Jérémi 11:20 - Kazambale lé Sebe Sauunu 1979

²⁰ Naa, lai sunyanu lé Gakelebale lé é ke weblezan tegele nya, ’té éé mi bli valé mi giwe dɔɔan. Maa dan ilé we lɛgi pana ye lɛ wo ma, naa, anlé we bɛ paan bii ɛ lee.

Jérémi 11:20 ပူးပေါင်းရင်းမြစ်များ

Wepélisiananu 18:25

Mi tegele gyɛle mi nyané va, ’té mi tegele valé mi nyané lé we bɔ ékema, ’bɛ zo we kɛlɛle a é sile i ma baa boenwo. Mian éé tɛrɛlamunu faa lé we blé, é ’ka dan we tegele kɛlɛ lɛ loo?

2 Minwiinzannu 19:14

Ézékia sɛbɛ si nwunvɔzannu lee yé é a ta fe. ’Bɛ zuo é go Gakelebale lé kɔn gi yé é a fuo Gakelebale ’lɛ,

Minwiinzannu lé Wezuofe Sɛbɛ 28:9

Yé bii, an be Salomɔn, ’i i ti Bale dɔɔ ma, bé kun i bɛ fié nya, bélé nyanama pa i bli faa nya ma, naa, Gakelebale éé mi faa bli gi ginian fɔɔ yé é bɔ a wɔlɛ ma, yé é mibligiwe valé mi lé gibɔrɔlenu faa dɔɔ. Dé bé nagini, é dan zi nɔ lɛ i lɛ léé, i ’é ye; dé i sɔn vɔ a ma é dan sɔn vɔ lɛ i ma yifaama.

Minwiinzannu lé Wezuofe Sɛbɛ 29:17

Oo, anlé Bale, maa gi dɔɔ léé, i mi bli gi ginian yé we drɔle sɔ i lɛ; é ziin, maa blɛ drɔɔnu ’ko faa nɔ i lɛ an bli gi drɔle nya, yé maa ye léé, ilé munu lé wo ke ’ko, wo blɛ ’konu kɛlɛ i lɛ bli drɔɔ nya, yé ’bɛ an gi nana.

JOB (Job) 5:8

Dé é a maa nya, annɔ go anlé we nya Kazambale va, ’Té manɔ anlé we gi fé a lɛ.

Lɛrɛvɔ Sɛbɛ 139:23

Oo Bale, ’i an giwe nagini; ’i an bli dɔɔ ma. ’I an giwe dan; ’i an ’wuogibɔrɔlenu dɔɔ ma.

Lɛrɛvɔ Sɛbɛ 35:2

’I mibotakuunfɛ kiéné valé a blɛnzan si, Yé ’i nwa bɔle an va we ma.

Lɛrɛvɔ Sɛbɛ 43:1

Baleoo, Bale, ’i anlé we ble yé ’i dɔ an zuo, bɛn lé éé wenyané fé Bale lé zi ma, alé we ma. ’I an si munu lé woo dabli valé weple kɛla, wo lee.

Lɛrɛvɔ Sɛbɛ 57:1

David lɛrɛ ’ko vɔle gɔɔn lɛrɛvɔzannu zilɛzan lɛ. Té bé sɛrɛ lo. Bale tɔbɔlɛrɛ lé David a vɔ, bléyian va lé Saul a zuo bin, yé é go yɔɔ lɛ gɔmaguru gi.

Lɛrɛvɔ Sɛbɛ 58:10

Dé lélikyɛ ’ka tan kalé lɛedaanu kyɛ dɔ lɛ lo, Dé wa drɔɔdrɔɔoo, dé kyɛ vɔ wo maoo, barikoko é dan go lɛ wo nya.

Lɛrɛvɔ Sɛbɛ 7:10

’I mi nyanénu lé wenaané kɛlɛle glɛ dɔ Yé ’i mi tegele dɔ gligli, Bale tegele, bii ɛ mi bli valé a giwe gi daan.

Lɛrɛvɔ Sɛbɛ 7:8

Munu faa ’wo zén ékeva i zi. ’I go wo ta loru fɛna nwale na.

Lɛrɛvɔ Sɛbɛ 7:9

Gakelebale éé migɔnɔnu lé we blé; Gakelebaleoo, Bale, ’i we tegele kɛlɛ an lɛ Anlé we drɔle valé anlé we wéiin yɛrama.

Lɛrɛvɔ Sɛbɛ 98:9

Gakelebale ’lɛ ma. É a dana tɛrɛlamunu lé we ble lɛ. Naa, é dan tɛrɛlamunu lé we ble lɛ tegele, Yé é dan migɔnɔnu lé we ble lɛ wedrɔle nya.

