Jérémi 10:10 - Kazambale lé Sebe Sauunu 1979

¹⁰ Naa, Gakelebale a Bale nya webozen nya; É a Bale yuɛmale valé minwiinzan lé, éé voo ana lɛɛfaama, ’Té a glɛ ’ka dɔa lo, a nya. Tɛrɛ ma éé nyɔɔn‐an alé bliflile we ma, Yé bɛnnu ’ka dɔa a wɛwɛ wuo lo.

Jérémi 10:10 ပူးပေါင်းရင်းမြစ်များ

Wepélisiananu 21:33

Abraam tamarisi yilinu suru Bɛɛ‐Sééba; yé Gakelebale lé ke lɛɛfaama Bale nya, Abraam a tɔ laa ’bɛna.

1 Minwiinzannu 18:39

Munu faa ’bɛ ye aan wo, wo dia ’wo bli la yé wo léé: Gakelebale ɛ ke Bale nya! Gakelebale ɛ ke Bale nya!

1 Minwiinzannu 8:60

tɛrɛ la bɛnnu faa lé a gi dɔɔle we gi léé, Gakelebale ɛ ke Bale nya, a bɛ ’ka lo.

Minwiinzannu lé Wezuofe Sɛbɛ 29:11

Gakelebale, fɛnu faa lé ke la gi valé fɛnu faa lé ke tɛrɛ la, wa izé nya, amalé kɛlɛle blɛn koo, plɛplɛ valé tɔ blɛn koo, vole é yuɛma lɛɛfaama valé fuasan koo, wo faa a bii ɛ zé nya; Gakelebale, bii a é nwale fɛnu faa ta loru i boan, amalé i plale mi nwiin yara lé.

2 Minwiinmunu lé Wezuofe Sɛbɛ 15:3

Lɛɛ kiɛre wuo, Bale boen ’ka ’kaa Izraɛlnu lee lo, ’té Balebanzan lé éé we paan munu gi, é ’ka ana lo, ’té bélidɔwe ’ka ka lee lo.

JOB (Job) 9:6

Éé tɛrɛ ma nyɔɔn‐an é pun ma, Yé a wɛyilinu éé zanaan a gi.

Lɛrɛvɔ Sɛbɛ 10:16

Gakelebale a minwiinzan nya yifaama, a glɛ ’ka lo, É bɛnnu nyaa élé tɛrɛ la,

Lɛrɛvɔ Sɛbɛ 100:3

Gakelebale ɛ ke Bale nya, ’ka we ’ko dɔɔ ma. Yee ɛ ko kɛlɛ, yé ko a azé nya; Ko a alé munu valé alé trubɛnu nya; éé ko tabin‐é.

Lɛrɛvɔ Sɛbɛ 100:5

Naa, Gakelebale a é zin; alé zin éé voo ana yifaama, É a yarapawelazan nya mi kulu é kulunu faa zé nya.

Lɛrɛvɔ Sɛbɛ 104:32

Dé é tɛrɛ nagini tɔɔn, ’té a ma a nyɔɔnna, Dé é bɛ mane gɔ blɛnnu ma tɔɔn, ’té kyɛgoi a bɔrɔana wo gi.

Lɛrɛvɔ Sɛbɛ 114:7

Tɛrɛoo, tɛrɛ, i ma ’é nyɔɔn Mizan ’lɛ ma. I ma ’é nyɔɔn Jakɔb lé Bale ’lɛ ma;

Lɛrɛvɔ Sɛbɛ 145:13

Ilé plale mi nwiin a lɛɛfaama we nya, a glɛ ’ka lo, Yé i lɛdɔmale ana yifaama.

Lɛrɛvɔ Sɛbɛ 146:6

Yee ɛ la valé tɛrɛ kɛlɛ, Wɛyi valé é vafɛnu faa koo, yee ɛ wo kɛlɛ. Éé yara paan we la yifaama.

Lɛrɛvɔ Sɛbɛ 18:7

Anlé kleblele gi an Gakelebale laa, Maa siaa anlé Bale lɛ; É a élé fuakɔn gi, ’té éé an dére maan, Yé an siaale bɔ a tɔné gi.

