Jérémi 12:16 - Kazambale lé Sebe Sauunu 1979

¹⁶ Dé anlé munu kɛlɛwe vɔ wo lee, dé wo an tɔ ’nyɔɔn a fele nya léé: Gakelebale a é yuɛma, bélé fɛan zo lé wo Baal ’nyɔɔnle paa anlé munu gi bɛ, a zo, ’té wo gi é dan nana lɛ zin yele we ma anlé munu méléna.

Jérémi 12:16 ပူးပေါင်းရင်းမြစ်များ

Wegɔné Ma Lɛrɛ 1:8

Bii le lé i nɔnɔmi mini lomu faa ta, dé i ’ka ’bɛ gi dɔɔa lo na, ’I ’blanu pa bo, ’I bolinu blena kɛlɛ ’Blatabinzannu nyanana sɔnɔ. —

Ézai 2:3

Munu é dan go lɛ ana é bu nya é bu nya, yé wo dan a fe lɛ léé: ’Ka da, kaa go Gakelebale lé gɔ nwiin Jakɔb lé Bale lé kɔn ’léé, Yé é ’élé we paa kaa gi, Yé kaa tawo alé zinu ta. Naa, bélidɔwe é dan si lɛ Siɔn, Yé Gakelebale dére é dan si lɛ Jérusalɛm.

Ézai 42:6

Maa, Gakelebale, maa i laa i sile we gi we ma, Yé maa dan kun lɛ i bɛ ma, Maa dan yuɛ pa lɛ i va, yé maa i dɔ maa valé munu gi pa do fɛ nya, I kɛlɛle bɛnnu vakinisan nya we ma,

Ézai 45:23

Maa anbo ’nyɔɔn‐an Webozen éé bɔraan an ’léé, yé an dére ma ’ka nɔlaan lo; Mi faa é dan ’wo powuo zun lɛ an ’lɛ, Mi faa é dan maa ɛ ’nyɔɔn lɛ.

Ézai 49:6

Yee Gakelebale léma: Dé i kɛlɛ an wuozan nya, Yé i Jakɔb bɛnnu vɔ a ma, Yé i da Izraɛl mi pɔnénu nya wo pa gi, ’bɛ a kiéné; Maa dan i kɛlɛ lɛ bɛnnu vakinisan nya, Yé i go anlé mi silewegi nya fɔɔ tɛrɛ glɛ sina.

Ézai 65:16

Mi lé é sɔ a lɛ léé, ’é drɔɔ ’é vo tɛrɛ ’ko la, é dan sɔ lɛ a lɛ léé, Webozen Bale ɛ ’é drɔɔ vo; dé mian é dan bale ’nyɔɔn lɛ tɛrɛ ’ko la, é dan Webozen Bale ’nyɔɔn lɛ; naa, kle kyɛn lé ka ble bɛ, ka gi é dan san lɛ ’bɛ ma, ’té wo ta saan an yuɛ gi.

Jérémi 16:19

Gakelebale, anlé plɛplɛ, an tɛngizan, bii a an yɔɔna nya klebleyi nya. Bɛnnu é dan si lɛ tɛrɛ glɛ sina yé wo da i va, yé wo dan a fe lɛ léé: Viéfɛnu saa lé ko tranu a ye tɔnɔfɛ nya, yee valé miyili boanu lé wo tɔnɔ ’ka lo, wo nya.

Jérémi 18:8

Naa, bɛn lé maa a mawe fe, dé é daan élé we lɛrɛlɛrɛ kɛlɛle ma, wenaané lé ke an bli gi léé, maa kɛla a lɛ, maa dan an bli si lɛ ’bɛ lɛ.

Jérémi 3:17

’Be bléyi va, wo dan Jérusalɛm laa lɛ, Gakelebale lé webleblin; bɛngɔnɔ faa é dan zén lɛ ékeva Jérusalɛm Gakelebale tɔ nya yé wo ’ka dan tawo lɛ ’wolé blibɔmawe naané zuo é dɛrɛ lo.

