Jérémi 11:10 - Kazambale lé Sebe Sauunu 1979

¹⁰ Wo nɔla wo tranu vininnu lé wo sɔn vɔ tɔné dɔle ma an dérenu lɛ, wolé weplenu zuo, yé wo go bale bɛnu zuo yé wo ’bɛnu bɔ; anlé gipawe lé maa a kɛlɛ wo tranu va bɛ, Izraɛl munu valé Juda munu a sɛrɛ.

Jérémi 11:10 ပူးပေါင်းရင်းမြစ်များ

Lɛrɛvɔ Sɛbɛ 78:57

Wo si Bale ma baa, wa bélé ’wo tranu zo, yé wo ’ka kɛlɛ lɛ yarapawelazannu nya lo, Wo nɔla bélé sawɔlɛ lé é zi buu, a zo.

Ézai 24:5

Ana munu tɛrɛ sɛrɛ, naa, wo bélidɔwenu sɛrɛ, yé wo Bale déretawenu lɛgama, gipawe lé a glɛ ’ka lo, wa sɛrɛ, azama.

Jérémi 13:10

Mi nyanénu ’ko lé wo ’ka ’wo tɔné dɔa an dérenu lɛ lo, ’té woo gibɔrɔan ’wolé blibɔmawenu ma yé wo go bale bɛnu zuo bɛ, ’té woo ’bɛnu bɔa ’té woo diaan ’bɛnu ’lɛ, wolé we ’é kɛlɛ bélé kyɛsidi ’ko lé é ’ka vo lɛ é zima é dɛrɛ lo, azé zo ma.

Jérémi 17:23

Wo ’ka ’wo tɔné dɔ lɛ an lɛ lo; wo ’ka an ban lɛ ’wo tɔné nya lo. Wo kɛlɛ yuɛma plɛplɛzannu nya, léé, wo ’ka ’wo tɔné dɔa lo, té wo we paa ’wo gi lo.

Jérémi 22:9

Yé wo dan a zi pa lɛ léé: Wo sɔn vɔ Gakelebale, wolé Bale lé gipawe ma, yé wo dia ’wo bli la bale bɛnu ’lɛ yé wo ’bɛnu bɔ, amalé.

Jérémi 31:32

Gipawe lé maa a kɛlɛ wo tinu va, yian nya lé maa wo kun ’wo bɛ ma wo sile Éjipiti tɛrɛ la we ma, ’té wa sɛrɛ bɛ, dɔlé ’té maa a wozan nya, é ’ka dan kɛlɛ lɛ bélé ’bɛ gipawe zo lo. Maa Gakelebale ɛ ke a fena.

Jérémi 44:16

We faa lé bé fe ko lɛ Gakelebale tɔ gi, ko ’ka dan i lɛdɔ lɛ a ma a gɔ do kpen gi lo.

Jérémi 44:5

Naa, wo ’ka wo tɔné dɔ lɛ an lɛ lo, wo ’ka an ban lɛ wo tɔné nya lo, wo ’ka daan lɛ wolé we lɛrɛlɛrɛ kɛlɛle ma lo, yé wo ’ka daan lɛ lasikɔrɔpo kyɛ blele ma bale bɛnu lɛ lo.

Jérémi 7:28

Amalé, bé fe wo lɛ léma: Bɛn lé wo ’ka ’wo tɔné dɔ lɛ Gakelebale, wolé Bale dére lɛ lo, ’té wo ’ka alé wepladére nyi si lɛ lo, yee lé ke wo nya ’ko. Webozen san, é so wo lee yé é go.

Jérémi 9:6

I nyanaan vié méléna, Vié nya lé wo sɔn vɔ an dɔɔle ma. Maa Gakelebale ɛ ke a fena.

Ézékiɛl 16:59

Naa, Mizan Gakelebale léma: Bii lé, i bale kunle ye boawe nya yé i gipawe sɛrɛ, i we kɛlɛ fɛan zo bɛ, a zo duo lé maa dan we kɛlɛ lɛ i lɛ.

Ézékiɛl 44:7

Bɛnnu lé wo bli ’ka é sile ’wo kɛlɛwe kyɛnnu lɛ lo, yé woboen gane ’ka é dɔle lo, ka wo wɔra anlé fɛna tinle na, anlé kɔn sɛrɛle we ma. Yé anlé buru koo, anlé wi nyɔnɔnu koo, wi nyɛnu koo, ka wo nɔ kalé bozofɛnu faa lɛ. Ka anlé gipawe sɛrɛ.

Ézékiɛl 5:6

É anlé bélidɔwenu valé an déretawenu sɛrɛ, yé alé wenaané mini é zi bɛnnu valé é zi tɛrɛlamunu faa zé ta. Naa, é anlé bélidɔwenu ye boawenu nya, yé é ’ka an déretawenu zuo tawo lɛ lo.

