Jérémi 10:9 - Kazambale lé Sebe Sauunu 1979

⁹ Munu éé sié Taasis gɔɔlifu feenu nya yé woo kyan sié Ufaz yé wo da wo nya; Nyanamapazan valé folibozan éé nyanama paan. Bale ’konu tasɔnu a glayiayou sɔ valé galunaa sɔ nya, Wo faa a blabozan babanu kɛlɛfɛnu nya.

Jérémi 10:9 ပူးပေါင်းရင်းမြစ်များ

1 Minwiinzannu 10:22

Naa, minwiinzan lé Taasis ’yitagoro a wɛyi ta Iiram zé va; ’yitagoronu éé sié Taasis lɛɛ yaa gɔnɔ do, ’té kyan koo, gɔɔlifu koo, vwii suiɛ koo, palenu koo, pan‐ɔnnu koo, é a wo gi.

2 Minwiinmunu lé Wezuofe Sɛbɛ 9:21

Taasis lé ’yitagoronu a minwiinzan blɛn lee, ’wo valé Uram leezannu éé tawoo ékeva. ’Yitagoronu ’ko éé sié Taasis lɛɛ yaa gɔnɔ do, ’té woo dan kyan koo, gɔɔlifu koo, vwii suiɛnu koo, palenu koo, pan‐ɔnnu koo, wo nya.

Lɛrɛvɔ Sɛbɛ 115:4

Wozé miyilinu a gɔɔli valé kyan nya, Munu bɛ panyanama lé.

Lɛrɛvɔ Sɛbɛ 72:10

Taasis munu nwiinzan blɛnnu valé ’yiworonatɛrɛ nwiinzannu, wo dan vagɔɔli banwo lɛ a lɛ, Séba valé Saba munu nwiinzan blɛnnu wo dan blɛ kɛlɛ lɛ a lɛ.

Ézai 23:6

’Ka go Taasis; ’kaa wɛyi gɔlamunu, ’ka wuvɔ.

Ézai 40:19

Nyanamapazan ɛ miyili kɛla, Yé gɔɔlifu folizan éé kyan giéan a ma, Yé é a nyɔɔ gya gɔɔlifu gɔgɔbale kénénénu nya.

Ézékiɛl 27:12

Fɛ zinnu faa lé wo ke i lee kiɛre, wolé we ma lé Taasis munu éé yaawoo i va. Gɔɔli koo, foliɛwɔlɛ koo, tini koo, lɛe koo, wa ilé flɛ gi di.

Ézékiɛl 27:7

Éjipiti tɛrɛ la lɛnsɔnu lé wo pɛɛ gyɛ wo ta bɛ, ’Bɛ ɛ kɛlɛ ilé ’yitagoro lé sɔnu valé ilé sɔkɔnnu kɛlɛfɛnu nya; Sɔnu lé wa si wɛyi worona tɛrɛnu lé wa laama Élisa, a ta, ’té woo wo nyɔɔ gya glayivayou valé galunaa nya bɛ, Wo ɛ kɛlɛ ilé bato nyɛɛsɔnu nya.

Daniɛl 10:5

Maa yuɛ vɔ, maa a nagini, yé an mi do ye é dɔle, ’té lɛnsɔ a a ta, yé Ufaz kyan kyɛsidi a é dɔle a gyɛn.

OZÉ (Osée) 8:6

Diriné ’ko, é si Izraɛl; blabozan do ɛ a kɛlɛ, yé é ’ka Bale nya lo; bɛwemalé wo dan Samarinu lé diriné foto sɛrɛ lɛ.

Jonas 1:3

Yé Jonas nwa gole Taasis we ma, yɔɔle Gakelebale lee we gi. É go Jafo, yé é ’yitagoro do ye, ’té ’bɛ é go Taasis. É a banwo, yé é vɔ a gi, munu lé wa gona Taasis, wo va, yɔɔle Gakelebale lee we gi.

Abaku 2:19

Mi lé é a fé yili lɛ léé: ’I nwa, ’té éé a fé bobogyɛ gɔlɛ lɛ léé, ’i vuo bɛ, we tɔntɔn ’é kɛlɛ ’bɛzan lɛ ma. É dan we paa lɛ mi gii? Bé ye, a nyɔɔ a é gyɛle kyan valé gɔɔlifu nya, naa, léli lé é fɛ vo é yuɛma, ’bɛ ’ka a gi lo.