Jérémi 4:2

Dé ka bale ’nyɔɔn léé, Gakelebale a é yuɛma, dé ka a ’nyɔɔn webozen koo, wedrɔle koo, we tegele koo, wo nya, ’té bɛnnu drɔɔ é dan vo lɛ Bale gi, ’té wo dan ’wo tɔ bɔ lɛ a gi.

Jérémi 5:2

Dé wa fe boenwo léé: Gakelebale a é yuɛma, ’Té wa bale ’nyɔɔnna vié nya.

Jérémi 5:7

Maa kɛla kaa ’naan, yé an ka ma we voo? Kalé nénu sɔn vɔ an ma, Yé vié balenu lé wo ’ka lo, woo wo ’nyɔɔn‐an. Maa fɛ kiɛre nɔ wo lɛ, naa, woo goo gɔné bɛ gini lɛ. Woo wɔraan gɔnégini le lé kɔn gi wo gu nya.

Jérémi 6:16

Gakelebale léma: ’Ka dɔ zinu ta, ’ka a nagini yé ’ka a ma laa léé: Zi kyɛnnu ɛ ke zi kwanu nyaa? Zi kyɛn ɛ ke zi zin nyaa? ’Ka tawo a ’léé yé ka dan flinle ye lɛ kabozen zé nya. Naa, wa zi pa léé: Ko ’ka dan tawo lɛ a ’léé lo.

Sofoni 1:5

Munu lé woo diaan ’wo bli ta kɔnnu nwiin lagifɛnu ’lɛ, munu lé woo diaan ’wo bli ta Gakelebale ’nyɔɔnle nya, ’té wo nwiinzan blɛn tɔ ’nyɔɔn‐an,

Zakari 1:6

Duowo, an dérenu lé maa wo pa an wuozannu balelayezannu ’léé ka tranu zé nya, wo lɛ ’ka é sɔɔle loo? Yé wo nɔla yé wo léé: We lé é dɔ lai sunyanu lé Gakelebale gi léé, é a kɛla ko lɛ kolé tawobɛ valé ko kɛlɛwenu yɛrama, é a kɛlɛ.

Zakari 2:11

Bɛn kiɛrenu é dan yere lɛ maa Gakelebale ma ’bɛ yi la, yé wo dan kɛlɛ lɛ anlé munu nya; maa dan nyana lɛ wo méléna; yé ka dan a gi dɔɔ lɛ léé, lai sunyanu lé Gakelebale ɛ an pa ka va zia.

Rom munu 11:17

Naa, dé wo yilibɛ kenu bɔi é ma, yé bii lé i ke bwi gi ɔliviyili nya, dé wo i dɔ wo pun ’léé, yé ɔliviyili ’yi lé éé sié a suni gi yé i kɛlɛ a ke yezan nya bɛ,

Rom munu 14:11

Naa, é a é gyɛlɛ sɛbɛ gi léé: Mizambale léé: Maa a é yuɛma, Mi faa é dan ’wo powuo zun lɛ an ’lɛ Yé mi faa nɛnɛ é dan maa Kazambale tɔ bɔ lɛ.

1 Korent munu 3:9

Naa, konu valé Kazambale éé nyanama paan ékeva. Ka a Kazambale lé féi nya; ka a Kazambale lé kɔn nya.

Jozué 23:7

Bɛn ’konu lé wo vo ka méléna, té ka vɔɔ wo nya lo, té ka wolé balenu tɔ fe lo, yé té ka bale ’nyɔɔn wolé balenu tɔ nya lo, té ka wo bɔ lo, yé té ka dia wo ’lɛ lo.

RUT (Ruth) 3:13

’I tu kini ’ko. Tɛlɛ, dé é sɔ ’bɛ lɛ léé, é i tabo, ’bɛ a é zima, ’é a kɛlɛ ma. Dé é ’ka sɔ lɛ a lɛ léé, é i tabo lo, maa dan a kɛlɛ lɛ. Gakelebale a é yuɛma. ’I vo é yiale fɔɔ yé bladi é pa.