Jérémi 11:19 - Kazambale lé Sebe Sauunu 1979

¹⁹ Maa a bélé ’blané drɔɔ lé wo go a nya wigyɛna, a zo, yé ’wuo gi naanénu lé wo ke a bɔrɔna an ma, maa ’ka a do kpen dɔɔ lɛ lo. Wo léé: Kaa yili valé a poro sɛrɛ. Kaa a soowɔla mi yuɛmalenu lé tɛrɛ la, yé té a tɔ sele é dɔ mi gi é dɛrɛ lo.

Jérémi 11:19 ပူးပေါင်းရင်းမြစ်များ

JOB (Job) 28:13

Blami ’ka a lɔfɛ dɔɔa lo. É ’ka miyuɛmalenu lé tɛrɛ ta lo.

Lɛrɛvɔ Sɛbɛ 109:13

’Wa kulu ga ma, Yé mi kulu lé wo dan bɛ, té wo tɔ é vɔ ’bɛnu va lo.

Lɛrɛvɔ Sɛbɛ 112:6

É ’ka dan saan lɛ monomono lo, Naa, mi tegele sele a munu gi yifaama;

Lɛrɛvɔ Sɛbɛ 116:9

An dan tawo lɛ Gakelebale ’lɛ, Mi yuɛmalenu lé tɛrɛ la.

Lɛrɛvɔ Sɛbɛ 142:5

’I yuɛ vɔ i bɛyilazia, yé bé nagini, Mi do ’ka an ma kunna yé lo, An yɔɔna ’ka é dɛrɛ lo, Mi do kpen ’ka gi bɔrɔan an boen ma lo.

Lɛrɛvɔ Sɛbɛ 27:13

Dé an ’ka é pale a ta léé, maa Gakelebale lé zin yé tɛrɛ la ’ko lo ’naan, ’Té maa kɛla kaa?

Lɛrɛvɔ Sɛbɛ 31:13

An sele éé saan munu gi bélé mi lé é ga, a zo. Maa a bélé bɔple zo.

Lɛrɛvɔ Sɛbɛ 35:15

Naa, dé an saan, wo gi éé nanaan yé wo zén ékeva, Woo zén‐é ékeva an ma trɔnné va, an sɔnɔle we ma; Wo ’ka daan an ma sɛrɛle ma lo.

Lɛrɛvɔ Sɛbɛ 52:5

Wenaané sɔ i lɛ é mini wezin ta, Viéwole sɔ i lɛ é mini we drɔle ta. Ka ye do.

Lɛrɛvɔ Sɛbɛ 83:4

Woo wɔraan do ilé munu ma, wo tablele saa lé we ma, Yé munu lé i wo takuun‐an, woo gi paan do wo ma.

Wegɔnévɔlenu 10:7

Mi tegele sele dɔle mi gi éé mi drɔɔ voo, naa, mi nyanénu tɔ éé sɛra.

Wegɔnévɔlenu 24:15

Mi naané, té i san vɔ mi tegele lé kɔn ’léé lo; té i ’wii a nyanana ta lo;

Wegɔnévɔlenu 7:22

Gɔnézan go a zuo é nya do, bélé diri lé é go wigyɛna, a zo, bélé sulasulagyɛzan lé wa yere a blale we gi, a zo,

Ézai 32:7

Dablikɛlɛzan lé dabli kɛlɛle a naané; éé bɔn‐in naané saa ɛ daan, nyanaizénlazannu saanle we gi ’élé viédére nya, dé nyanégyɛzan lé we a tegeleoo, éé a kɛla ’bɛ lɛ.

Ézai 38:11

Maa lé kɔɔn léma: Maa ’ka dan Gakelebale ye lɛ é dɛrɛ lo, Maa ’ka dan Gakelebale ye lɛ, tɛrɛ lé miyuɛmalenu éé nyanaan a ta, ana lo. Maa ’ka dan mi do kpen ye lɛ Tɛrɛlamunu va é dɛrɛ lo.

Jérémi 1:19

Wo dan guli dan lɛ i va, yé wo ’ka dan i kele lɛ lo. Naa, maa a i va, i ta béli dɔle we ma. Maa Gakelebale ɛ ke a fena.

Jérémi 18:18

Yé wo léé: ’Ka da, kaa gi pa Jérémi ma. Bélidɔwe ’ka dan si lɛ Balebanzannu lee lo; weplale ’ka dan si lɛ wedɔɔzannu lee lo; dére ’ka dan nyaa lɛ balelayemunu ’léé lo. ’Ka da, kaa Jérémi gyɛ kaa dére nya, té kaa tɔné dɔ a dére do kpen lɛ lo.

Jérémi 20:10

Maa mi kiɛre lé gun gyɛle ’ma, Yé wo léé: Yifaama, yifaama, we tɔntɔn, we tɔntɔn! ’Ka a tɔ laa, yé ko dan a tɔ fe lɛ. Munu faa lé wo bli ke an ma drɔɔ, Wa sin an ma vɔɔna léé, dé a sɔné é dan san lɛɛ? Wo léé: Dé é dan we do kɛlɛ lɛ é tanyila Yé ko a kuun? ’Té ko dan we lɛgi pa lɛ a ma.

Jérémi 26:8

We faa lé Gakelebale a pa Jérémi ’léé, léé, ’é a fe munu faa lɛ, é nyaa aan wo a faa fele nya, yé Balebanzannu koo, balelayezannu koo, munu faa koo, wa kun, yé wo léé: Ko i gya!

Jérémi Lé Wuvɔ Sɛbɛ 3:60

We faa lé wa lɛgi pa an ma, bé ye, Wo nwa an ma do, wo faa an ma we ble.

Ézékiɛl 32:24

Ana lé Élam valé élé mi gu blɛn ke; wolé mipana a wo zi. Gwɔun wo faa gyɛ; wo faa ga. Wo lé woo di kinié munu gi mi yuɛmalenu lé tɛrɛ la, wo go tɛrɛwɔlɛ ma, ’té wo gane ’ka é dɔle lo. Wo go ’wolé yaragyɛwenu nya ’wo lee, munu lé woo goo guruwɔlɛ ma, wo va.

Daniɛl 9:26

Flɛyi yɔ yaa wɔlɛ fié ’konu giéle zuo, wo dan Nyɔnɔzénnwiinzan gyɛ lɛ yé a pagizan ’ka dan ye lɛ lo. Minwiinzan do é dan da lɛ yé alé munu é dan fla valé fɛna plɛplɛ kɛlɛ lɛ é ’bin nya yé azé nyaale é dan kɛlɛ lɛ bélé ’yiyoro plɛplɛ zo. Naa wa fe léé, wo dan vo lɛ é sɛrɛle fɔɔ yé gulidanle é nyaa, a zo.

OZÉ (Osée) 9:8

Éfraim munu nwa anlé Bale ma; yé wo mianékunséli vɔ balelayezan lee zi faa ’léé, yé wa za pa alé Bale lé kɔn gi.

Mi Nɔnɔle 1:14

Gad gi mi: Déuɛl be Éliazaf.