Jérémi 12:3 - Kazambale lé Sebe Sauunu 1979

³ Yé bii Gakelebale, i an dɔɔ, I an yé, an bli lé ke i lɛ bɛ, bé gi ginian. ’I wo si ana bélé ’blanu lé woo wo bɔrɔ bo, wo zo, Yé ’i wo tadɔ wo gyɛyi zé nya.

Jérémi 12:3 ပူးပေါင်းရင်းမြစ်များ

2 Minwiinzannu 20:3

Oo, Gakelebale, a sele ’é dɔ i gi léé, an tawo i yara yarapalale valé bli tegele nya, yé we lé é ke é zima i yuɛ gi, yee lé ma a kɛlɛ. Yé Ézékia yuɛ’yi so kiɛre.

Minwiinzannu lé Wezuofe Sɛbɛ 29:17

Oo, anlé Bale, maa gi dɔɔ léé, i mi bli gi ginian yé we drɔle sɔ i lɛ; é ziin, maa blɛ drɔɔnu ’ko faa nɔ i lɛ an bli gi drɔle nya, yé maa ye léé, ilé munu lé wo ke ’ko, wo blɛ ’konu kɛlɛ i lɛ bli drɔɔ nya, yé ’bɛ an gi nana.

JOB (Job) 23:10

Duowo, dé maa a tawona zi‐an ta, é a dɔɔ; Yé dé é an gi dan kɔɔn, é dan an ye lɛ tegele bélé kyan zo.

Lɛrɛvɔ Sɛbɛ 11:5

Gakelebale éé mi tegele gi daan. Mi nyané valé mi lé glawe sɔ a lɛ, wo za a a gi.

Lɛrɛvɔ Sɛbɛ 139:23

Oo Bale, ’i an giwe nagini; ’i an bli dɔɔ ma. ’I an giwe dan; ’i an ’wuogibɔrɔlenu dɔɔ ma.

Lɛrɛvɔ Sɛbɛ 17:3

Dé i an bli nagini, dé i da an va é bélioo, Dé i an gi dan, i ’ka dan we do ye lɛ ana lo. An bɔn‐in bɔrɔmawe valé an ’lééwe a do.

Lɛrɛvɔ Sɛbɛ 26:1

David zé lé. Gakelebale, ’i we tegele kɛlɛ an lɛ, naa, gun ’ka anlé tawobɛ ma lo. An paan Gakelebale ta, an ’ka diaan lo.

Lɛrɛvɔ Sɛbɛ 7:9

Gakelebale éé migɔnɔnu lé we blé; Gakelebaleoo, Bale, ’i we tegele kɛlɛ an lɛ Anlé we drɔle valé anlé we wéiin yɛrama.

Jérémi 15:15

Oo Gakelebale, i we faa dɔɔ, an sele ’é dɔ i gi ma; té i gi é san an ma lo ma; ’i anlé we lɛgi pa klepaantazannu ma ma. Dé i bli kɛlɛ tiéé wo ma, an dan ga lɛ. Wo serele bo an ma i tɔ lé we ma; we ’ko sele ’é dɔ i gi ma.

Jérémi 17:16

Yé maa, maa i lɛdɔ a ma. Maa ’ka sɔn vɔ lɛ an kɛlɛle Bale lé munu pazan nya ma lo; yé bé gi dɔɔ léé, maa ’ka a va léé, yi tɔntɔn é bɔ lo; wean é bɔra an ’léé, maa a fe gɔrɔ la.

Jérémi 17:18

Munu lé woo nyané paan an ta yaragyɛwe ’é bɔ wo ma ma. Té yarawe é bɔ an ma lo ma. Wo ma ’é nyɔɔn ma, naa, té an ma é nyɔɔn lo ma. ’I we tɔntɔn bɔ wo ma ma. ’I dunuzénmitawe bɔ wo ma fié ma.

Jérémi 20:12

Lai sunyanu lé Gakelebale éé mi tegele gi daan, Éé mi bli giwe valé a bɔn‐in bɔrɔlenu va ginian. Maa dan ilé we lɛgi pana ye lɛ wo ma, Naa, maa anlé we bɛ paan bii ɛ lee.

Jérémi 48:15

Minwiinzan blɛn lé wa tɔ laama lagi sunyanu lé Gakelebale, é léma: Wo ’wii Moab ta, alé flanu kyɛ a blena; a goi a nwana, Wo alé pɛniɛ zimanu bɔrɔ bo,

Jérémi 50:27

’Ka dirigɔnénu faa gyɛ, ’ka wo bɔrɔ bo. Wenaané kɛlɛ wo lɛ ma, naa, wozé yi bɔ; we lɛdɔ wo gi bléyi bɔ.

Jérémi 51:4

’Wo dia yé ’wo gama tuowo Kaldé tɛrɛ la, yé ’wo wo fɔn Babilɔn flaworo dii zinu ta.

WENÉNÉ LE JAN A GYE (Évangile selon Jean) 21:17

É lé a lɛ a gɔnɔ yaazan nya léé: Jonas be Simɔn, an sɔ i lɛɛ? É a fe aan wo Piɛri lɛ a gɔnɔ yaazan nya léé: An sɔ i lɛɛ? yé Piɛri bli kyɛ dɔ. Yé é lé a lɛ léé: Mizan, i we faa gi dɔɔ. Bii a gi dɔɔ léé, i sɔ an lɛ. Jézu lé a lɛ léé: ’I fɛblele nɔ anlé ’blanu lɛ.

SEBE LÉ JAK A GYE (Épitre de Jacques) 5:5

Ka kalé tɛrɛla kɛlɛ Kabozen lé ginanawenu kɛlɛle valé tɔnɔ blele nya; bléyian va lé wa munu gyɛna ’té ka kalé nyɔnɔfɛnu blé.

2 Piɛri 2:12

Naa, wo lé wo ke bélé winu lé wo ’ka wo gi bɔrɔan lo, ’té Bale wo bɔra munu lé wo kunle yé wo wo gyɛ we ma bɛ, wo zo, wenu lé wo ’ka wo dɔɔa lo, woo wo sɔnɔan wo tanyila. Wo dan ga lɛ winu gabɛ gi.