Jérémi 12:5 - Kazambale lé Sebe Sauunu 1979

⁵ Dé i vlan za kɛlɛ ganela munu va yé koi i gyɛ ’naan, I bɔa za kɛlɛle lɛ wisoonu va kaa? Yé dé tɛrɛla a bléyian va drɔɔ, dé i ’ka iboma duaa lo ’naan, Dé Juudɛn yuu bɔra bwi la bléyian va, i dan mɛ ɛ kɛlɛ lɛɛ?

Jérémi 12:5 ပူးပေါင်းရင်းမြစ်များ

Minwiinzannu lé Wezuofe Sɛbɛ 12:15

Wo ɛ Juudɛn yuu kini moné vinin nya, bléyian va lé é bɔra bwi la, ’bɛ bléyi va, yé munu lé woo nyanaan gɔ woronanu, yirinwanazia valé yirivɔnazia, wona, yé wo wo bin.

Lɛrɛvɔ Sɛbɛ 42:7

Anbozen fuu faa a é sile é ta, Bɛwemalé dé maa a Juudɛn tɛrɛ laoo, Dé maa a Eɛmɔn gɔ valé Miséaa gɔ maoo, an bɔn‐in bɔrɔan bii Bale ɛ ma.

Wegɔnévɔlenu 24:10

Dé i fuu si i ta nyanébleyi nya, ilé plɛplɛ ke é dan si lɛ i ta.

Wegɔnévɔlenu 3:11

An be, té i Gakelebale lé i drɔle ye boawe nya lo; té kana é vɔ i gi alé we lɛdɔle i gi ma lo;

Jérémi 11:21

Anatɔt munu lé é sɔ wo lɛ léé, wo i gyɛ, yé wo léé: Té i balelawe fe Gakelebale tɔ gi lo, dé ’bɛ kaan lo, ko i gya, Gakelebale we fe wo lɛ.

Jérémi 26:8

We faa lé Gakelebale a pa Jérémi ’léé, léé, ’é a fe munu faa lɛ, é nyaa aan wo a faa fele nya, yé Balebanzannu koo, balelayezannu koo, munu faa koo, wa kun, yé wo léé: Ko i gya!

Jérémi 36:26

Minwiinzan blɛn lé é be Jérasméɛl koo, Azriɛl be Séraja koo, Abudɛɛl be Sélémia koo, wo lɛ léé, ’wo sɛbɛgyɛzan Baruk valé balelayezan Jérémi kun. Naa, Gakelebale wo yɔɔ.

Jérémi 49:19

Bé ye, é si Juudɛn yuu tɔbɔle gɔɔn ma yé é nwa nyanana plɛplɛ ma bélé golizra zo. Kele tɔɔn, maa kɛlɛ léé, Édom munu é fwi, yé mi lé maa a si a va, maa dan ’bɛzan dɔ lɛ ana. Naa, de ɛ ke bélé maa zoo? De ɛ dan an béli dɔ lɛɛ? Yé minwiinzan lé é dan dɔ lɛ an ma, é a kyɛɛn?

Jérémi 50:44

Ka ye, wo nyanézannu éé giéan Juudɛn yuu gɔnu tɔbɔlenu ma bélé golizra zo, yé woo giéan nyanana plɛplɛ ma. Kele tɔɔn maa dan wo bin lɛ yé mi lé maa si a va, maa dan ’bɛ dɔ lɛ a nwiin. Naa, de ɛ ke bélé maa zoo? De ɛ dan an béli dɔ lɛɛ? Yé minwiinzan kyɛn ɛ dan dɔ lɛ an maa?

Jozué 3:15

’Sagyɛbléyi faa va, Juudɛn éé bɔraan bwi la, naa, Balebanzannu lé woo goo kɛsu nya, dé wo bɔ Juudɛn yuu ma, yé wo gane ma vo drɔɔdrɔɔ ’yi gɔɔn ma,

1 Piɛri 4:12

’Kaa lé ka sɔ an lɛ, té ka gi é vuru ka gidanwe lé é ke ka ma tɔntɔn bélé vɔnɔ zo bɛ, a ma lo; ’bɛ ’ka mi givuruwe nya lo.