Jérémi 11:13 - Kazambale lé Sebe Sauunu 1979

¹³ Oo Juda munu, kalé flanu ’léé a kiɛre fɛan zo, a zo lé kalé balenu ’léé ke. Yé Jérusalɛm zinu ’léé a fɛan zo, a zo lé ka miyilinu bannanu kɛlɛ, yé ka lasikɔrɔ kyɛblenanu kɛlɛ Baal lɛ.

Jérémi 11:13 ပူးပေါင်းရင်းမြစ်များ

2 Minwiinzannu 23:13

Gɔ nwiin yobannanu lé wo ke Jérusa?-?sɛm yara, sanna gɔ bɛyilazia, minwiinzan wo sɛrɛ; Izraɛl nwiinzan wo dɔ Asataté koo, Sidɔn lé bozobale koo, Moab lé bozobale Kémɔs koo, Amɔn lé bozobale Milkɔm koo, wozé nya.

2 Minwiinmunu lé Wezuofe Sɛbɛ 28:25

yé é gɔ nwiin yobannanu kɛlɛ Juda fla faa do do la, lasikɔrɔ nɔle yonu lɛ we ma. ’Bɛ zo lé é Gakelebale é tranu lé Bale bli fli.

Ézai 2:8

Miyilinu a é fanle wolé tɛrɛ la; woo diaan ’wo bɛ kɛlɛfɛnu ’lɛ, fɛnu lé wo wo nyaa woboan, woo diaan wo ’lɛ.

Jérémi 11:17

Lai sunyanu lé Gakelebale lé é i suru, yee ɛ we tɔntɔn laa i ma, Izraɛl munu valé Juda munu lé we lɛrɛlɛrɛ kɛlɛle we ma; wo an blifliwe kɛlɛ lasikɔrɔpo kyɛblele nya Baal lɛ, azama.

Jérémi 17:1

Juda munu lé wenyané a é gyɛle foliɛwɔlɛ biki nya, diaman lé wa lɛ ma bo, a nya. É a é gyɛle wo bli ta, yee valé wolé balebannanu lé bélinu ma.

Jérémi 18:15

Naa, alé munu gi éé saan an ma, woo lasikɔrɔpo kyɛ blé miyilinu lɛ, ’Té woo tawoo zi saanlenu ta, ’té woo sié zi kwanu ta, Yé woo goo zi bɛnu ta, zinu lé wo ’ka tegele lo, wo ta.

Jérémi 19:4

Wo sɔn vɔ an ma; wo fɛkona sɔnné sɛrɛ; wo lasikɔrɔpo kyɛ ble bale bɛnu lɛ ana, balenu lé wo koo, wo tranu koo, Juda nwiinzan blɛnnu koo, wo ’ka wo dɔɔ lɛ é kyɛn lo, wo lɛ, yé wo weanwiinlozannu kiɛre nyɛ zana fɛkona;

Jérémi 19:5

yé wo gɔ nwiin yobannanu dɔ Baal zé nya, léé, wo ’wolé nénu kyɛ ble Baal lɛ ana, ’té maa ’ka wo béli dɔ lɛ ’bɛ nya lo, yé maa ’ka ’bɛ zoɛ we fe lɛ wo lɛ lo, yé maa ’ka bɔn‐in bɔrɔ lɛ ’bɛ ma monomono lo.

Jérémi 2:28

’Té balenu lé ka wo kɛlɛ kazé nya, wa kyɛɛn? Dé wenaané bɔ ka ma bléyian va, wo bɔalɛ léé, wo ka si we gii? ’Wo nwa ma. Oo Juda munu, kalé flanu ’léé a kiɛre fɛan zo, a zo lé kalé balenu ’léé ke.

Jérémi 3:24

Ko kiéné la bléyi va, miyilinu ko tinu panyanama tɔnɔ ble; wolé ’blanu koo, wolé dirinu koo, wo benu valé wo lunu koo, wo wo ble.

Jérémi 3:25

Kolé yaragyɛwe kɛlɛ bélé yialafɛ zo, yé nyɔnmɛ wɔra ko ta bélé sɔ zo. Naa, ko wenyané kɛlɛ Gakelebale kolé Bale ma, ko koo, ko tinu koo, é sia ko kiéné la bléyi va fɔɔ kyɔ. Yé ko ’ka ko tɔné dɔ lɛ Gakelebale kolé Bale lɛ lo.

Jérémi 32:35

Wo gɔ nwiin yobannanu dɔ Baal zé nya, Bɛn‐Inom gɔ worona, léé, wo ’wo benu valé wo lunu kɛlɛ Mɔlɔk banfɛ nya. Maa ’ka a fe lɛ wo lɛ léé, wo ’bɛ zoɛ we kɛlɛ lo; yé é ’ka boenwo dɔ lɛ an ’wuo gi léé, woo ’bɛ zo dunuzénmitawe kɛla yé wo Juda munu kɛla wenyanékɛlɛzannu nya lo.

Jérémi 44:21

Lasikɔrɔpo lé ka kyɛ ble Juda tɛrɛ la flanu valé Jérusalɛm zinu ta bɛ, ka koo, ka tranu koo, ka nwiinzan blɛnnu valé ka nwiinzannu koo, tɛrɛlamunu koo, a sele ’ka dɔ lɛ Gakelebale gi loo? É ’ka é bɔn‐in bɔrɔ lɛ ’bɛ ma loo?

Jérémi 44:5

Naa, wo ’ka wo tɔné dɔ lɛ an lɛ lo, wo ’ka an ban lɛ wo tɔné nya lo, wo ’ka daan lɛ wolé we lɛrɛlɛrɛ kɛlɛle ma lo, yé wo ’ka daan lɛ lasikɔrɔpo kyɛ blele ma bale bɛnu lɛ lo.

Jérémi 48:35

Gakelebale léé: É sɔ an lɛ léé, an Moab zé nyaa. Mi lé é gié alé gɔ nwiin yobannanu na, ’té éé lasikɔrɔpo kyɛ blé alé bale lɛ, té ’bɛzan é kɛlɛ ana é dɛrɛ lo.

Jérémi 7:9

Mɛ ɛ kɛlɛɛ? Ka kyeen woo, ka mi gya, ka mi bɛ na valé mi bɛ zana ginian, ka bale ’nyɔɔn‐an vié nya, ka lasikɔrɔpo kyɛ blé Baal lɛ, ka goo bale bɛnu lé ka ’ka wo dɔɔa lo, wo zuo.

Ézékiɛl 16:24

ilé gɔnéginiégikɔnnu dɔ, yé i yobannanu kɛlɛ vuun faa la.

OZÉ (Osée) 10:1

Izraɛl a bélé dɔrɔféi lé éé baan di, a zo; é poro baa kiɛre. Alé féi baale gi gyɛ fɛan zo, a zo lé alé yobanle gi gyɛ. Alé tɛrɛ nyian wo fɛan zo, a zo lé wo yofotonu ma’lɛrɛ.

OZÉ (Osée) 12:11

Maa we fe balelayezannu lɔlu nya; maa yuɛziwe kiɛre kiɛre gɔɔn ka lɛ, yé maa wegɔné vɔ ka lɛ balelayezannu lɔlu nya.

OZÉ (Osée) 9:10

Maa Izraɛl ye bélé dɔrɔporo zo bwi gi; maa ka tranu ye bélé bɔrɔyili poro vinin zo; naa, wo go Baal‐Péɔɔ zuo, yé wobo nɔ miyili lɛrɛlɛrɛ lɛ, yé wo kɛlɛ bozofɛ nya, bélé ’wo sɔlɛfɛ zo.