Lɛrɛvɔ Sɛbɛ 29:10

Lɛɛ blɛn dabléyi va, ’té Gakelebale a é nyanale élé webleblin ta; Gakelebale a é nyanale élé webleblin ta minwiinzan nya lɛɛfaama, a glɛ ’ka lo.

Lɛrɛvɔ Sɛbɛ 31:5

Séli lé wa vɔ an ’lɛ, i dan an so lɛ a gi, Naa, i a an takuunzan nya.

Lɛrɛvɔ Sɛbɛ 42:2

Fɛan zo lé vɔlɛ éé flin‐é ’yi lé éé yoroan, a minilɔrɔ nya, Oo Bale, a zo duo lé an boen éé flin‐é i yelɔrɔ nya.

Lɛrɛvɔ Sɛbɛ 68:11

Oo Bale, tɛrɛ lé bé ma’lɛrɛ ilé zin nya wenaané bɔmazannu zé nya, Ilé munu wo nyanana kɛlɛ a ta.

Lɛrɛvɔ Sɛbɛ 68:8

Oo Bale, dé i dɔ ilé munu ’lɛ, Yé i tawo nyéné saa lé fɛna, ka ye do,

Lɛrɛvɔ Sɛbɛ 74:12

Bale a an nwiinzan blɛn nya é li é kwakwa, Yee ɛ mi sié we gi tɛrɛ la.

Lɛrɛvɔ Sɛbɛ 76:7

Jakɔb lé Bale bon‐ɛn la wo nya tɔɔn, Wisoonu valé wo tazannu, yi go wo nya baa.

Lɛrɛvɔ Sɛbɛ 76:8

Oo bii, i kana zén‐é mi gi. Dé i bli fli, de ɛ bɔa dɔle lɛ i ’lɛɛ?

Lɛrɛvɔ Sɛbɛ 77:18

Latinu lɛɛ da fɔɔ yé wo bua soowɔla, Zagele banle zuogi éé goo wele nya latinu ta, Yé ile sawɔlɛnu si fɛfaana.

Lɛrɛvɔ Sɛbɛ 84:2

Lai sunyanu lé Gakelebale, I nyanananu a é zima ’lɛ.

Lɛrɛvɔ Sɛbɛ 9:8

Gakelebale a é plale mi nwiin yifaama, É ’élé webleblin dɔraan munu lé weblele we ma.

Lɛrɛvɔ Sɛbɛ 90:11

De ɛ ilé bliflile lé plɛplɛ dɔɔ? Yé de ɛ i bli tɔntɔn yé kanamawe nyaa?

Lɛrɛvɔ Sɛbɛ 90:2

Gɔblɛnnu bɔrale ’lɛ, ’Té i ’ka tan tɛrɛ valé é tafɛnu kɛlɛ lɛ lo, Lɛɛfaama a glɛ ’ka lo, ’té bii a Bale nya.

Lɛrɛvɔ Sɛbɛ 93:2

Ilé webleblin a é dɔle gligli é kyɛn; I pélisiana ’ka lo, i ana yifaama.

Lɛrɛvɔ Sɛbɛ 97:4

Alé lɛɛ yuɛwuovɔlenu éé tɛrɛ va kinié. Tɛrɛ ’bɛ ye tɔɔn, gligli zén a gi;

Ézai 37:17

Gakelebale, ’i an ban i tɔné nya, yé ’i tɔné dɔ an lɛ. Gakelebale, ’i yuɛ fuo yé bé nagini. Sansérib lé é Rabasaké nwunvɔ Bale yuɛmale sɔnɔle we gi, bé dére faa ’ma ma.

Ézai 37:4

Dérenu lé Rabasaké a fe, ’té azan, Asiri munu nwiinzan a nwunvɔ Bale yuɛmale sɔnɔle we gi bɛ, dé Gakelebale, ilé Bale a ’maa? Dé Gakelebale ilé Bale é dan we lɛdɔ lɛ wo gi, dérenu lé é a ’ma, wo we maa? Bɛwemalé, ko pɔné kiéné lé ko vo ’ko, ’i bazoro ko tɔ ma.

Ézai 40:15

Ka ye, bɛnnu faa a bélé ’yi toole do do zo, Wa bélé vungoi zo kiloné ta. ’Yiworona tɛrɛnu a bélé vungoi lé fu a sian, a zo.

Ézai 40:28

I ’ka a gi dɔɔa loo? I ’ka a gi ’ma lɛ loo? Bale lé ke ana lɛɛfaama, Gakelebale, Yee ɛ fɛnu faa kɛlɛ fɔɔ tɛrɛ glɛ sina; A wɔlɛi ’ka nyaan a ma lo, yé koi ’ka a gya lo; Wo ’ka a gikinile gi maan lo.

Ézai 57:15

Loruzan lé a nyanana ke ana lɛɛfaama, ’té a tɔ ke sauun, é léma: An nyanaan fɛna lorunu na, fɛna sauun na, naa, an nyanaan é ziin, mi lé a bli kyɛ ke é dɔle, ’té ébo kɛlɛ kiéné, a va, léé, maa fuu dɔ bokiénézan ta, yé maa blikyɛdɔzan tɔrɔ paa.

Ézai 65:16

Mi lé é sɔ a lɛ léé, ’é drɔɔ ’é vo tɛrɛ ’ko la, é dan sɔ lɛ a lɛ léé, Webozen Bale ɛ ’é drɔɔ vo; dé mian é dan bale ’nyɔɔn lɛ tɛrɛ ’ko la, é dan Webozen Bale ’nyɔɔn lɛ; naa, kle kyɛn lé ka ble bɛ, ka gi é dan san lɛ ’bɛ ma, ’té wo ta saan an yuɛ gi.

Jérémi 23:36

Naa, té ka fe é dɛrɛ léé, Gakelebale lé wevɔmilɛdére, lo. Naa, dé mian é a fe a zo, Bale é dan we gɔɔn lɛ ’bɛzan lɛ. Ka Bale yuɛmale, lai sunyanu lé Gakelebale, kolé Bale dére plɛn‐an.

Jérémi 4:2

Dé ka bale ’nyɔɔn léé, Gakelebale a é yuɛma, dé ka a ’nyɔɔn webozen koo, wedrɔle koo, we tegele koo, wo nya, ’té bɛnnu drɔɔ é dan vo lɛ Bale gi, ’té wo dan ’wo tɔ bɔ lɛ a gi.

Jérémi 4:24

Maa gɔblɛnnu nagini, yé wo ma nyɔɔn, Yé gɔpanénu faa ma nyɔɔn.

Jérémi 50:46

Vun lé é we Babilɔn sile we ma, é tɛrɛ ma nyɔɔn, yé wo wo siaale ’ma bɛnnu méléna.

Jérémi 51:29

Tɛrɛ ma nyɔɔn; gligli zén a gi, naa, Gakelebale bligiwe lɛ sɔɔ Babilɔn ma. É dan Babilɔn tɛrɛ kɛlɛ lɛ bwi nya, ’té mi do kpen ’ka dan kɛlɛ lɛ ana lo.

Daniɛl 4:3

Alé tɔmase ’konu a blɛɛn! Yé alé we blɛɛnnu ’ko a plɛplɛ! Munu éé plaan a wuo lɛɛfaama, a glɛ ’ka dɔa lo, yé alé plale mi nwiin éé voo ana mi kulu é kulu zé nya.

Daniɛl 4:34

Bléyi lé wa dɔ, a bɔle zuo, maa Nébukanɛsaa an yara nwa lagizia, yé an ’wuo dɔ an ta é ziin. Yé an Loruzan drɔɔ vo; mi lé é ke é yuɛma lɛɛfaama a glɛ ’ka lo, mi lé a plale mi nwiin glɛ ’ka lo, yé mi kulu é kulu faa éé plaan a wuo, maa a tɔ zin fe yé maa a tɔ nwa.

Daniɛl 6:26

Maa munu béli dɔ anlé tɛrɛ faa la léé, munu ’é kana Daniɛl lé Bale lee, yé di blɛn ’é kini wo gi alé we ma. Naa, yee ɛ ke Bale yuɛmale nya, yé éé voo ana lɛɛfaama, a glɛ ’ka lo. Alé plale mi nwiin ’ka sɛra lo, yé é dan vo lɛ mi nwiin fɔɔ yé é bɔ a ’wuo plana.

