Jérémi 10:15 - Kazambale lé Sebe Sauunu 1979

¹⁵ Wa fɛnu lé wo ’ka we do nyian wo mi ma lo, wo nya; wa dabli panyanama nya; Dé we lɛdɔ mi gi yi bɔ, wozé é dan nyaa lɛ.

Jérémi 10:15 ပူးပေါင်းရင်းမြစ်များ

Lɛrɛvɔ Sɛbɛ 115:9

Izraɛl, ’ka pa Gakelebale ta. É a ka bɔavazan valé ka takuunzan nya.

Ézai 41:24

Ka ye, ka ’ka we do nya lo; Ka kɛlɛwe ’ka lo, Mi lé é ka si, é a bélé bo zo.

Ézai 41:29

Ka ye, wo faa a é boa, Wo kɛlɛwe ’ka lo, Wolé miyilinu a bélé fu zo é pla.

Ézai 57:12

Maa dan kalé we tegele zana dɔɔ lɛ, yé ka ’ka dan tɔnɔ ye lɛ ka kɛlɛwenu gi lo.

Jérémi 10:11

’Ka fe wo lɛ léma: Balenu lé wo ’ka lanu valé tɛrɛ kɛlɛ lɛ lo, Wo dan san lɛ tɛrɛ la, yé wo dan san lɛ lanu wuo.

Jérémi 10:8

Wo faa a ékeva tanyilazannu valé tavozannu nya; Wolé wedɔɔle a boawe nya, wa yili nya é pla.

Jérémi 14:22

Bɛnnu faa lé miyilinu vazan do éé lɛɛ daan? taa, La ɛ lɛɛ daan? Lɛɛdazan ’ka bii Gakelebale kolé Bale nya loo? Ko bli a bii ɛ lɛ, Naa, bii ɛ ke fɛnu ’ko faa kɛlɛzan nya.

Jérémi 18:15

Naa, alé munu gi éé saan an ma, woo lasikɔrɔpo kyɛ blé miyilinu lɛ, ’Té woo tawoo zi saanlenu ta, ’té woo sié zi kwanu ta, Yé woo goo zi bɛnu ta, zinu lé wo ’ka tegele lo, wo ta.

Jérémi 43:12

An dan kyɛ vɔ lɛ Éjipiti munu lé balenu lé kɔnnu va. Nébukanɛsaa é dan wo kyɛ ble lɛ, é dan go lɛ miyilinu nya é lee. É dan Éjipiti tɛrɛ zén lɛ é ta bélé ’blatabinzan lé varɔ zo yé é dan si lɛ ana drɔɔ.

Jérémi 50:2

’Ka a zuo fe bɛnnu méléna, ’ka a zana dɔɔ wo lɛ, ’ka drapo do nwa loru; ’Ka zana dɔɔ wo lɛ, té ka gɔ do kpen yɔɔ wo ma lo. ’Ka fe léma: Wo Babilɔn si, wolé bale Bɛl fuu si é ta. Wo wolé bale Mérodak sɛrɛ. Wolé miyilinu ’lɛ ’ka é dɛrɛ lo, wolé miyilinu yéli.

Jérémi 51:18

Wa fɛnu lé wo ’ka we do nyian wo mi ma lo, wo nya; wa dabli panyanama nya; Dé we lɛdɔ mi gi yi bɔ, wozé é dan nyaa lɛ.

Jérémi 8:12

Gakelebale léé: Yara é dan wo gyɛ lɛ, naa, wa bozowenu kɛlɛna. Yara ’ka wo gya lo, wo ’ka yaragyɛwe dɔɔa boenwo lo; amalé wo dan ga lɛ munu lé woo gaan, wo va, yé dé an we lɛdɔ wo gi bléyian va, wo guru é dan zana lɛ a gi.

Jérémi 8:19

Ka ye, anlé munu siaadérenu Zuo gi éé goo wele nya tɛrɛ baa la. Gakelebale ’ka Siɔn é dɛrɛ loo? A nwiinzan ’ka ana é dɛrɛ loo? Mɛmalé wo an bli fli wolé miyili nyaalenu Valé bɛnnu lé miyilinu nyaa?

OZÉ (Osée) 9:7

We lɛdɔ mi gi yi bɔ; we lɛgi pa mi ma yi bɔ; Izraɛlnu é dan go lɛ a gi dɔɔ lɛ. Balelayezan ’wuo sɛrɛ, yé mi lé Bale éé we fé a lɔlu nya, é dan gyɛ yiblawe fe lɛ; kalé weplenu valé ka nwale mi ma a blɛn, ’bɛzama.

Jonas 2:8

Bléyian va lé anboen fuu si é ta, Gakelebale sele dɔ an gi, Yé anlé bazoro dére go fɔɔ i va, Ilé kɔn sauun gi.

Zakari 13:2

Lai sunyanu lé Gakelebale léma: ’Bɛ yi la maa dan miyilinu tɔ yi ga lɛ tɛrɛ ’ko la, léé, té wo sele é dɔ mi gi é dɛrɛ lo. Balelayezannu koo, bli tiridɔlenu koo, maa dan wo si lɛ tɛrɛ ’ko ta.

Kelewenu 14:15

Éé, munu! Mɛmalé ka ke we ’ko zoɛ kɛlɛnaa? Ko é ziin, ko a blaminu nya bélé ka zo. Ko da wenéné ɛ fe lɛ ka lɛ. Ko da we pla lɛ ka lɛ léé, ’ka si fɛ pla ’konu zuo yé ’ka nɔla Bale yuɛmale va. ’Té la koo, tɛrɛ koo, wɛyi koo, fɛnu faa lé ke wo gi koo, é wo kɛlɛ bɛ, yee lé.

Bélidɔwesɛbɛ Fiézan 32:21

Wo anlé maawole nwa fɛnu lé wo ’ka bale nya lo, wo nya, Yé wo an bli fli wolé miyili planu nya; Yé maa, maa dan wolé maawole nwa lɛ, munu lé wo ’ka mi nya lo, wo nya, Yé maa dan wo bli fli lɛ, bɛn lé é ke ’tugyɛbɛn nya, a nya.

1 Samuɛl 12:21

té ka diéra lo; dé ’bɛ kaan lo ka dan go lɛ boafɛnu zuo, ’té wo tɔnɔ ’ka lo yé wo ’ka ka sié we gi lo; wa boafɛnu nya, azama.

1 Samuɛl 5:4

’Bɛ é tu kini é ziin wo nwa bladi tutu yé wo Dagɔn ye é diale é yara tɛrɛ va Gakelebale lé kɛsu ’lɛ; Dagɔn ’wuo valé a bɛnu yéli kɔnpa ta, yé a bolu saa ɛ vo.