Jérémi 12:1

Gakelebale, bii a tegele fɛan zo bɛ, é ’ka dɔ lɛ an gi léé, an zavɔ i va lo; Naa, duowo, maa a a va léé, maa we fe ilé weblele ma. Mɛmalé i mi nyanénu ma wenu nyian woo? Mɛmalé i dablikɛlɛmunu voo é yuɛma drɔɔ?

Jérémi 12:3

Yé bii Gakelebale, i an dɔɔ, I an yé, an bli lé ke i lɛ bɛ, bé gi ginian. ’I wo si ana bélé ’blanu lé woo wo bɔrɔ bo, wo zo, Yé ’i wo tadɔ wo gyɛyi zé nya.

Jérémi 15:15

Oo Gakelebale, i we faa dɔɔ, an sele ’é dɔ i gi ma; té i gi é san an ma lo ma; ’i anlé we lɛgi pa klepaantazannu ma ma. Dé i bli kɛlɛ tiéé wo ma, an dan ga lɛ. Wo serele bo an ma i tɔ lé we ma; we ’ko sele ’é dɔ i gi ma.

Jérémi 17:10

Maa, Gakelebale, maa mi bli gi daan, maa mi gi kulian, Léé, an mi do do faa banwo wolé tawobɛ yɛrama, É valé wo panyanamanu yɛrama.

Jérémi 17:18

Munu lé woo nyané paan an ta yaragyɛwe ’é bɔ wo ma ma. Té yarawe é bɔ an ma lo ma. Wo ma ’é nyɔɔn ma, naa, té an ma é nyɔɔn lo ma. ’I we tɔntɔn bɔ wo ma ma. ’I dunuzénmitawe bɔ wo ma fié ma.

Jérémi 20:12

Lai sunyanu lé Gakelebale éé mi tegele gi daan, Éé mi bli giwe valé a bɔn‐in bɔrɔlenu va ginian. Maa dan ilé we lɛgi pana ye lɛ wo ma, Naa, maa anlé we bɛ paan bii ɛ lee.

Jérémi Lé Wuvɔ Sɛbɛ 3:58

Mizan, i dɔ an zuo, I an tabo.

Jérémi Lé Wuvɔ Sɛbɛ 3:59

Gakelebale, kle lé wa pa an ta, bé ye; ’I anlé we ble.

Jérémi Lé Wuvɔ Sɛbɛ 3:64

Oo Gakelebale, i dan wo gooli pa lɛ Wo bɛ panyanama yɛrama;

Ézékiɛl 11:5

Tɔɔn, Gakelebale Léli an kun, yé é lé an lɛ léé: Bé fe léma: Gakelebale léma: Izraɛl munu, ka we fé ’bɛ zoo? Yé we lé é dɔ ka ’wuo gi, maa a dɔɔ.

Filip munu 4:6

Té ka we do kpen gi bɔrɔ pa lo, naa, we faa gi, ’ka ka mawenu fe Kazambale lɛ bazorole koo, zanté vɔlenu koo, bɔvɔlenu koo, wo nya.

2 Timoté 4:14

Folibozan Alézandre wenaané kɛlɛ an lɛ kiɛre. Mizan é dan a lɛgi pa lɛ a ma a kɛlɛwenu yɛrama:

1 Piɛri 2:23

wa sɔnɔ yé é ’ka wo sɔnɔ lɛ lo; wo nyané pa a ta yé é ’ka siaa lɛ wo ta lo, naa, ébo bɛ pa mi lé éé we blé tegele, a lee;

Wegɔɔnle 18:20

La, i gi ’é nana a sɛrɛle lé we ma ma. Yé ’kaa Kazambale lé munu koo, nwunvɔmunu koo, balelayemunu koo, ka gi ’é nana é ziin ma. Kazambale alé we nyaa a zo, amalé é we tegele kɛlɛ ka lɛ.

Wegɔɔnle 2:23

Maa dan alé nénu gyɛ lɛ; yé léglizinu faa é dan a gi dɔɔ lɛ léé, maa ɛ munu bli valé wo gibɔrɔle naginian, yé maa dan ka faa do do banwo lɛ ka kɛlɛwenu yɛrama.

1 Samuɛl 16:7

Gakelebale lé Samuɛl lɛ léé: Dé é a gɔné dɔbɛ gioo, dé é a grɔgrɔoo, té i bɔn‐in bɔrɔ ’bɛ ma lo, naa, an sɔn vɔ a ma. We lé é dɔ mi gi, é ’ka Gakelebale gi ’bɛ zo lo; fɛ lé mi a yé é yuɛ nya, yee lé é a naginian, naa, Gakelebale éé mi bli ɛ naginian.

1 Samuɛl 24:15

Mi kyɛn ma lé Izraɛl minwiinzan zi siaa? Mi kyɛn lé bé zuo bin‐éé? Blén gale lé, gɔa lé.