo, an tɔbɔla fla koo, anlé fua tɔbɔla fla koo, wo nya, tɛrɛla bɛnnu faa va. We zinnu faa lé maa dan a kɛlɛ lɛ wo lɛ, bɛnnu é dan a ’ma lɛ; dé wo an ye bɛ ma wolowolozan nya Izraɛl munu vazia, wo gi é dan vuru lɛ, ’té éé kɔɔan wo bli gi.

Jérémi 6:17

Maa ka tabin sunyanu dɔ ka sɔnɔ; ’ka tɔné dɔ gulibéli dére lɛ. Naa, wa zi pa léé: Ko ’ka dan ko tɔné dɔ lɛ ’bɛ lɛ lo.

Jérémi 7:13

Yé Gakelebale léma: Sin, ka we ’konu faa kɛlɛ, yé an we plale sia ka lɛ yé ka ’ka a ’ma lɛ an lɛ lo, yé an ka laa, yé ka ’ka a zi pa lɛ lo.

Jérémi 7:23

Naa, ka ye, we lé maa fe wo lɛ, yee lé ke ’ko: ’Ka tɔné dɔ an dére lɛ yé an dan kɛlɛ lɛ kalé Bale nya yé ka dan kɛlɛ lɛ anlé munu nya; zinu lé maa wo ta tawole fe ka lɛ, ’ka tawo wo ta, ka gi nanale we gi.

Jérémi 7:24

Yé wo ’ka ’wo tɔné dɔ lɛ lo; wo ’ka an ban lɛ ’wo tɔné nya lo; wo ’wo bli nyané lé weplenu valé ’wolé blibɔmawenu ta tawo. Yé wo go wo zuozia, wo ’ka da lɛ wo ’lɛzia lo.

Jérémi 7:26

Naa, wo ’ka ’wo tɔné dɔ lɛ an dére lɛ pelo, wo ’ka an ban lɛ ’wo tɔné nya lo. Wo kɛlɛ bli plɛplɛzannu nya; wo wenaané kɛlɛ di, ’bɛ mini wo tranu zé ta.

Amɔs 3:1

’Kaa Izraɛlnu, ’ka tɔné dɔ dére ’ko lé maa Gakelebale a fe ka ma, a lɛ; migɔnɔ faa lé maa wo si Éjipiti tɛrɛ la, wo ma we lé maa ke a fena.

WENÉNÉ LÉ LUK A GYE (Évangile selon Luc) 10:11

Kalé fla vungoi lé é zén ko gane ma, ko a nwɛɛn ka ta ko gane ma puole nya; naa, a sele é dɔ ka gi léé, Kazambale lé plale mi nwiin bɔ é pu ma.

Bélidɔwesɛbɛ Fiézan 26:18

Kyɔ, ka a fe Gakelebale lɛ léé, ’wo dan kɛlɛ lɛ alé munu ta drɔɔ nya, é a fe ’wo lɛ é kyɛn fɛan zo, a zo, yé ’wo dan tawo lɛ alé bélidɔwenu faa ta, léé,

Bélidɔwesɛbɛ Fiézan 26:19

bɛn faa gi munu lé é wo kɛlɛ tɛrɛ la, kazé mini wo lɛ; ka lɛdɔmale koo, ka tɔbɔle koo, kalé fua koo, é dan mini lɛ wozé ta, yé ka dan kɛlɛ lɛ munu lé Gakelebale, kalé Bale wo pa é yɛrama ézé nya, wo nya, é a fe ka lɛ fɛan zo, a zo.

Bélidɔwesɛbɛ Fiézan 4:7

Wezen lé, bléyi faa lé ko Gakelebale, kolé Bale tɔ laan a nya, é a ko sɔnɔ fɛan zo, bɛn blɛn kyɛn ɛzé Bale ke ’é sɔnɔ ’bɛ zoo?

1 Piɛri 2:9

Naa, kazé ’ka ’bɛ zo lo; ka a bɛn lɛgɔnɔ do lé Bale a si a va, a nya, yé yee fuaneé Bale ka dɔ ’é banzannu nya; ka a bɛntɛrɛ lé Bale a pa é yɛrama, a nya; ka a migɔnɔ lé Kazambale wo tabo wo nya, mi lé é ka laa ’té ka a gunu va yé é go ka nya élé san zima va bɛ, kalé a tɔ zin bɔle we gi.