Jérémi 12:15 - Kazambale lé Sebe Sauunu 1979

¹⁵ Naa, dé maa wo si ana faa, ’bɛ zuo an nyanai é dan zén lɛ wo ta é ziin, yé an dan da lɛ wo faa nya wolé tɔnɔyefɛna do do, wolé tɛrɛ la do do.

Jérémi 12:15 ပူးပေါင်းရင်းမြစ်များ

Jérémi 16:15

Naa, wo dan a fe lɛ léé: Gakelebale lé é Izraɛl munu si yirinwana bɛbolazia tɛrɛ la, yee valé tɛrɛnu faa lé é wo sɔɔla ana, ’bɛ a é yuɛma. Yé maa dan go lɛ wo nya wolé tɛrɛ la é ziin, tɛrɛ lé maa a nɔ wo tranu lɛ, a ta.

Jérémi 24:6

Maa dan an yuɛ vɔ lɛ wo ta bli zima nya, yé maa dan da lɛ wo nya tɛrɛ ’ko la é ziin; maa dan wo nyana lɛ ana, yé maa ’ka dan wo kulu ga lɛ é dɛrɛ lo. Maa dan wo nyana lɛ kli, yé maa ’ka dan wo nwa lɛ é dɛrɛ lo.

Jérémi 29:14

Gakelebale léé: Maa ’ka dan an yele yi ga lɛ ka lee lo, yé maa dan da lɛ kalé luugimunu nya é ziin; maa dan ka si lɛ bɛnnu faa va, fɛna faa lé maa ka bin yé ka go ana, maa dan ka si lɛ wona yé an da ka nya é ziin, fɛana lé maa ka si yé an go ka nya luu gi, ana.

Jérémi 3:12

’I go, ’i siaa dére ’konu nya yirinwana bɛbolazia, yé bé fe léma: Gakelebale léma: Izraɛl, bii lé i ’ka plaan an wuo lo, ’i da i pa gi. Maa ’ka dan yara nwɛɛn?-?nwɛɛnné gyɛ lɛ ka ta lo. Naa, maa a nyanaizénzan nya, an bli ’ka dan vo lɛ flina yifaama lo. Maa Gakelebale ɛ ke a fena.

Jérémi 3:17

’Be bléyi va, wo dan Jérusalɛm laa lɛ, Gakelebale lé webleblin; bɛngɔnɔ faa é dan zén lɛ ékeva Jérusalɛm Gakelebale tɔ nya yé wo ’ka dan tawo lɛ ’wolé blibɔmawe naané zuo é dɛrɛ lo.

Jérémi 4:2

Dé ka bale ’nyɔɔn léé, Gakelebale a é yuɛma, dé ka a ’nyɔɔn webozen koo, wedrɔle koo, we tegele koo, wo nya, ’té bɛnnu drɔɔ é dan vo lɛ Bale gi, ’té wo dan ’wo tɔ bɔ lɛ a gi.

Jérémi 48:47

Naa, bléyi voéla gi, maa dan Moab munu si lɛ luu gi, maa Gakelebale ɛ ke a fena. A zo lé maa dan Moab zé we ’wuo dɔ lɛ.

Jérémi 49:39

Naa, é voéla, Élam munu lé wo ke luu gi, maa dan da lɛ wo nya. Maa Gakelebale ɛ ke a fena.

Jérémi 49:6

Naa, ’bɛ zuo, maa dan Amɔn munu si lɛ luu gi. Maa Gakelebale ɛ ke a fena.

Daniɛl 11:4

A kɛlɛle blɛn zuo, alé plale mi nwiin é dan sɛrɛ lɛ, yé a gi é dan bɔi lɛ lagi fu ziɛn vazia. É ’ka dan kɛlɛ lɛ a kulunu zé nya lo, yé alé plɛplɛ ta é dan zana lɛ. Naa, wo dan a kini lɛ ékema, yé é dan kɛlɛ lɛ mi bɛnu zé nya.

Amɔs 9:14

Anlé munu Izraɛl lé wo ke luu gi, maa dan da lɛ wo nya ’wo pa gi; Wo dan fla pa lɛ é ’bin la, yé wo dan nyana lɛ ana. Wo dan dɔrɔ féi pa lɛ, yé wo dan a ’yi mini lɛ; Wo dan féinu pa lɛ yé wo dan a ma fɛnu ble lɛ.

Mi Nɔnɔle 32:18

Ko ’ka dan da lɛ kolé kɔn ’léé lo fɔɔ yé Izraɛlnu faa ’wolé zaratɛrɛ ye.

Kelewenu 15:16

’Bɛ zuo, maa dan da lɛ é ziin, yé David lé sɔkɔn lé é dia bɛ, maa dan a nwa lɛ, Maa dan a sɛrɛlenu ma’lɛrɛ lɛ, yé maa dan a dɔ lɛ loru é ziin,

Bélidɔwesɛbɛ Fiézan 3:20

fɔɔ yé Gakelebale é flinle nɔ ka bwenu lɛ, bélé fɛan zo lé é a nɔ ka lɛ, a zo, fɔɔ yé tɛrɛ lé Gakelebale, kalé Bale a nɔ wo lɛ Juudɛn zi, yé é kɛlɛ wozé nya. ’Bɛ zuo yé ka dan nɔla lɛ kalé fɛna lé maa a nɔ ka lɛ do do, ana.

Bélidɔwesɛbɛ Fiézan 30:3

Gakelebale, kalé Bale nyanai é dan zén lɛ ka ta, yé é dan ka si lɛ luu gi é ziin, yé é dan ka si lɛ munu faa lé é ka sɔɔla wo worona, wo va, yé é ka zén ékeva é ziin.