Jérémi 1:9 - Kazambale lé Sebe Sauunu 1979

⁹ Yé Gakelebale é bɛ soi, yé é bɛ mane an lɔlu ma. Yé é lé an lɛ léé: Bé ye, maa an dérenu pa i ’léé.

Jérémi 1:9 ပူးပေါင်းရင်းမြစ်များ

Ézai 49:2

É an ’léé kɛlɛ gwɔun ’lɛzan zo, É bɛ furɔ zén an ta; É an kɛlɛ sawɔlɛ ’lɛmabole nya Yé é an yɔɔ élé sawɔlɛ paagifɛ gi.

Ézai 50:4

Mizan Gakelebale é dére néné nɔ an lɛ, léé, Mi lé a fuu si a ta, an bɔ a va an dére nya; Éé an tɔné lɛ soo bladi faa do do ma, Léé, maa tɔné dɔ we lɛ bélé mizuo?-?zan zo.

Ézai 51:16

Maa an dérenu paan i ’léé, Maa i tabuaan an bɛ furɔ nya. Maa ɛ lanu fwila yé maa ɛ tɛrɛ kɛlɛ, Yé maa ɛ fe Siɔn munu lɛ léé: Ka a anlé munu nya.

Ézai 59:21

Gakelebale léé: An dan gi pa lɛ wo va ’ko zo: An Léli lé ke ka ta, ’bɛ valé an dére lé maa pa ka ’léé, wo ’ka dan si lɛ ka ’léé lo, wo ’ka dan si lɛ kalé nénu ’léé lo, wo ’ka dan si lɛ ka nénénu ’léé lo; é sia bléyi ’ko va, fɔɔ a glɛ ’ka lo. Gakelebale ɛ fe.

Jérémi 15:19

Amalé Gakelebale léma: Dé i bu vɔ an ma é ziin, maa dan a zi pa lɛ, yé i dan dɔ lɛ an ’lɛ; dé i fɛwezannu sié fɛ naanénu va, i dan kɛlɛ lɛ bélé an ’léé zo; é a lé munu é da i va é ziin, é ’ka lé bii é nɔla wo va é ziin lo.

Jérémi 34:6

Balelayezan Jérémi dére ’konu faa fe Juda nwiinzan blɛn Sédésias lɛ Jérusalɛm.

Jérémi 36:2

’I sɛbɛ si, yé we faa lé maa a fe i lɛ Izraɛl munu koo, Juda munu koo, bɛnnu faa koo, wolé we ma, a péli sia yian nya lé an we fe i lɛ Jozias bléyi va fɔɔ kyɔ, ’i wo faa gyɛ yee sɛbɛ ta.

Jérémi 5:14

Amalé Gakelebale, lai sunyanu lé Bale, léma: Naa, ka we ’ko fe, amalé é sɔ an lɛ léé, an dére ’é kɛlɛ bii Jérémi ’léé kyɛ nya, yé munu ’ko ’é kɛlɛ yili gale nya, yé kyɛ ’é wo ble.

Ézékiɛl 3:10

É lé an lɛ léé: Blami be, dérenu faa lé maa dan wo fe lɛ i lɛ, bé ’ma ma, ’é vo i bli gi ma.

Daniɛl 10:10

Yé bɛ do mane an ma, yé é an powuonu valé an bɛnu nyɔɔn.

Daniɛl 10:16

Yé bé ye, mi do lé é ke bélé blaminu zo, é mane an lɔlu ma. An ’léé fuo yé mi lé é ke é dɔle an ’lɛ bɛ, maa lé a lɛ léé: Anzan, yuɛziwe ’ko é an gi nyɛ blɛn kini yé anlé plɛplɛ faa si an lee.

Mi Nɔnɔle 23:5

Gakelebale dére pa Balaam ’léé, yé é léé: ’I go Balak va, yé i dére ’ko fe a lɛ.

Matio 10:19

Naa, dé wo ka kun, kalé wefebɛ valé dérenu lé ka dan wo fe lɛ, té ka wo gi bɔrɔ pa lo; wean é a lé ka a fe, é dan dɔ lɛ ka gi ’bɛ bléyi va;

Maak 7:33

Yé Jézu a si mi gu va é yɛrama yé é bɛnwɔlɛ wɔra a tɔné gi, yé é ’léli mane a nɛnɛ ma.

WENÉNÉ LÉ LUK A GYE (Évangile selon Luc) 12:12

We lé é a lé ka a fe, Léli Sauun ɛ dan a pa lɛ ka ’léé ’bɛ bléyi va.

WENÉNÉ LÉ LUK A GYE (Évangile selon Luc) 21:15

naa, dére valé wedɔɔle lé ka nyanézannu ’ka bɔa dɔle lɛ a ma plɛplɛ lo, yé wo ’ka bɔa a nɔlale lɛ lo, maa dan wo nɔ lɛ ka lɛ.

Bélidɔwesɛbɛ Fiézan 18:16

Yian nya lé ka zén ékeva Orɛb gɔ ma, ka léé, té ’wo Gakelebale, ’wolé Bale dére ’ma lo, té ’wo kyɛ blɛn ’ko ye é dɛrɛ lo, dé ’wo da ga. Yee balelayezan ’ko, é dan ’bɛ we lɛ sɔɔ lɛ.

Bélidɔwesɛbɛ Fiézan 18:17

’Bɛ yi la bɛ, Gakelebale lé an lɛ léé, we lé wa fe, é a é zima.

Bélidɔwesɛbɛ Fiézan 18:18

É léé, ’é dan balelayezan do nwa lɛ ka lɛ ka bwenu méléna bélé maa zo, ’é dan ’é dére pa lɛ ’bɛ ’léé, yé we faa lé ’é a fé ’bɛ lɛ, ’bɛ é dan a fe lɛ ka lɛ.