Jérémi 11:11 - Kazambale lé Sebe Sauunu 1979

¹¹ Bɛwemalé Gakelebale léma: Ka ye, maa dan we tɔntɔnnu bɔ lɛ wo ma, ’té wo ’ka dan bɔ lɛ ’wobo sile lɛ a gi lo. Wo dan siaa lɛ an lɛ, yé maa ’ka dan tɔné dɔ lɛ wo lɛ lo.

Jérémi 11:11 ပူးပေါင်းရင်းမြစ်များ

2 Minwiinzannu 22:16

Gakelebale léma: Bé ye, maa dan we tɔntɔnnu bɔ lɛ fɛkona valé ana munu ma, sɛbɛ lé Juda nwiinzan blɛn a ta fe, a dére faa yɛrama.

2 Minwiinmunu lé Wezuofe Sɛbɛ 34:24

Gakelebale léma: Bé ye, maa dan we tɔntɔnnu bɔ lɛ fɛkona valé ana munu ma; balepalenu faa lé wa gyɛ sɛbɛ lé wa ta fe Juda nwiinzan blɛn ’lɛ, a gi bɛ, maa dan wo ta we kɛlɛ lɛ ka lɛ.

JOB (Job) 35:13

Wo siaale a é boa, Kazambale ’ka é tɔné dɔa wo lɛ lo, Plɛplɛfaazan ’ka é yuɛ vɔa wo ta lo.

Lɛrɛvɔ Sɛbɛ 18:41

I an nyanézannu nwun zi dɔa an ta, Yé munu lé an za ke wo gi, maa wo kulu gaan.

Lɛrɛvɔ Sɛbɛ 66:18

Dé é kɛlɛ kɔɔn léé, weple é vo an bli gi, ’Té Mizan ’ka anlé bazorole nyi sié lo.

Wegɔnévɔlenu 1:28

Wo dan an laa lɛ, yé maa ’ka dan we lɛ lo; wo dan an gini lɛ yé wo ’ka dan an ye lɛ lo.

Wegɔnévɔlenu 29:1

Mi lé a yara a lé, wo we pla a lɛ, yé é ’ka é ’wuo dɔa a wuo lo, wo dan a ’wii lɛ za ma, té a lia ’ka lo.

Ézai 1:15

Dé ka bɛ soi an vazia, an yara sié ka la; dé ka ba kiɛre zoro, an ’ka ’bɛ maan lo; ka bɛnu a migyɛbɛnu nya.

Ézai 24:17

Tɛrɛlamunuoo tɛrɛlamunu, dɔnvɔmunu lé plale koo, wigyɛguru koo, séli koo, wo faa a ka ’lɛ.

Jérémi 11:14

Jérémi, té bii é dɔ munu ’ko lé we gi lo; té i dére nwa wo ma zanté vɔlenu valé wo ma bazorolenu nya lo. Naa, dé we tɔntɔn bɔ wo ma, dé wo an laa, maa ’ka dan tɔné dɔ lɛ wo lɛ lo.

Jérémi 11:17

Lai sunyanu lé Gakelebale lé é i suru, yee ɛ we tɔntɔn laa i ma, Izraɛl munu valé Juda munu lé we lɛrɛlɛrɛ kɛlɛle we ma; wo an blifliwe kɛlɛ lasikɔrɔpo kyɛblele nya Baal lɛ, azama.

Jérémi 14:12

Dé wo lɔrɔ sɔn‐oo, maa ’ka dan an tɔné dɔ lɛ wolé welaadére lɛ lo. Dé wo wi kyɛ ble an lɛoo, dé wo blɛ kɛlɛ an lɛoo, maa ’ka dan ’bɛ ban‐ɛn ble lɛ lo; naa, é sɔ an lɛ léé, maa wo kulu ga, gwɔun koo, lɔrɔ koo, migyɛgyɛ koo, wo nya.

Jérémi 14:2

Juda munu a gyɛ bona, Alé flamunu bli kyɛ a é dɔle, gyɛbosɔnu a é zénle wo ta, yé wa é yiale tɛrɛ va, Yé Jérusalɛm munu dére éé nwaan siaale nya.

Jérémi 15:2

Yé dé wa laa i lee léé: Ko go kyɛɛn? bé zi pa léma: Gakelebale léma: Munu lé wozé ke ga nya, ’wo ga ma; Munu lé wozé ke gwɔun nya, ’wo ga gwɔun ’léé ma; Munu lé wozé ke lɔrɔ nya, ’wo ga lɔrɔ nya ma; Munu lé wozé ke luubale nya, ’wo kɛlɛ luu nya ma.

Jérémi 18:11

Bé fe sin Judamunu valé Jérusalɛm munu lɛ léma: Gakelebale léma: Ka ye, an we tɔntɔn ma’lɛrɛ léé, ’é bɔ ka ma. Maa a an bɔn‐in bɔrɔna ka mawe do nya. Ka faa do do, ’ka daan ka kɛlɛwe nyanénu ma. ’Ka ka kɛlɛwe naanénu valé ka panyanamanu vo, ’ka a dɛrɛ sia.

