Jérémi 12:4 - Kazambale lé Sebe Sauunu 1979

⁴ Tɛrɛ ’ko é dan gyɛ bo lɛ yifaamaa? Yé féi faa ta lunu é dan ga lɛɛ? Winu valé mianénu a zamaga wona Flamunu lé we lɛrɛlɛrɛ kɛlɛle we ma; Naa, wo léé: É ’ka dan kozé tɛrɛla ’wuoplana ye lɛ lo.

Jérémi 12:4 ပူးပေါင်းရင်းမြစ်များ

Lɛrɛvɔ Sɛbɛ 107:34

Tɛrɛ lé éé fɛ dɔa di, éé a nɔlaan wɛtɛrɛ nya, Mi nyanénu lé woo nyanaan ana, wolé we ma.

Lɛrɛvɔ Sɛbɛ 50:21

I kɛlɛwenu lé ke bɛ, yé an vo é tadɔle, É dɔ i gi léé, maa a bélé bii zo; Naa, maa dan we fe lɛ i lɛ yara tɔntɔn nya, yé maa dan ilé we faa bɔra lɛ i lɛ.

Ézai 24:4

Tɛrɛ ’ko kyɛ é dan dɔ lɛ yé é dan nyaa lɛ. Ana munu plɛplɛ zana a gi yé wo yuɛgi zun. Mununwiinzannu lé plɛplɛ ’ka lo.

Ézai 24:6

Amalé bale pale wo ma é dan wolé tɛrɛ sɛrɛ lɛ, yé ana munu é dan ’wolé wenyané ma ban ye lɛ; bɛwemalé tɛrɛ é dan ana munu ble lɛ yé wo ’léé é dan vo lɛ kiéné.

Jérémi 12:11

Wa kɛlɛ bwi nya; É a gyɛ bona, tɛrɛla lɔrɔ nyaa a ma an yuɛ gi. Naa, wo ’wii tɛrɛ faa ta, ’Bɛ we ’ka mi do kpen yuɛ gi bɔ lɛ lo.

Jérémi 14:2

Juda munu a gyɛ bona, Alé flamunu bli kyɛ a é dɔle, gyɛbosɔnu a é zénle wo ta, yé wa é yiale tɛrɛ va, Yé Jérusalɛm munu dére éé nwaan siaale nya.

Jérémi 23:10

Naa, tɛrɛ la fan gɔné ginile valé le ginile nya; Bale a é pale tɛrɛ ’ko la munu ma, amalé gyɛbole ke; Winu lé fɛblena lé é ke bwi la, ’bɛna lu a é gale. Munu éé vlan buruwo wenaané kɛlɛle we ma, Plɛplɛ lé é ke wo lee, é a weple saa kɛlɛfɛ nya.

Jérémi 4:25

Maa nagini, yé mi do kpen ’ka ana lo, Yé lagi mianénu faa fwi.

Jérémi 4:28

Amalé tɛrɛ ’ko ta munu faa a gyɛ bona, Yé gunu dɔra la gi loru, Naa, maa a fe, yé an suni wɔra. Maa ’ka dan an bli nɔla lɛ lo; maa ’ka dan gyɛ lɛ an zuo lo.

Jérémi 5:13

Balelayemunu a bélé fu zo é pla, yé mi do ’ka we fé wo lɔlu nya lo. ’É kɛlɛ wo lɛ yee ɛ zo ma.

Jérémi 5:31

balelayemunu éé balelawe fé vié nya, yé Balebanmunu éé dɔa wo dére zuo, yé ’bɛ sɔ anlé munu lɛ. Ka dan kɛlɛ lɛ kaa a ’wuoplanaa?

Jérémi 7:20

Amalé Mizan Gakelebale léma: Ka ye, blaminu koo, winu koo, féiyilinu koo, tɛrɛ tɔnɔnu koo, an bli é dan fli lɛ wo valé fɛkona ma, yé an wɛwɛ é dan dɔ lɛ wo ma. Wo kyɛ é dan ble lɛ yé é ’ka dan diri lɛ pelo.

Jérémi 9:10

É sɔ an lɛ léé, an wuvɔ yé an dunnu gɔ nwiin; Maa dan gyɛ wuvɔ lɛ nyéné saa lé fɛna pɛblɛɛna; Naa, wo ana kyɛ ble, mi do kpen ’ka giéna ana lo, Wo ’ka trubɛnu dére maan ana é dɛrɛ lo; Lagi mianénu valé winu fwila yé wo san.

Jérémi 9:9

Maa ’ka dan we lɛdɔ lɛ wo gi we ’konu ma loo? Maa ’ka dan anzé we lɛgi pa lɛ ’bɛ zo bɛn ma loo? Maa Gakelebale ɛ ke a fena.

OZÉ (Osée) 4:3

Bɛwemalé ana munu é dan gyɛ bo lɛ; munu faa lé woo nyanaan ana, wo yuɛi é dan zun lɛ, bwigiwinu valé lagi mianénu koo é ziin. Wɛyi va pɔnu boen koo, wo faa é dan san lɛ.

Joɛl 1:18

Winu a dunnuna kaii, Di kini dirinu gi, Lublena ’ka wo lee lo, azama. Yé ’blanu é ziin, ’bɛnu a kle blena.

Amɔs 1:2

É léé: Gakelebale dére a wena Siɔn bélé golizra zo, ’Té éé wé Jérusalɛm. Trubɛ tabinzannu lé trubɛ blena a gyɛ bona, Kaamɛl gɔ bɛlo nwiin a é gale.

Abaku 3:17

Naa, bɔrɔyili ’ka dan é vwi bi lɛ é dɛrɛ lo, Dɔrɔféi ’ka dan we do baa lɛ lo, Wo ’ka dan ɔliviporo ye lɛ yili nwiin lo, Yé fɛ ’ka dan dɔ lɛ féinu ta lo; ’Blanu é dan san lɛ lublena, Yé dirinu ’ka dan kɛlɛ lɛ diriyiikɔn gi é dɛrɛ lo.

Zakari 1:12

Yé Gakelebale lé lanje we fe yé é léma: Lai sunyanu lé Gakelebale, Jérusalɛm valé Juda lé flanu lé i bli vo flina wo ma a lɛɛ yɔ yaa wɔlɛ vu lo, i nyanai é dan zén lɛ wo ta mɛ yi laa?

Rom munu 8:22

Kaa gi dɔɔ léé, Kazambale kɛlɛfɛnu faa éé dunnuan, ’té woo nyané blé bélé né yaale lé kleblelenu zo, fɔɔ kyɔ yi nya.