OZÉ (Osée) 6:4

Éfraim, maa kɛla i lɛ kaa? Juda, maa kɛla i lɛ kaa? Kalé Bale lé zi ta tawole a bélé lolugunu zo bladi; é a bélé fli lé éé bélié é kele, a zo.

OZÉ (Osée) 6:7

Wo anlé gipawe sɛrɛ bélé mi planu lé wo nya; ’bɛna lé wo yuɛi blan an ma.

OZÉ (Osée) 7:16

Wo ’ka nɔlaan Loruzan Bale va lo. Wa dabli kɛlɛ sa nya. Wolé mi blɛnblɛnnu é dan dia lɛ gwɔun ’léé; woo dére blɛnblɛn fé, azama. We ’ko é dan wo kɛlɛ lɛ yérisiéamafɛ nya Éjipiti tɛrɛ la.

Lévinu 26:15

dé ka lɔlu plɛn anlé bélidɔwenu ma, yé ka serele bo anlé gɔnɔlawenu ma, yé dé bɛwemalé ka ’ka an sɔnnénu faa pa lɛ lo, yé ka anlé gipawe sɛrɛ,

Sofoni 1:6

wo lé wo yara si Gakelebale la koo, wo lé wo ’ka maa Gakelebale naginian lo, ’té wo ’ka we laan an lee lo bɛ, maa dan wo faa kulu ga lɛ.

Zakari 1:4

Té ka kɛlɛ bélé ka tranu zo lo. Balelayezan vininnu we fe wo lɛ léé: Lai sunyanu lé Gakelebale léma: ’Ka si kalé zi naanénu ta, ’ka daan ka kɛlɛwe naanénu ma. Naa, wo ’ka ’wo tɔné dɔ lɛ ’bɛnu lɛ lo, yé wo ’ka a ’male nyi si lɛ an lɛ lo. A zo lé Gakelebale a fe.

Zakari 7:11

Naa, wo ’ka a nyi si lɛ léé, ’wo tɔné dɔ an lɛ lo, wo so an wuo yé wo tɔné sia an dére la.

Zakari 7:13

Lai sunyanu lé Gakelebale léma: Dé an wo laa, wo ’ka ’wo tɔné dɔa lo, amalé dé wo an laa, maa ’ka an tɔné dɔ lɛ wo lɛ lo.

Bélidɔwesɛbɛ Fiézan 31:16

Gakelebale lé Moizi lɛ léé: Bé gini, i dan yi gyɛ lɛ i tranu va. Yé munu ’ko é dan nwa lɛ yé bɔrɔdɛ le éé goo gɔnénu zuo fɛan zo, wo dan go lɛ bale bɛnu zuo a zo, tɛrɛ lé wo dan bɔ lɛ a ta, ana. Wo dan sɔn vɔ lɛ an ma, yé anlé gipawe lé maa a kɛlɛ wo va, wo dan a sɛrɛ lɛ.

Bélidɔwesɛbɛ Fiézan 9:7

Ka Gakelebale, kalé Bale bli fli bwi gi fɛan zo, a sele ’é dɔ ka gi; té ka gi é san ’bɛ ma lo. É sia yian nya lé ka si Éjipiti tɛrɛ la fɔɔ yé ka bɔ fɛkona ’ko, ka a tɔnégiplɛplɛzannu nya.

Ébrunu 8:9

É ’ka bélé gipawe lé maa a kɛlɛ wo tranu va Yian ma lé maa zi sia wo nya Wo sile Éjipiti tɛrɛ la we gi, a zo lo. Naa, wo ’ka wo yara pa lɛ anlé gipawe kɛlɛle ta lo; Amalé maa Mizambale léé: An yara sié wo ta é ziin.

Weblezannu 2:11

We lé é ’ka sɔ lɛ Gakelebale lɛ lo, Izraɛl lé nénu a kɛlɛ, yé wo Baalnu bɔ.

Weblezannu 2:17

Yé wo ’ka tɔné dɔ lɛ wolé weblezannu lɛ lo, naa, wobo nɔ bale bɛnu bɔle lɛ bélé gɔnégini le zo, yé wo ’wuo tua wo lɛ. Zi lé wo tinu tawo a ta, wo si a ta é kele, yé wo ’ka Gakelebale lé bélidɔwenu lɛdɔ lɛ a ma, fɛan zo lé ’bɛnu a kɛlɛ, a zo lo.

Weblezannu 2:19

Naa, dé weblezan ga, ’té wolé we sɛrɛ é ziin é mini wo tinu zé la, ’té woo tawoo bale bɛnu zuo, ’té woo wo bɔa, ’té woo wo ’wuo tuaan wo lɛ, yé wo yara pa ’wo kɛlɛwenu valé ’wo tɔnéiyuyu kɛlɛle ta tegele.

1 Samuɛl 15:11

Saul diéra an zuo, yé é ’ka tawoo an dére ta lo, amalé an bli nɔla a dɔle minwiinzan nya we ma. Samuɛl bli kyɛ dɔ yé é tu kini wuvɔle nya Gakelebale lɛ.