Jérémi 1:18 - Kazambale lé Sebe Sauunu 1979

¹⁸ Bé ye, kyɔ maa i dɔ nyanazan nya bélé kɔn wɛyili lé ke foliɛwɔlɛ nya, a zo, bélé kɔnguru lé ke zéné nya, a zo, Juda munu nwiinzan blɛnnu koo, wolé minwiinzannu koo, wolé Balebanzannu koo, tɛrɛ ’ko lamunu faa koo, wo lɛ.

Jérémi 1:18 ပူးပေါင်းရင်းမြစ်များ

Ézai 50:7

Naa, Mizan Gakelebale bɔ an va; Amalé an tɔ ’ka dan sɛrɛ lɛ lilo, Amalé an yara kɛlɛ plɛplɛ, Maa gi dɔɔ léé, an gi ’ka dan blin lɛ an ma lo, azama.

Jérémi 1:17

Yé bii, ’i nwa, ’i kyɛsidi dɔ i gyɛn, yé we faa lé maa dan a fe lɛ i lɛ bɛ, bé fe wo lɛ. Té gligli é zén i gi wo ’lɛ lo, dé maa ɛ da gligli zén i gi wo ’lɛ.

Jérémi 1:19

Wo dan guli dan lɛ i va, yé wo ’ka dan i kele lɛ lo. Naa, maa a i va, i ta béli dɔle we ma. Maa Gakelebale ɛ ke a fena.

Jérémi 15:10

An buoo, i an yaa wenaanébɔmazan nya. Maa ɛ ta lé zavɔle valé wesiale ke tɛrɛ faa la. Maa ’ka vɛɛn sié lo, maa ’ka drɔn paan lo, naa, duowo, munu faa éé bale paan an ma.

Jérémi 15:20

Maa dan i kɛlɛ lɛ munu ’ko va bélé kɔnguru plɛplɛ lé wa dɔ zéné nya, a zo; wo dan guli dan lɛ i va, naa, wo ’ka dan i kele lɛ lo; naa, an dan kɛlɛ lɛ i va, i bélile valé i sile we gi we ma. Maa dan i si lɛ mi nyanénu lee, maa dan i si lɛ glawe kɛlɛzannu lee. Maa, Gakelebale ɛ ke a fena.

Jérémi 20:11

Naa, Gakelebale a an va bélé nyanazan plɛplɛ zo, Amalé nyanépaantazannu é dan dia lɛ; wo ’ka dan an kun lɛ lo. Wolé we ’ka dan vɔ lɛ a ma lo, amalé yara é dan wo gyɛ lɛ. É dan kɛlɛ lɛ yaragyɛwe lé a glɛ ’ka lo, ’té munu gi ’ka dan san lɛ a ma lo, a nya.

Jérémi 21:4

Izraɛl lé Bale, Gakelebale léma: Ka ye, Babilɔn nwiinzan blɛn valé Kaldé munu lé wo ke kalé fla mabɛnna bɛ, gulidanfɛnu lé ke ka lee, ’té ka guli daan wo va a nya flagɔrɔ zi bɛ, ka dan da lɛ wo nya fla é ziin, yé maa dan wo téé lɛ ékeva fla ’ko méléna.

Jérémi 26:24

Naa, Safan be Asikam bɔ Jérémi va, yé é a ta béli dɔ léé, té wa pa munu lee, wolé a gyɛle we ma lo.

Jérémi 34:3

Yé bii, wo dan i kun lɛ, yé wo dan i pa lɛ Babilɔn nwiinzan blɛn lee, i ’ka dan so lɛ a lee lo; ka dan ka ke ye lɛ a nya yé ka dan we fe lɛ ka ke yara a nya, yé é dan go lɛ i nya Babilɔn.

Jérémi 37:7

Gakelebale, Izraɛl lé Bale léma: ’Ka fe Juda nwiinzan blɛn lé é ka nwunvɔ an va ’ko, a lɛ léé: Bé ye, Faraɔn lé sunyanu lé wo ke dana bɔna ka va bɛ, wo dan nɔla lɛ wo pa gi Éjipiti tɛrɛ la;

Jérémi 38:18

Naa, dé i ’ka go ibo nya Babilɔn nwiinzan blɛn lé zilɛzannu lɛ lo, maa dan fla ’ko pa lɛ Kaldé munu lee, yé wo dan a kyɛ ble lɛ, yé bii, i ’ka dan so lɛ wo lee lo.

Jérémi 38:2

Gakelebale léma: Mian é vo fla ’ko ta, é dan ga lɛ, dé gwɔun léé, dé lɔrɔ léé, dé bawurumagyɛ léé, a nya; naa, mian é dan si lɛ ana yé é go Kaldé munu va, é dan so lɛ we lee, é dan vo lɛ é yuɛma, é dan béli lɛ.

Jérémi 42:22

Sin, ’ka we ’ko dɔɔ ma: Ka dan ga lɛ, dé gwɔun léé, dé lɔrɔ léé, dé bawurumagyɛ léé, a nya, tɛrɛ lé é sɔ ka lɛ léé, ’wo go nyana lɛ ana bɛ, a ta.

Jérémi 6:27

Maa i dɔ ilé munu méléna bélé foliɛwɔlɛ gidanzan zo, bélé guliyɔɔkɔn plɛplɛ zo, léé, ’i wolé tawobɛ dɔɔ yé bé gi dan.

WENÉNÉ LE JAN A GYE (Évangile selon Jean) 1:42

Yé é go ’bɛ nya Jézu va. Jézu ’bɛ nagini yé é léé: Bii a Jonas be Simɔn nya; wo dan i laa lɛ Séfa, ’bɛ gi léé, Piɛri. A gi léé é ziin, gɔlɛ.

Wegɔɔnle 3:12

Mian we ’ko ’wuo vo a lɛ, maa dan a kɛlɛ lɛ kɔn wɛyili nya anlé Bale lé kɔn blɛn gi, yé é ’ka dan bɔra lɛ ’bɛ gi é dɛrɛ lo; anlé Bale tɔ koo, anlé Bale lé fla lé é ke Jérusalɛm dɛrɛ lé é dan si lɛ la gi anlé Bale va yé é zun, a tɔ koo, an tɔ dɛrɛ koo, maa dan wo gyɛ lɛ a ta.