Jérémi 1:15 - Kazambale lé Sebe Sauunu 1979

¹⁵ Gakelebale léé: Naa, bé ye, maa dan yirinwana bɛbolazia bɛntɛrɛ faa laa lɛ; wo dan da lɛ yé wo dan wolé webleblinnu dɔra lɛ Jérusalɛm gɔrɔ ’léénu na; wo dan wo dɔra lɛ a gɔrɔ zi fɛfaana, yee valé Juda lé fla faa la. Maa Gakelebale ɛ ke a fena.

Jérémi 1:15 ပူးပေါင်းရင်းမြစ်များ

Ézai 22:7

Kalé pɛnguru zinnu fan gulidangoronu nya yé vɔwisootazannu dɔ guli bale ta ilé flagɔrɔ ’léé.

Jérémi 10:22

Ka ye, ko a ’ma léé, wa fena léé, Fla bɔgyɛwe a sina yirinwana bɛbolazia, Yé é Juda tɛrɛ la flanu kɛlɛ é ’bin nya, Yé é wo kɛlɛ gwenu yiɛna nya.

Jérémi 10:25

’I wɛwɛ dɔ bɛnnu lé wo ’ka i dɔɔa lo, wo ma, Yé munu lé wo ’ka i tɔ laan lo, ’i wɛwɛ dɔ wo ma. Naa, wa Jakɔb kulu gana, kulu ganaoo, wa kulu gana! Wa a nyanana sɛrɛna.

Jérémi 13:20

’I yara nwa, yé munu lé wa sina yirinwana bɛbolazia, ’i wo nagini. Trubɛnu lé wa nɔ i lɛ, ’té wo ke ilé fua tɔbɔ trubɛnu nya bɛ, wa kyɛɛn?

Jérémi 25:28

Yé dé wa fe léé, kana lé é ke i lee, ko ’ka a sina lo, bé fe wo lɛ léma: Lai sunyanu lé Gakelebale léma: ’Ka si, ’ka mini.

Jérémi 25:9

amalé Gakelebale léma: Munu faa lé wo ke yirinwana bɛbolazia, an dan munu nwunvɔ lɛ wo laana, léé, ’wo da. Maa dan mi nwunvɔ lɛ an wuozan Babilɔn nwiinzan blɛn Nébukanɛsaa va, yé maa dan da lɛ a nya léé, ’é nwa tɛrɛ ’ko koo, a tamunu koo, wo zi bɛnnu faa koo, wo ma, wo kulu gale we ma, yé wo wolé fla kɛlɛ é ’bin nya, wenanamafɛ nya, yé é dan vo lɛ é pla lɛɛfaama.

Jérémi 33:10

Gakelebale léma: Ka fe fɛkona ma léé, é a bwi nya yé mi do kpen ’ka ana lo, yé wi do kpen ’ka ana lo, ’bɛ a weboen nya, naa, Juda tɛrɛla flanu valé Jérusalɛm zinu lé wo ke é sɛrɛle tata, ’té mi ’ka ana lo, ’té munu ’ka nyanaan ana lo, ’té winu ’ka ana lo bɛ,

Jérémi 34:1

Bléyian va lé Babilɔn nwiinzan blɛn Nébukanɛsaa valé alé sunyanu faa koo, bɛntɛrɛnu lé wo ke é plale a wuo koo, munu faa koo, ’té woo guli daan Jérusalɛm valé é zi flanu va bɛ, ’bɛ bléyi va Gakelebale we fe Jérémi lɛ yé é léma:

Jérémi 34:22

Gakelebale léé: Ka ye, maa dan we fe lɛ yé maa dan da lɛ wo nya fla ’ko ma, yé wo dan guli dan lɛ a va; wo dan a si lɛ yé wo dan a kyɛ ble lɛ. Yé maa dan Juda tɛrɛla flanu kɛlɛ lɛ bwi lé mi do ’kpen ’ka nyanaan ana lo, a nya.

Jérémi 4:16

’Ka a fe bɛngɔnɔnu lɛ, yé ’ka a gi bɔra Jérusalɛm munu lɛ léé: Plaminwiinzannu si tɛrɛ baa do la; wo siaa guli?-?dére nya Juda tɛrɛ la flanu ma.

Jérémi 4:6

’Ka drapo do dun Siɔn vazia, ’Ka vɔ fli gi, té ka dɔ lo. Naa, an dan we tɔntɔn valé dunuzénmita we si lɛ Yirinwana bɛbolazia, yé wo da.

Jérémi 43:10

Yé bé fe Juifinu lɛ léé: Lai sunyanu lé Gakelebale, Izraɛl lé Bale léma: Ka ye, maa dan mi pa lɛ zia an wuozan Babilɔn nwiinzan blɛn Nébukanɛsaa laana, yé maa dan alé plaminwiin blin dɔra lɛ gɔlɛnu lé maa wo yɔɔ bɛ, wo ta, yé é dan é ganedɔrala tapi fwila lɛ wo ta.

Jérémi 44:6

An bli fli yé an wɛwɛ nwa yé wo Juda flanu valé Jérusalɛm kyɛ ble, yé wo kɛlɛ é ’bin valé bwi nya, ka a ye kyɔ fɛan zo, a zo.

Jérémi 46:24

Yaragyɛwe bɔ Éjipiti munu ma. Wo wo pa yirinwana bɛbolazia munu lee.

Jérémi 5:15

Gakelebale léé: Ka lé, ka ke Izraɛl munu nya, maa dan bɛn baa do nwa lɛ ka ma, yé wo dan guli dan lɛ ka va; wa bɛn plɛplɛ nya, bɛn namɔnle nya; bɛn lé ka ’ka wo dére dɔɔa lo, yé ka ’ka dan wo dére gi ’ma lɛ lo, woo lé.

Jérémi 6:22

Gakelebale léma: Ka ye, bɛn do a sina yirinwana bɛbolazia tɛrɛ do la; bɛn blɛn do a nwana tɛrɛ glɛ sina.

Jérémi 9:11

Maa dan Jérusalɛm kɛlɛ lɛ é ’bin nya, gwenu yiina nya, Yé maa dan Juda tɛrɛ la flanu kɛlɛ lɛ bwi nya, ’té mi do kpen ’ka ana lo.

Jérémi Lé Wuvɔ Sɛbɛ 5:11

Ko nyanézannu zɔwɛ gyɛ Siɔn lomu ta; Wo blɛnnu sɛrɛ Juda flanu ta.

Ézékiɛl 32:30

Ana lé yirinwana bɛbolazia mi blɛnnu faa ke, é valé Sidɔn munu faa nya; wo go gamunu va; wolé plɛplɛ éé di kinié munu gi, naa, duowo, yara wo gyɛ. Woo ganedɔlomunu ’ko, wo galenu yia munu lé wo wo gyɛ gwɔun nya, wo va, yé wo go ’wolé yaragyