Jérémi 12:6 - Kazambale lé Sebe Sauunu 1979

⁶ Naa, ibo bwenu valé i ti lé kɔngimunu i paan i nyanézannu lee, ’Té wobozen éé plaan i ta, Dé wo béé la glewo i va, té i bli é vo ’bɛ lɛ lo.

Jérémi 12:6 ပူးပေါင်းရင်းမြစ်များ

JOB (Job) 6:15

An bwenu a dablikɛlɛzannu nya bélé ’yiyoro plɛplɛ zo, Bélé ’yiyoro plɛplɛ lé éé bélié, a zo.

Lɛrɛvɔ Sɛbɛ 12:2

Gakelebale, ’i an si we gi. Naa, Bale lé zi sɔlɛmunu ’ka ana é dɛrɛ lo; Wo ’ka yarapawelazannu yé blaminu méléna é dɛrɛ lo.

Lɛrɛvɔ Sɛbɛ 12:3

Woo vié woo ’wo ke lɛ, Dablidérenu a wo ’léé nuu, ’Té wo bli a fié.

Lɛrɛvɔ Sɛbɛ 69:8

Naa, ilé we ma lé woo serele boo an ma, ’Té yara an gya;

Wegɔnévɔlenu 23:8

Fɛ lé bé ble bɛ, i dan féé lɛ a nya, yé i dére néné é dan san lɛ i lee.

Wegɔnévɔlenu 26:25

Dé é we fe dére néné nya, té i pa a ta lo, naa, wenaané sɔrafié a a bli gi.

Ézai 31:4

Naa, Gakelebale lé an lɛ léma: Gakelebale a bélé golizra lé é wi gyɛ yé é nyana vɔ a ta, a zo. Dé é a golizra boroné nyaoo, dé ’blatabinmunu kiɛre zén a ma, di ’ka kinié a gi wo siaale lee lo, yé é ’ka kanaan wo kiɛre lee lo. ’Bɛ duo zo lai sunyanu lé Gakelebale é dan zun lɛ gulidanle we gi Siɔn gɔ valé alé gɔpanénu nwiin.

Jérémi 11:19

Maa a bélé ’blané drɔɔ lé wo go a nya wigyɛna, a zo, yé ’wuo gi naanénu lé wo ke a bɔrɔna an ma, maa ’ka a do kpen dɔɔ lɛ lo. Wo léé: Kaa yili valé a poro sɛrɛ. Kaa a soowɔla mi yuɛmalenu lé tɛrɛ la, yé té a tɔ sele é dɔ mi gi é dɛrɛ lo.

Jérémi 11:21

Anatɔt munu lé é sɔ wo lɛ léé, wo i gyɛ, yé wo léé: Té i balelawe fe Gakelebale tɔ gi lo, dé ’bɛ kaan lo, ko i gya, Gakelebale we fe wo lɛ.

Jérémi 20:10

Maa mi kiɛre lé gun gyɛle ’ma, Yé wo léé: Yifaama, yifaama, we tɔntɔn, we tɔntɔn! ’Ka a tɔ laa, yé ko dan a tɔ fe lɛ. Munu faa lé wo bli ke an ma drɔɔ, Wa sin an ma vɔɔna léé, dé a sɔné é dan san lɛɛ? Wo léé: Dé é dan we do kɛlɛ lɛ é tanyila Yé ko a kuun? ’Té ko dan we lɛgi pa lɛ a ma.

Jérémi 9:2

Oo, dé é vo léé, kɔn do a an lee bwi gi giézannu nyanana nya, ’Té an sɔn vɔ anlé munu ma yé an si wo ma baa; Naa, wo faa a le bɛ valé gɔné bɛ ginizannu nya; Wa dabli munu nya.

Jérémi 9:3

Wo nɛnɛ a é ganale bélé sa zo, ’té woo vié vulian a nya. Dé wa plɛplɛ tɛrɛ ’ko la, ’té webozen‐an é wo dɔ plɛplɛ lo. Naa, woo goo we lɛrɛlɛrɛ kɛlɛle nya, ’té woo goo a kɛlɛle nya, ’Té wo ’ka an dɔɔa lo. Maa Gakelebale ɛ ke a fena.

Jérémi 9:4

É a lé mi faa do do ébo tabin é béé lee, Yé té wo bli é vo wo bwe do kpen lɛ lo. Naa, bwenu faa a dablikɛlɛzi ginina, Yé mi béénu faa a mi tɔ sɛrɛna.

Jérémi 9:5

Wa wo ke tanna, Yé wo ’ka webozen fé pelo; Viéwole a wo baagiwe nya, Yé woo wenaané kɛlɛle draan.

Matio 10:21

Mi é dan é zuané bɔra lɛ ga lɛ, yé mi é dan élé né bɔra lɛ ga lɛ; nénu é dan nwa lɛ ’wo yaamunu ma yé wo dan ’wo yaamunu gyɛ lɛ.

Maak 12:12

Munu lé Jézu we ’ko fe wo lɛ, wa ’ma léé, ’wo ma gɔné lé Jézu a vɔ, amalé wa kwa kulina léé, ’wa kun; naa, wo kana mi gu lee, amalé wo si a va, yé wo go.

WENÉNÉ LE JAN A GYE (Évangile selon Jean) 7:5

Naa, a zuanénu boen‐oo, ’bɛnu ’ka é pale a ta lo.

Kelewenu 16:22

Munu nwa wo ma é ziin yé weblezannu wolé sɔ si wo ta, yé wo lé munu lɛ léé: ’Ka wo bla plén nya.

Kelewenu 18:12

Bléyian va lé Galiɔn ke Akai lé gbɔrɔnama nya, Juifinu nwa bli do nya Pɔl ma, yé wo go a nya weblekɔn gi yé wo léé: