Jérémi 12:1 - Kazambale lé Sebe Sauunu 1979

¹ Gakelebale, bii a tegele fɛan zo bɛ, é ’ka dɔ lɛ an gi léé, an zavɔ i va lo; Naa, duowo, maa a a va léé, maa we fe ilé weblele ma. Mɛmalé i mi nyanénu ma wenu nyian woo? Mɛmalé i dablikɛlɛmunu voo é yuɛma drɔɔ?

Jérémi 12:1 ပူးပေါင်းရင်းမြစ်များ

Wepélisiananu 18:25

Mi tegele gyɛle mi nyané va, ’té mi tegele valé mi nyané lé we bɔ ékema, ’bɛ zo we kɛlɛle a é sile i ma baa boenwo. Mian éé tɛrɛlamunu faa lé we blé, é ’ka dan we tegele kɛlɛ lɛ loo?

Ezidras 9:15

Gakelebale, Izraɛl lé Bale, i a tegele; ko a kyɔ luugimunu pɔnénu nya. Ko a i ’lɛ ’ko wegyɛmunu nya; ko dan vo lɛ é yuɛma i ’lɛ kaa?

Néémi 9:33

Wenu faa lé wo bɔ ko ma, bii a wo gi tegele, naa, i ibo nagɔɔn yarapawelazan nya, yé ko ɛ wenyané kɛlɛ.

JOB (Job) 12:6

’Wiiéfɛlazannu a drɔɔ ’wolé sɔkɔn gi, Munu lé woo Kazambale ’namawe kɛla, Munu lé woo ’wobo lé plɛplɛ kɛla bale nya, Wa é nyanale woboma duaa.

JOB (Job) 13:3

Naa, é sɔ an lɛ léé, an we fe Plɛplɛfaazan lɛ, É sɔ an lɛ léé, maa anzé fe Kazambale lɛ;

JOB (Job) 24:12

Munu a gɔ sina flanu ta nuu, Mi tuolenu boen éé siaan, Yé ’bɛ do kpen ’ka Kazambale yuɛ gi bɔa lo.

JOB (Job) 24:23

Éé wo nyanaan duaa, ’té wo bli a we lɛ, Yifaama a yuɛ a wolé zi ta.

JOB (Job) 8:17

Éé suninu vuruan é ke zi gɔlɛnu méléna, Wo go fɔɔ kɔngurunu gi;

Lɛrɛvɔ Sɛbɛ 116:5

Gakelebale a nyanaizénzan nya; é a tegele, Kozé Bale nyanai éé zén‐é blɛn;

Lɛrɛvɔ Sɛbɛ 119:137

Oo Gakelebale, bii a tegele, Yé ilé weblelenu a é sɔke.

Lɛrɛvɔ Sɛbɛ 119:75

Oo Gakelebale, maa a gi dɔɔ léé, ilé weblelenu a tegele. I yara pale we ta ma lé i an tua.

Lɛrɛvɔ Sɛbɛ 145:17

Gakelebale a tegele élé wekɛlɛbɛnu faa gi. Yé é a nyanaizénzan nya é panyanama faa gi.

Lɛrɛvɔ Sɛbɛ 37:1

David zé lé. Té mi nyanénu lé we é ’na i ma lo, Munu lé woo wenaané kɛla, té i wo ma maawo lo.

Lɛrɛvɔ Sɛbɛ 37:35

Maa mi nyané ye, ’té alé plɛplɛ faa a a lee, É a bélé yili drɔɔdrɔɔ lé é kwɛɛ vɔ, a zo.

Lɛrɛvɔ Sɛbɛ 51:4

’I an zuru tata yé ’i anlé weple si an ma, ’I anlé wenyané si yé ’i an gi bɔ.

Lɛrɛvɔ Sɛbɛ 51:6

Maa wenyané kɛlɛ bii do ɛ ma; Yé we lé é ke é naané i yuɛ gi, maa a kɛlɛ, Amalé i we ’wuo dɔa tegele, Gun ’ka ilé weblele ma lo.

Lɛrɛvɔ Sɛbɛ 92:7

Wedɔɔalozan ’ka we do dɔɔa a gi lo, Yé tavozan ’ka a gi do kpen maan lo.

Wegɔnévɔlenu 1:32

naa, ’wuoplɛlɛzannu lé tɔné gi plɛplɛ éé wo gya, yé ’tugyɛmunu ta béli dɔle éé wo saan;

Bale Lé We Gifezan 8:14

Boawe do a tɛrɛ la; yee lé ke léé, mi tegelenu ana, ’té we éé bɔa wo ma mi nyanénu kɛlɛwe yɛrama, yé mi nyanénu ana, ’té we éé bɔa wo ma mi tegelenu kɛlɛwe yɛrama. Maa léé, ’bɛ a boawe do nya é ziin.

Ézai 41:21

Gakelebale lé miyilinu lɛ léé: ’Kabo zé fe; Jakɔb nwiinzan lé ka lɛ léé: ’Kabo lé wenéné fe.

Ézai 48:8

Ka ’ka we do kpen ’ma lɛ a gi lo, yé ka ’ka we do kpen dɔɔ lɛ a gi lo, Yé ana we do kpen ’ka go lɛ ka tɔné gi lo; Naa, maa gi dɔɔ é kyɛn léé, ka ’ka yara pa lɛ anlé we ta lo, É sia ka yaabléyi va, woo ka laama nwamimazannu

Jérémi 11:20

Naa, lai sunyanu lé Gakelebale lé é ke weblezan tegele nya, ’té éé mi bli valé mi giwe dɔɔan. Maa dan ilé we lɛgi pana ye lɛ wo ma, naa, anlé we bɛ paan bii ɛ lee.

Jérémi 12:6

Naa, ibo bwenu valé i ti lé kɔngimunu i paan i nyanézannu lee, ’Té wobozen éé plaan i ta, Dé wo béé la glewo i va, té i bli é vo ’bɛ lɛ lo.

Jérémi 3:20

Naa, fɛan zo lé le do ’ka voo é sɔlɛzan va lo, A zo lé Izraɛl ’ka vo lɛ an va lo. Maa Gakelebale ɛ ke a fena.

Jérémi 3:7

Yé maa léé: We ’konu faa kɛlɛle zuo, Izraɛl é dan da lɛ an va. Naa, é ’ka da lɛ lo. Yé a buru Juda lé ke gilawe kɛlɛzan nya, é ana ye.

Jérémi 32:16

Maa féilɔsɛbɛ nɔ aan wo Nérija be Baruk lɛ, maa bazoro Gakelebale lɛ yé maa léé:

Jérémi 5:11

Naa, Izraɛl munu valé Juda munu ’ka plaan an wuo lo, azama. Maa Gakelebale ɛ ke a fena.

Jérémi 9:2

Oo, dé é vo léé, kɔn do a an lee bwi gi giézannu nyanana nya, ’Té an sɔn vɔ anlé munu ma yé an si wo ma baa; Naa, wo faa a le bɛ valé gɔné bɛ ginizannu nya; Wa dabli munu nya.

Jérémi Lé Wuvɔ Sɛbɛ 1:18

Gakelebale a tegele, Naa, é we fe an lɛ yé an bɔrɔ vɔɔ a ta. ’Kaa migɔnɔ faa, ’ka tɔné dɔ, ’ka anlé nyanéblele ye. Anlé blɛnnu valé anlé pɛniɛnu go luu gi.

Ézékiɛl 18:25

Ka léma: Mizan lé wekɛlɛbɛ ’ka é drɔle lo. Amalé, Izraɛlnu, ’ka tɔné dɔ. Maa ɛlé wekɛlɛbɛ ’ka é drɔle lo loo? Naa, ka‐an kalé wekɛlɛbɛ ’ka é drɔle lo loo?

Daniɛl 9:14

Amalé Gakelebale we tɔntɔn ’ko bɔ ko ma sɔbɛlawe nya. Naa, Gakelebale kolé Bale a tegele é kɛlɛwenu faa gi, naa, ko ’ka ko tɔné dɔ lɛ a dére lɛ lo.

Daniɛl 9:7

Mizan, kɛlɛle tegele a bii ɛ zé nya; yé yaragyɛwe a kozé nya kyɔ, Juda munu koo, Jérusalɛm munu koo, Izraɛlnu faa koo, dé wa é puoo, dé wa baaoo, yaragyɛwe a wo faa zé nya. Wo yuɛ gi blanle lé we ma lé wo kɛlɛ weanwiinzannu nya, amalé i wo bin yé wo sɔɔla tɛrɛ faa la.

OZÉ (Osée) 6:7

Wo anlé gipawe sɛrɛ bélé mi planu lé wo nya; ’bɛna lé wo yuɛi blan an ma.

Abaku 1:4

Yé é ziin, bélidɔwe ’lɛ ’ka lo, yé plɛplɛ ’ka we tegele lee lo; naa, mi nyané éé mi tegele keleé, yé woo wenu blé é ple nya.

Sofoni 3:5

Gakelebale a wo va mi tegele nya; é ’ka weple kɛla pelo. Bladi faa do do ma éé élé webledérenu bɔraan gɔrɔ la, é ’ka yi do kpen buuan lo. Naa, mi lé éé weple kɛla, é ’ka yaragyɛwe dɔɔa lo.

Malasi 2:17

Ka Gakelebale wɔlɛ gi nyaa é ma ka dére nya, yé ka léé, ’wo a wɔlɛ gi nyaa a ma mɛ nyaa? Ka fé léé: Miomian wenaané kɛlɛ, é a é zima Gakelebale yuɛ gi, yee ɛ Gakelebale gi nanaan. ’Bɛ dére ’ko ɛ Gakelebale wɔlɛi nyaa é ma; dé ’bɛ kaan lo, ka fé léé: We tegele kɛlɛ Bale a kyɛɛn?

Malasi 3:15

Sin, é dɔ ko gi léé, boblɛnzan zé a néné; iin, we faa nyian éé woo mi nyanénu lɛ. Iin, woo Kazambale gi daan yé we do ’ka kɛla wo lɛ lo.

Bélidɔwesɛbɛ Fiézan 32:4

É a bélé gɔlɛ zo; gun ’ka a kɛlɛwenu ma lo, Alé tawobɛ faa a tegele, azama; É a Bale lé éé yara paan we la, ’té weple ’ka a gi lo, a nya. É a tegele, é a é drɔle.