Jérémi 12:7 - Kazambale lé Sebe Sauunu 1979

⁷ An sɔn vɔ anlé kɔn ma. An daan anlé tɔnɔfɛnu ma. Maa an sɔlɛzan bɔra é nyanézannu lɛ.

Jérémi 12:7 ပူးပေါင်းရင်းမြစ်များ

2 Minwiinzannu 21:14

Anlé munu pɔné lé wo vo, maa dan daan lɛ wo ma, yé maa dan wo pa lɛ wo nyanézannu lee; wo dan kɛlɛ lɛ wo nyanézannu faa lé gulizarafɛ valé dɔnmawi nya;

Lɛrɛvɔ Sɛbɛ 106:40

Gakelebale bli fli élé munu ma, Yé é ’élé munu ye bélé naaninvɔmafɛ zo.

Lɛrɛvɔ Sɛbɛ 78:62

É élé munu bɛ pa gwɔunzannu lee, Yé a bli fli élé munu ma.

Ézai 2:6

Naa, Gakelebale sɔn vɔ élé munu, Jakɔb lé munu ma. Wo yirinwanazia munu lé yonu ble yé wo ’wobo nɔ yo kɛlɛle lɛ bélé Filisitinu zo, yé wo gi pa do bɛn bɛnu va, amalé Gakelebale sɔn vɔ wo ma.

Jérémi 11:15

An sɔlɛzan baba é dan mɛ fɛ kɛlɛ lɛ anlé kɔn gii? Éé weple kiɛre kɛla ana. Saraka bowi éé bɔa i sile lɛ we tɔntɔn gii? Dé i wenyané kɛlɛ, ’té ibo kɛla blɛn.

Jérémi 14:19

I sɔn vɔ Juda ma weboen nyaa? Yé biiboen Siɔn yé naaninvɔmafɛ nyaa? Mɛmalé éé ko blaan Yé ko bélifɛ do ’ka ana loo? Ko bli a vole drɔɔ lɛ, naa, ginanawe do kpen ’ka ana lo, Ko bli a ko bélile lɛ, yé bé ye, yoyo zén ko gi.

Jérémi 17:4

Ka pagi lé we ma lé tɔnɔ lé maa a nɔ ka lɛ bɛ, é dan san lɛ ka lee. Ka dan kɛlɛ lɛ ka nyanézannu wuozannu nya, tɛrɛ lé ka ’ka ana dɔɔa lo, ana. Naa, ka anlé bliflile nwa bélé kyɛ zo, amalé an bli flile ’ka dan nyaa lɛ lo.

Jérémi 22:5

Naa, dé ka ’ka ka tɔné dɔa dére ’konu lɛ lo, maa anbozen ’nyɔɔn léé, kɔn ’ko, é dan kɛlɛ lɛ é ’bin nya.

Jérémi 23:33

Dé munu ’ko léé, dé balelayezan do léé, dé Balebanzan do léé, dé é a laa i lee léé, mɛ wevɔmilɛ dére lé Gakelebale a fee? ’I wevɔmilɛ dére ’ko fe wo lɛ léé: Gakelebale léma: Maa dan sɔn vɔ lɛ ka ma.

Jérémi 23:39

bɛwemalé, ka ye, an gi é dan san lɛ ka ma; an dan son vɔ lɛ ka valé fla lé maa a nɔ ka valé ka tranu lɛ, a ma. An dan ka bin lɛ an yara ma baa;

Jérémi 51:5

Naa, Juda munu valé Izraɛl munu lé Bale, lai sunyanu lé Gakelebale, é ’ka sɔn vɔ lɛ wo ma lo, yé Kaldé tɛrɛ la a é fanle weple nya Izraɛl lé Mi Sauun ma.

Jérémi 7:14

Amalé kɔn lé woo an tɔ laan ana, ’té ka bli ke a lɛ, ’té maa ana nɔ ka valé ka tranu lɛ bɛ, maa dan we kɛlɛ lɛ a lɛ, maa a kɛlɛ Silo lɛ fɛan zo, a zo.

Jérémi 7:29

Jérusalɛm munu, ’ka ka nwin bɔi yé ’ka a vuli baa; ’Ka vɔ fɛna nwalenu na, yé ’ka wu lɛrɛ vɔ. Munu lé wo Gakelebale bli nwa, É sɔn vɔ wo ma yé é wo sié ma baa.

Ézékiɛl 24:21

Bé fe Izraɛl munu lɛ léma: Mizan Gakelebale léma: Ka ye, anlé fɛna sauun lé ke kalé plɛplɛ lé ka baama a gi, a nya, ’té ka bli bɔ a ma é baba, ’té é a ka sɔlɛfɛ nya bɛ, maa dan a sɔnné sɛrɛ lɛ. Yé ka benu valé ka lunu lé ka wo vo ka zuo Jérusalɛm, wo dan ga lɛ gwɔun ’léé.

OZÉ (Osée) 11:1

Dé Izraɛl a kiéné bléyian va, ’té é sɔ an lɛ, Yé maa an be laa léé, ’é si Éjipiti.

OZÉ (Osée) 9:15

Wolé wenyané faa ta a é bɔrale Gilgal; ’bɛna lé wo sɛrɛ an gi. Wo kɛlɛwe an bli fli, amalé an dan so lɛ wo va anlé kɔn gi. Wo ’ka dan sɔ lɛ an lɛ é dɛrɛ lo; wo nwiinzannu faa a nwamimazannu nya.

Joɛl 2:15

’Ka béli fɛn Siɔn; ’Ka lɔrɔsɔnle valé zén‐ékeva plɛplɛ zana dɔɔ.

Joɛl 3:2

An dan bɛnnu faa zén lɛ ékeva, Yé maa dan wo zun lɛ Jozafat lé gɔ worona; Anlé munu Izraɛl, anlé tɔnɔ lé we ma lé, Maa dan wolé we ble lɛ ’bɛna. Wo anlé munu sɔɔla bɛnnu gi, Yé wo anlé tɛrɛ guli, azama.

WENÉNÉ LÉ LUK A GYE (Évangile selon Luc) 21:24

Wo dan wo gyɛ lɛ gwɔun nya, wo dan wo si lɛ luunu nya yé wo go wo nya bɛnnu faa méléna, yé bɛnnu é dan Jérusalɛm zɔn lɛ ’wo gane nya fɔɔ yé bɛnnu lé bléyinu lɛ é sɔɔ.

Bélidɔwesɛbɛ Fiézan 33:12

É lé Bɛnjamɛn lé we ma léé: Gakelebale sɔlɛzan lé, É dan nyana lɛ a sɔnɔ duaa, Gakelebale é dan a ta yɔɔ lɛ yifaama, Yé é dan nyana lɛ wo méléna.