Daniɛl 6:27

Yee ɛ mi soo we lee, yé éé mi sié we gi. Yee ɛ tɔmasenu valé we blɛnnu kɛla la gi valé tɛrɛ la. Yee ɛ Daniɛl so golizranu lé plɛplɛ lee.

Daniɛl 7:14

Kɛlɛle minwiinzan nya koo, fuablele koo, plale mi nwiin koo, wa se kɛlɛ a lɛ, yé migɔnɔ faa koo, bɛnnu koo, dére faa do do vɔmunu koo, wa bɔ. Alé plale mi nwiin a plale mi nwiin lé a glɛ ’ka lo, ’té é ’ka giéan lo, a nya, yé a plale mi nwiin ’ka nyaan monomono lo.

Joɛl 2:11

Gakelebale éé dére fé élé sunyanu lɛ, Naa, wo nyanana a blɛɛn. Mian éé a dére tawe kɛla, ’bɛzan a plɛplɛ; Naa, Gakelebale lé yi a blɛɛn; éé di kinié mi gi. De ɛ bɔa dɔle lɛ ’bɛ yi laa?

Misé 1:4

Gɔnu ’yi a bona a wuo, ’Té gɔ woronanu lɛ éé soo a wuo, Bélé kyɛ éé wele ’yiboo fɛan zo, a zo, Bélé ’yi éé yoroan gɔ zunna fɛan zo, a zo.

Naum 1:5

Gɔnu ma éé nyɔɔn‐an a ’lɛ, Gɔpanénu ’yi éé boo, Tɛrɛ éé wuo vɔa a yuɛ va, Tɛrɛ valé é ta munu nya.

Naum 1:6

De ɛ dan dɔ lɛ a wɛwɛ dɔle ’lɛɛ? De ɛ dan dɔ lɛ alé bliflile blɛn maa? A wɛwɛ éé sɔɔlaan bélé kyɛ zo, Yé gɔlɛgɔnu éé ’wiié a ’lɛ.

Abaku 3:10

Gɔnu a ye tɔɔn, yé wo ma nyɔɔn; ’Yiyoro plɛplɛnu éé goo vlan; Guru blɛn lé a wɔlɛ ma nyaana ’ka lo, a gi éé wé, Éé bɛnu nwaan loru.

Abaku 3:6

Éé dɔa; yé éé tɛrɛ daan é yuɛ nya, Éé bɛngɔnɔnu naginian, yé wo ma éé nyɔɔn‐an. Gɔnu lé wo lɛɛ ’ka lɛɛ va lo, woo ’wiié, Gɔpanénu lé wo namɔn, wo ta éé zanaan; Vinin la zinu éé plaan a ’lɛ.

Malasi 3:2

A dayi nya ’naan, de ɛ dan dɔ lɛ a wuoo? Dé é da, de ɛ dan vo lɛ loru é dɔlee? Naa, é dan kɛlɛ lɛ bélé kyan selekyɛ zo, bélé sɔgibɔzan lé sabli kɛlɛ gwɛn zo.

Matio 16:16

Simɔn Piɛri a zi pa léé: Bii a Krist lé é ke Bale yuɛmale Be nya, a nya.

Matio 26:63

Naa, Jézu vo é tadɔle. Balebanmunu ’lɛzan lé a lɛ léé: Maa lé i lɛ Bale yuɛmalé tɔ gi léé, dé bii ɛ ke Kazambale Be Krist nya, ’bé fe ko lɛ.

WENÉNÉ LE JAN A GYE (Évangile selon Jean) 17:3

Bii lé i ke Bale nya i do kpen, dé mi i dɔɔ, yé maa Jézu Krist lé i an pa zia, dé mi an dɔɔ, yee ɛ ke vole é yuɛma lé a glɛ ’ka lo, a nya.

