17 Lai sunyanu lé Gakelebale lé é i suru, yee ɛ we tɔntɔn laa i ma, Izraɛl munu valé Juda munu lé we lɛrɛlɛrɛ kɛlɛle we ma; wo an blifliwe kɛlɛ lasikɔrɔpo kyɛblele nya Baal lɛ, azama.
maa nyanana nɔ anlé munu Izraɛl lɛ, yé maa wo suni wɔra, wo dɔle gligli, ’té wo ma ’ka nyɔɔn‐an é dɛrɛ lo we ma, léé, té wenyanékɛlɛzannu é nyané pa wo ta bélé é vinin zo lo,
É tɛrɛ ma nɔla, é gɔlɛnénu si a va yé é yiliné zima suru ana; É dɔtafɛ do kɛlɛ a méléna, Yé é dɔrɔyi borona do kɛlɛ é ziin ana. A bli a a lɛ léé, é dan dɔrɔporo zima baa lɛ, Naa, é dɔrɔporo naané ɛ baa.
Yé an kyankoro nɔ Siɔn lé nyanéblemunu lɛ kyɛyee pa gi, Yé maa ginanale nɔ gyɛbole pa gi, Yé maa Bale tɔzinfele nɔ wo lɛ bélé varɔ zo, fuu sile wo ta pa gi, Amalé wo dan wo laa lɛ wetegele lé térébɛnt yili lé Gakelebale a féi pa, é tɔ bɔle we ma.
Bɛwemalé Gakelebale léma: Ka ye, maa dan we tɔntɔnnu bɔ lɛ wo ma, ’té wo ’ka dan bɔ lɛ ’wobo sile lɛ a gi lo. Wo dan siaa lɛ an lɛ, yé maa ’ka dan tɔné dɔ lɛ wo lɛ lo.
Oo Juda munu, kalé flanu ’léé a kiɛre fɛan zo, a zo lé kalé balenu ’léé ke. Yé Jérusalɛm zinu ’léé a fɛan zo, a zo lé ka miyilinu bannanu kɛlɛ, yé ka lasikɔrɔ kyɛblenanu kɛlɛ Baal lɛ.
Naa, alé munu gi éé saan an ma, woo lasikɔrɔpo kyɛ blé miyilinu lɛ, ’Té woo tawoo zi saanlenu ta, ’té woo sié zi kwanu ta, Yé woo goo zi bɛnu ta, zinu lé wo ’ka tegele lo, wo ta.
Lai sunyanu lé Gakelebale, Izraɛl lé Bale léma: Ka ye, we tɔntɔnnu faa lé maa wo lɛ kini, maa dan wo bɔ lɛ fla ’ko valé a zi flanu ma. Naa, wo yuɛma dɔ an va plɛplɛ, yé wo ’ka tɔné dɔ lɛ an dérenu lɛ lo, azama.
Maa dan an yuɛ vɔ lɛ wo ta bli zima nya, yé maa dan da lɛ wo nya tɛrɛ ’ko la é ziin; maa dan wo nyana lɛ ana, yé maa ’ka dan wo kulu ga lɛ é dɛrɛ lo. Maa dan wo nyana lɛ kli, yé maa ’ka dan wo nwa lɛ é dɛrɛ lo.
Sin, ’ka ka kɛlɛwenu valé ka panyanama nɔla. ’Ka tɔné dɔ Gakelebale, kalé Bale dére lɛ. Yé wenaané lé Gakelebale a fe léé, é dan bɔ lɛ ka ma, é dan é bli nɔla lɛ a kɛlɛle ma.
Juda munu nwiinzan blɛn Ézékia valé Juda munu faa, wo Misé gyɛɛ? Ézékia ’ka kana lɛ Gakelebale lee loo? É ’ka zanté vɔ lɛ Gakelebale lɛ loo? Yé wenaané lé Gakelebale a fe léé, é dan bɔ lɛ wo ma, é bli si a kɛlɛle lɛ. Yé kaa, kaa a a va léé, kaa ’bɛ zoɛ weple blɛn dɔ kaa nwiin?
Kaldé munu lé wo nwa fla ’ko ma, wo dan wɔra lɛ fla; wo dan a kyɛ vɔ lɛ, yé kyɛ é dan a ble lɛ, yee valé kɔnnu lé wo lasikɔrɔ kyɛ ble Baal lɛ wo nwiin, ’té woo baleban’yi zanaan ana bale bɛnu lɛ an bli flile we ma bɛ, wo nya.
Naa, é sia wo kiéné la bléyi va fɔɔ kyɔ, Izraɛl munu valé Juda munu an ’namawe saa ɛ kɛlɛ. Izraɛl munu an bli fli wo bɛ panyanama nya. Maa Gakelebale ɛ ke a fena.
Amalé Gakelebale lai sunyanu lé Bale, Izraɛl munu lé Bale léma: Ka ye, we tɔntɔnnu faa lé maa wo lɛ kini Juda munu koo, Jérusalɛm munu koo, wo lɛ, maa dan wo kɛlɛ lɛ wo lɛ. An wo laa, yé wo ’ka we lɛ lo, azama.
Dé Gakelebale é dan é tɔné dɔ lɛ wolé dunuvɔmadére lɛɛ? Yé dé wo dan si lɛ wolé wekɛlɛbɛ naané zuoo? Naa, Gakelebale bli flile valé a wɛwɛ lé é glawe fe munu ’ko lɛ wo nya bɛ, wa blɛn.
Dé ka vo tɛrɛ ’ko la, maa dan ka nyana lɛ ana kli, maa ’ka dan ka kulu ga lɛ lo; maa dan ka suni wɔra lɛ, maa ’ka dan ka dia lɛ lo, naa, wenaané lé maa a kɛlɛ ka lɛ, an bli si ’bɛ lɛ.
Naa, wo ’ka wo tɔné dɔ lɛ an lɛ lo, wo ’ka an ban lɛ wo tɔné nya lo, wo ’ka daan lɛ wolé we lɛrɛlɛrɛ kɛlɛle ma lo, yé wo ’ka daan lɛ lasikɔrɔpo kyɛ blele ma bale bɛnu lɛ lo.
Mɛmalé ka an bli fli ka bɛ panyanama nyaa? Ka da nyana lɛ Éjipiti tɛrɛ la yé ka lasikɔrɔpo kyɛ ble ’bɛna bale bɛnu lɛ. Mɛmalé ka kabo bɔra kulu gale lɛ yé wo bale pa ka ma yé wo ka kɛlɛ serele bomazannu nya tɛrɛ la bɛnnu faa mélénaa?
Nénu éé kyɛ yélié yé wo tinu éé kyɛ sɔn‐o, yé lomu éé buruyɔɔ zɔn‐o yé wo gatonu kɛlɛ a nya lagi fuale zé nya, é valé ’yi zanale nya bale bɛnu lɛ, an bli flile we gi.
Mɛ ɛ kɛlɛɛ? Ka kyeen woo, ka mi gya, ka mi bɛ na valé mi bɛ zana ginian, ka bale ’nyɔɔn‐an vié nya, ka lasikɔrɔpo kyɛ blé Baal lɛ, ka goo bale bɛnu lé ka ’ka wo dɔɔa lo, wo zuo.
Izraɛl a bélé dɔrɔféi lé éé baan di, a zo; é poro baa kiɛre. Alé féi baale gi gyɛ fɛan zo, a zo lé alé yobanle gi gyɛ. Alé tɛrɛ nyian wo fɛan zo, a zo lé wo yofotonu ma’lɛrɛ.