Jérémi 19:15

Lai sunyanu lé Gakelebale, Izraɛl lé Bale léma: Ka ye, we tɔntɔnnu faa lé maa wo lɛ kini, maa dan wo bɔ lɛ fla ’ko valé a zi flanu ma. Naa, wo yuɛma dɔ an va plɛplɛ, yé wo ’ka tɔné dɔ lɛ an dérenu lɛ lo, azama.

Jérémi 19:3

Bé fe wo lɛ léma: Juda nwiinzannu valé Jérusalɛm munu, ’ka tɔné dɔ Gakelebale dére lɛ. Lai sunyanu lé Gakelebale, Izraɛl munu lé Bale léma: Ka ye, maa dan we tɔntɔn do kɛlɛ lɛ fɛkona lɛ, yé dé miomian é a zuo’ma, a tɔné zuogi éé wé, zeee.

Jérémi 23:12

Bɛwemalé wolé zi é dan kɛlɛ lɛ yɔrɔyɔrɔ gunuti va, Wo dan wo nyunu lɛ yé wo dan dia lɛ; Naa, maa dan we tɔntɔn bɔ lɛ wo ma, Lɛɛan nya lé maa dan we lɛdɔ lɛ wo gi, ’bɛ lɛɛ nya. Maa Gakelebale ɛ ke a fena.

Jérémi 25:35

Munu pazannu vɔzifɛ ’ka é dɛrɛ lo. Zi gɔɔn trubɛ lɛzannu siéwegifɛ ’ka é dɛrɛ lo.

Jérémi 35:17

Amalé Gakelebale lai sunyanu lé Bale, Izraɛl munu lé Bale léma: Ka ye, we tɔntɔnnu faa lé maa wo lɛ kini Juda munu koo, Jérusalɛm munu koo, wo lɛ, maa dan wo kɛlɛ lɛ wo lɛ. An wo laa, yé wo ’ka we lɛ lo, azama.

Jérémi 6:19

Tɛrɛ, ’i tɔné dɔ. Maa dan we tɔntɔn bɔ lɛ munu ’ko ma, wo ’wuogibɔrɔlenu tɔnɔ lé. Naa, wo ’ka ’wo tɔné dɔ lɛ an dérenu lɛ lo, wo nyé yéli anlé bélidɔwe ma.

Jérémi Lé Wuvɔ Sɛbɛ 2:22

I di kinile laa bɛ faa ma léé, ’é zén an gi, bélé fɛti yi la mi zénle zo. Gakelebale bli fli yian nya, mi lé ’bɛ é so a lee, ’bɛzan ’ka lo, yé voéyuɛmazan ’ka lo. Munu lé maa wo pa yé wo tin, An nyanézan wo ble.

Ézékiɛl 14:3

Blami be, mi ’konu lé, miyilinu we ke wo bli gi, yé fɛnu lé ’bɛnu éé wo vɔa weplenu gi, wo yuɛ a é dɔle ’bɛnu ɛ ta, maa dan zi nɔ lɛ wo lɛ léé, wo we laa an lee?

Ézékiɛl 7:5

Mizan Gakelebale léma: We tɔntɔn, we tɔntɔn lé a zoɛ bɛ ’ka lo, é a dana.

Ézékiɛl 8:18

Maa é ziin, maa dan we kɛlɛ lɛ wo lɛ an wɛwɛ dɔle nya. An yuɛyi ’ka dan dɔ lɛ a la wolé we ma lo, yé an nyanai ’ka dan zén lɛ wo ta monomono lo; dé wo siaa dére plɛplɛ nya an tɔné gioo, maa ’ka dan an tɔné dɔ lɛ wo lɛ lo.

Amɔs 5:19

Ka dan kɛlɛ lɛ bélé mi lé é ke vlan buruna golizra lee, yé yee valé kua kee, a zo; bélé mi lé é vɔ élé kɔn gi yɔɔle we ma, yé é bɛ tɛn kɔnguru ma yé méné suiɛ dɔ a ma, a zo.

Misé 3:4

’Bɛ zuo wo dan siaa lɛ Gakelebale lɛ, naa, é ’ka dan we lɛ wo zi lo; ’bɛ bléyi va é dan é yara yɔɔ lɛ wo lee; wo wenaanénu kɛlɛ, azama.

Zakari 7:13

Lai sunyanu lé Gakelebale léma: Dé an wo laa, wo ’ka ’wo tɔné dɔa lo, amalé dé wo an laa, maa ’ka an tɔné dɔ lɛ wo lɛ lo.

1 Tɛsalɔnik munu 5:3

Dé munu a fena léé, ’wa drɔɔ, we do ’ka ’wo ma lo, kele tɔɔn yé mi?-?gyɛwe é bɔra wo ma fiaa, bélé fɛan zo lé nyanéblele tɔntɔn éé bɔraan bɔnzan ma fiaa a zo, yé wo ’ka bɔa sole lɛ a gi lo.

Ébrunu 1:3

Bale Be a Bale lé fuasan nya, yé é a Bale bozen nagɔɔnle nya yé a dére plɛplɛ éé fɛ faa kunwo ékema. Dé é nyaa kɛlɛle nya wenyané nyaafɛ nya faa, é nyana fuaneé Bale bɛyila la gi loru.