Kelewenu 14:15

Éé, munu! Mɛmalé ka ke we ’ko zoɛ kɛlɛnaa? Ko é ziin, ko a blaminu nya bélé ka zo. Ko da wenéné ɛ fe lɛ ka lɛ. Ko da we pla lɛ ka lɛ léé, ’ka si fɛ pla ’konu zuo yé ’ka nɔla Bale yuɛmale va. ’Té la koo, tɛrɛ koo, wɛyi koo, fɛnu faa lé ke wo gi koo, é wo kɛlɛ bɛ, yee lé.

Bélidɔwesɛbɛ Fiézan 32:4

É a bélé gɔlɛ zo; gun ’ka a kɛlɛwenu ma lo, Alé tawobɛ faa a tegele, azama; É a Bale lé éé yara paan we la, ’té weple ’ka a gi lo, a nya. É a tegele, é a é drɔle.

Bélidɔwesɛbɛ Fiézan 5:26

Naa, mi kyɛn ɛ Bale yuɛmale dére ’ma wefena kyɛ méléna, fɛan zo lé ’wa ’ma, a zo, yé azan vo é yuɛmaa?

1 Tɛsalɔnik munu 1:9

’Bɛna munu a ka tawe fena léé, ko go ka va yé ka ko si é zima yé ka nɔla Kazambale va yé ka sɔn vɔ miyilinu ma, Bale yuɛmale lé é ke Bale bozen nya, a bɔle we gi.

1 Timoté 1:17

’Mi lé é ke minwiinzan nya lɛɛfaama, ’té é ’ka gaan lilo, ’té wo ’ka a yé lo, ’té yee do kpen ɛ ke Kazambale nya, ’wa tɔ bɔ yé ’wo fua nɔ a lɛ lɛɛfaama, té a glɛ é dɔ lo. Amɛɛn.

1 Timoté 6:17

Munu lé tɛrɛ ’ko la fɛnu ke wo lee, ’i we pla wo lɛ léé, té wo kɛlɛ boblɛnzannu nya lo, yé fuafɛnu lé woo giéan, té wo bli é vo ’bɛnu lɛ lo, naa, Kazambale lé éé fɛnu faa no kaa lɛ di, ’té kaa gi éé nanaan ’bɛnu lé we ma bɛ, wo bli ’é vo ’bɛ ɛ lɛ.

Ébrunu 10:31

Vɔle Bale yuɛmale lee a we tɔntɔn kaii nya.

Jozué 3:10

Jozué léma: Bale yuɛmale a ka méléna, yé Kanaannu koo, Étinu koo, Éévinu koo, Férézinu koo, Giigazinu koo, Amorénu koo, Jébusinu koo, é dan wo bin lɛ ka ’lɛ; ka dan ’bɛ gi dɔɔ lɛ ’ko zo:

1 Jan 5:20

Kaa a gi dɔɔ é ziin léé, Kazambale Be da yé é kaa bɔn‐in kini kaa ma, Bale lé ke webozen nya, a dɔɔle we gi; yé kaa a Kazambale Be Jézu Krist gi, bɛwemalé kaa a Kazambale bozen gi. Jézu ɛ ke Bale bozen nya, é valé vole é yuɛma lé a glɛ ’ka lo, a nya.

Wegɔɔnle 20:11

A zuo maa webleblin fu blɛn valé étazan ye. Tɛrɛ valé la fwi a lee baa, yé wo dɔna ’ka é dɛrɛ lo.

Weblezannu 5:4

Oo, Gakelebale, dé i si Séii, Dé i bɔra Édom lé féinu la, Tɛrɛ ma nyɔɔn, yé lanu ’yibo, Yé latinu ’yibo ’yi nya.

1 Samuɛl 17:26

David lé é sɔnɔ munu lɛ léé: Mi lé é Filisiti mi ’ko gyɛ yé é yaragyɛwe si Izraɛl nwiin, wo dan a kɛlɛ lɛ kaa ’bɛzan lɛɛ? Filisiti mi ’ko, ganedɔlozan, de ɛ ke a nya yé é Bale yuɛmale lé sunyanu sɔnɔaan?

1 Samuɛl 17:36

’Bɛ zo lé i wuozan golizra valé urisi gyɛ yé Filisiti mi ’ko, ganedɔlozan ’ko, azé é dan kɛlɛ lɛ ’bɛ zo; é Bale yuɛmale lé sunyanu sɔnɔ, azama.