Jérémi 11:4 - Kazambale lé Sebe Sauunu 1979

⁴ Maa gipadére ’ko fe ka tranu lɛ, yian nya lé maa wo si Éjipiti tɛrɛ la foliɛwɔlɛ gɔrɔ gi, a yi nya, yé maa léé: ’Ka tɔné dɔ an dére lɛ yé we faa lé maa dan ka béli dɔ lɛ a nya, ’ka kɛlɛ. ’Bɛna lé ka dan kɛlɛ lɛ anlé munu nya yé maa dan kɛlɛ lɛ kalé Bale nya.

Jérémi 11:4 ပူးပေါင်းရင်းမြစ်များ

Wepélisiananu 17:8

Tɛrɛ lé i ke é nyanale a ta bɛn nya ’ko, maa dan a nɔ lɛ bii valé ilé nénu lé wo dan kɛlɛ lɛ i zuo bɛ, wo lɛ. Maa dan Kanaan tɛrɛ faa nɔ lɛ wo lɛ wozé nya lɛɛfaama, a glɛ ’ka lo, yé maa dan kɛlɛ lɛ wolé Bale nya.

1 Minwiinzannu 8:51

naa, wa ilé munu valé ilé tɔnɔ nya, yé i wo si foliɛwɔlɛ gɔrɔ gi Éjipiti tɛrɛ la.

2 Minwiinzannu 18:6

É yere Gakelebale ma, yé é ’ka diéra lɛ a zuo lo, yé bélidɔwenu lé Gakelebale a fe Moizi lɛ, é wo kɛlɛ.

Fwile 20:6

yé munu lé an sɔ wo lɛ, ’té woo anlé bélidɔwenu kɛla, an nyanai éé zén‐é wo ta fɔɔ wo kulu wuru soru nya.

Ézai 30:6

Kɔnésiwinu a gona yirinwana bɛyilazia; wa kwakulitɛrɛ valé nyanébletɛrɛ kinina. Golizrada valé golizra?-?gɔné lé fɛna lé. Ménénwunnu valé dragɔn lé éé sié, wa wolé fɛna nya. Juifinu ’wolé fuafɛnu vɔ sokofalenu punu; wo ’wolé fɛwezannu vɔ nyɔgɔmé punu, yé wa gona wo nya munu lé wo ’ka dan tɔnɔ do kpen ye lɛ ’bɛnu ma lo, wo va.

Ézai 48:10

Maa ka pa fɛseleégibɔ gi bélé gɔɔlifu zo; Maa ka gi dan ’furu kyɛ lé ke we tɔntɔn nya, a va.

Jérémi 11:7

Naa, maa we ’ko lɛ kini ka tranu lɛ, yian nya lé maa wo si Éjipiti tɛrɛ la, a yi nya fɔɔ yi ’ko nya; maa vo we plana wo lɛ bladi yifaama, a fele nya wo lɛ léé: ’Ka tɔné dɔ an dére lɛ.

Jérémi 24:7

Yé bli lé é dan an dɔɔ lɛ Gakelebale nya, maa dan a vɔ lɛ wo gi. Wo dan kɛlɛ lɛ anlé munu nya, yé maa dan kɛlɛ lɛ wolé Bale nya, ’té dé wo da an va wo bli faa nya.

Jérémi 26:13

Sin, ’ka ka kɛlɛwenu valé ka panyanama nɔla. ’Ka tɔné dɔ Gakelebale, kalé Bale dére lɛ. Yé wenaané lé Gakelebale a fe léé, é dan bɔ lɛ ka ma, é dan é bli nɔla lɛ a kɛlɛle ma.

Jérémi 30:22

Ka dan kɛlɛ lɛ anlé munu nya, Yé maa dan kɛlɛ lɛ kalé Bale nya.

Jérémi 32:28

Bɛwemalé Gakelebale léma: Bé ye, maa fla ’ko paan Kaldé munu lee, maa a paan Babilɔn nwiinzan blɛn Nébukanɛsaa lee, yé é dan a si lɛ.

Jérémi 38:20

Jérémi a zi pa léé: Wo ’ka dan i pa lɛ wo lee lo. ’I tɔné dɔ Gakelebale dére lɛ, wean maa a fe i lɛ bɛ, a lɛ. I dan wezin ye lɛ yé i dan béli lɛ.

Ézékiɛl 11:20

léé, ’wo an déretawenu kɛlɛ, yé ’wo anlé bélidɔwenu lɛdɔma yé wa sɔnnénu pa, yé wo dan kɛlɛ lɛ anlé munu nya, yé maa dan kɛlɛ lɛ wolé Bale nya.

Ézékiɛl 14:11

léé, té Izraɛl munu é si an ma baa é dɛrɛ lo we ma, yé té wo ’wobo tiri dɔ Bale sɔnné faa sɛrɛle nya é dɛrɛ lo we ma. ’Bɛna lé wo dan kɛlɛ lɛ anlé munu nya, yé maa dan kɛlɛ lɛ wolé Bale nya. A zo lé Mizan Gakelebale a fe.

Ézékiɛl 36:28

Tɛrɛ lé maa a nɔ ka tranu lɛ, ka dan nyana lɛ a ta; ka dan kɛlɛ lɛ anlé munu nya, yé maa dan kɛlɛ lɛ kalé Bale nya.

Ézékiɛl 37:23

Wo ’ka dan wobo tiri dɔ lɛ wolé miyilinu koo, wolé bozowenu koo, wolé bélidɔwe sɛrɛlenu koo, wo nya é dɛrɛ lo. Fɛ faa lé wo nyana ana yé wo wenyané kɛlɛ, maa dan wo si lɛ ana yé maa wo kɛlɛ tegele. Wo dan kɛlɛ lɛ anlé munu nya, yé an dan kɛlɛ lɛ wolé Bale nya.

Ézékiɛl 37:27

An nyanana é dan kɛlɛ lɛ wo va. Maa dan kɛlɛ lɛ wolé Bale nya yé wo dan kɛlɛ lɛ anlé munu nya.

Daniɛl 3:26

’Bɛ zuo, Nébukanɛsaa bié ’furu lé kyɛ a tana, a sɔnɔ, yé é léé: Sadrak koo, Mésak koo, Abɛd‐Négo koo, balenu faa Nwiinzan wuomunu, ’ka bɔra a gi, ’ka da. Yé Sadrak koo, Mésak koo, Abɛd‐Négo koo, wo bɔra kyɛ méléna.

Lévinu 26:12

Maa dan tawo lɛ ka va, yé maa dan kɛlɛ lɛ kalé Bale nya, yé ka dan kɛlɛ lɛ anlé munu nya.

Lévinu 26:3

Dé ka tawo anlé bélidɔwenu ta, dé ka an sɔnnénu pa yé ka tawo wo ta,

Zakari 13:9

Maa dan a lɛ do ’ko vɔ lɛ kyɛ va, yé maa dan wo kɛlɛ lɛ tegele fɛan zo lé woo gɔɔlifu kɛla tegele, a zo, yé maa dan wo gi dan lɛ bélé kyan selele zo. Wo dan an tɔ laa lɛ, yé maa dan we lɛ wo lɛ. Maa dan a fe lɛ léé: Anlé munu lé, yé wo dan a fe lɛ léé: Gakelebale a kolé Bale nya.

Zakari 6:15

Munu lé wo ke baa, wo dan da lɛ yé wo dan nyanama pa lɛ Gakelebale lé kɔn gi; yé ka dan a gi dɔɔ lɛ léé, lai sunyanu lé Gakelebale an pa zia ka va. Dé ka tɔné dɔ Gakelebale, kalé Bale dére lɛ, we ’ko é dan kɛlɛ lɛ.

Zakari 8:8

Maa dan da lɛ wo nya, yé wo dan nyana lɛ Jérusalɛm; wo dan kɛlɛ lɛ anlé munu nya, yé maa dan kɛlɛ lɛ wolé Bale nya, webozen valé wedrɔle kɛlɛle nya.

Matio 28:20

yé we faa lé maa ka béli dɔ a nya, ’ka a ta tawole paa wo gi. Yé ka ye, maa a ka va yifaama, fɔɔ yé tɛrɛ la é nyaa a zo.

2 Korɛnt Munu 6:16

Kazambale bangikɔn valé miyilinu, ’bɛnu éé nanaan? Naa, ko a Bale yuɛmale lé kɔn nya, bélé fɛan zo lé Kazambale a fe, a zo. É léé: Maa dan nyana lɛ wo va, yé maa dan tawo lɛ wo méléna; maa dan kɛlɛ lɛ wolé Bale nya, yé wo dan kɛlɛ lɛ anlé munu nya.

Bélidɔwesɛbɛ Fiézan 11:27

Gakelebale, kalé Bale sɔnnénu lé maa wo fe ka lɛ kyɔ, dé ka wo pa, ka drɔɔ é dan vo lɛ;

Bélidɔwesɛbɛ Fiézan 4:20

Naa, ’kaa, Gakelebale ka si a va yé é ka si foliɛwɔlɛ gɔrɔ gi Éjipiti tɛrɛ la, ka kɛlɛle abozen lé munu nya we gi, fɛan zo lé ka ke kyɔ, a zo.

Bélidɔwesɛbɛ Fiézan 5:6

’Yee ɛ ke Gakelebale, kalé Bale lé é ka si luu gi Éjipiti tɛrɛ la, a nya.

Ébrunu 5:9

Gun si Bale Be ma aan wo, é kɛlɛ bélile lé a glɛ ’ka lo, a bɔrazan nya, munu lé wa lɛdɔama, wo lɛ.

1 Samuɛl 15:22

Samuɛl léé: Balebanwe kyɛblele valé sarakanu bole éé sɔa Gakelebale lɛ bélé tawole Gakelebale dére ta zoo? Bé ye, lɛdɔmale fila vɔ é mini saraka bole ta, yé a dére ta tawole fila vɔ é mini ’blagɔné nyɔnɔ ta.