Jérémi 10:16 - Kazambale lé Sebe Sauunu 1979

¹⁶ Bale lé é ke Jakɔb zé nya, ’bɛ ’ka wozé zo lo; Naa, ’bɛ ɛ fɛnu faa kɛlɛ, Yé Izraɛl ɛ ke alé tɔnɔ nya; A tɔ lé lai sunyanu lé Gakelebale.

Jérémi 10:16 ပူးပေါင်းရင်းမြစ်များ

Lɛrɛvɔ Sɛbɛ 119:57

Oo Gakelebale, maa léé, anzé lé ke léé, Maa i dérenu lɛdɔma.

Lɛrɛvɔ Sɛbɛ 135:4

Naa, Gakelebale Jakɔb si a va É Izraɛl si a va a kɛlɛle ’ézé nya we gi.

Lɛrɛvɔ Sɛbɛ 142:5

’I yuɛ vɔ i bɛyilazia, yé bé nagini, Mi do ’ka an ma kunna yé lo, An yɔɔna ’ka é dɛrɛ lo, Mi do kpen ’ka gi bɔrɔan an boen ma lo.

Lɛrɛvɔ Sɛbɛ 33:6

Gakelebale dére lanu kɛlɛ, É lagi sunyanu faa kɛlɛ é ’léé fu nya.

Lɛrɛvɔ Sɛbɛ 73:26

Dé an bli ble an gi yé an kɔlɛ ’ka an ta é dɛrɛ lo, Bale é dan kɛlɛ lɛ gɔlɛgɔ nya an bli lɛ; é dan kɛlɛ lɛ anzé nya yifaama;

Lɛrɛvɔ Sɛbɛ 74:2

Ilé munu lé i wo si izé nya é vinin, ’Té i wo tabo é ziin ilé tɔnɔyéma bɛnnu nya bɛ, wo sele ’é dɔ i gi ana ma; Fɛ lé i ke é nyanale ana, Siɔn gɔblɛn nwiin bɛ, wo sele ’é dɔ i gi ana ma;

Fwile 19:5

Tɛrɛ faa a anzé nya, amalé sin, dé ka tɔné dɔ an dére lɛ, dé ka anlé gipawe tawe kɛlɛ, ka dan kɛlɛ lɛ anzé nya bɛnnu faa méléna;

Fwile 34:9

É léé: Mizan, dé maa i yuɛi bɔ, Mizan ’é tawo ko va ma, naa, munu ’ko a wemaplɛplɛzannu nya; weplenu valé wenyanénu lé ko kɛlɛ, ’i ko ma we vo yé ’i ko si izé nya.

Wegɔnévɔlenu 16:4

Gakelebale fɛnu faa kɛlɛ wean ma, é a dɔɔ; dé é a mi naané nyaoo, é ’bɛ kɛlɛ blikyɛdɔyi zé nya.

Ézai 19:25

Lai sunyanu lé Gakelebale é dan wo drɔɔ vo lɛ a fele nya léé: Anlé munu, Éjipiti munu, wo drɔɔ ’é vo ma; an panyanama, Asiri munu, wo drɔɔ ’é vo ma; anlé tɔnɔ, Izraɛl munu, wo drɔɔ ’é vo ma.

Ézai 45:7

Maa ɛ tu kinié yé maa ɛ gunu dɔraan; Maa ɛ mi vɔa a ma yé maa ɛ mi gya nyané nya; Maa Gakelebale, maa ɛ we ’konu faa kɛla.

Ézai 47:4

Ko tabozan a mi lé wa laama lai sunyanu lé Gakelebale, a nya. Izraɛl lé Mi Sauun lé.

Ézai 47:6

An bli fli anlé munu ma, Maa anlé tɔnɔfɛ kɛlɛ boafɛ nya, Yé maa wo pa i lee; I nyanai ’ka zén lɛ wo ta lo, I kɔné bɛnzan dɔ gɔné segele nwiin.

Ézai 51:15

Maa a Gakelebale, ilé Bale nya, Maa ɛ wɛyi nanoan yé wo vun éé wé. An tɔ lé lai sunyanu lé Gakelebale.

Ézai 54:5

I kɛlɛzan a i zana nya, azama. A tɔ lé, lai sunyanu lé Gakelebale; Izraɛl lé Mi Sauun a i tabozan nya; A tɔ lé, tɛrɛ faa la munu lé Bale;

Jérémi 10:12

É tɛrɛ kɛlɛ é bɛ plɛplɛ nya; Alé wedɔɔle nya lé é tɛrɛ gane vɔ, É lanu fwila élé gikini nya.

Jérémi 10:6

Bii Gakelebale, i danmafɛ do kpen ’ka lo; I a blɛn yé i tɔ a é bɔle ilé plɛplɛ ma.

Jérémi 31:35

Gakelebale lé, é yiri kɛlɛ yiéyi va‐kinifɛ nya, Yé é moné valé monénénu kɛlɛ léé, ’wo béli va kini bɛ, ’Té éé wɛyi nwaan yé ’té éé wɛyi nwalenu vun wé bɛ, Yee lé a tɔ ke lai sunyanu lé Gakelebale, é we fe.

Jérémi 32:18

I nyanai éé zén‐é fɔɔ mi kulu wuru é wuru ta, yé weplenu lé né tinu a kɛlɛ, bé ma we lɛdɔa wolé nénu gi. Bii ɛ ke Bale blɛn lé é ke plɛplɛ, a nya, ’té a tɔ ke lai sunyanu lé Gakelebale bɛ, a nya.

Jérémi 33:2

Gakelebale lé é we ’konu kɛla, é léma: Gakelebale lé éé wenu bɔrɔan é ’wuo gi, ’té éé wo kɛla, yee lé a tɔ ke Gakelebale bɛ, é léma:

Jérémi 46:18

Minwiinzan blɛn lé a tɔ ke lai sunyanu lé Gakelebale, é léma: Maa a é yuɛma! É dan da lɛ bélé Tabɔɔ gɔ lé ke gɔnu méléna, a zo, Bélé Kaamɛl gɔ lé é ke wɛyi sɔnɔ, a zo.

Jérémi 50:34

Naa, wo lɛgipazan a plɛplɛ; yee lé wa tɔ laama lai sunyanu lé Gakelebale. Naa, é dan dɔ lɛ wo zuo, léé, é flinle nɔ wo lɛ wolé tɛrɛ la, yé Babilɔn munu ma ’é nyɔɔn.

Jérémi 51:19

Bale lé é ke Jakɔb zé nya, ’bɛ ’ka wozé zo lo; Naa, ’bɛ ɛ fɛnu faa kɛlɛ, Yé Izraɛl lé ke alé tɔnɔ nya. A tɔ lé lai sunyanu lé Gakelebale.

Jérémi Lé Wuvɔ Sɛbɛ 3:24

An boen léé: Gakelebale a anlé tɔnɔ nya, Bɛwemalé maa a a va léé, an bli ’é vo a lɛ.

Amɔs 4:13

Naa, mi lé é gɔ blɛnnu kɛlɛ yé é fu kɛlɛ, Yé éé bɔn‐in bɔrɔmawe gɔɔn‐an blami lɛ, Yee lé éé tu kinile nɔlaan gunu nya, ’Té éé tawoo tɛrɛ la fɛna nwalenu na, yee lé ke bɛ; A tɔ lé Gakelebale, lai sunyanu lé Bale.

Zakari 2:12

Juda é dan kɛlɛ lɛ Gakelebale zé nya tɛrɛ sauun ta, yé é dan Jérusalɛm si lɛ a va ézé nya é ziin.

Bélidɔwesɛbɛ Fiézan 32:9

Naa, Gakelebale zé lé ke élé munu nya; Jakɔb ɛ ke azé tɔnɔ nya.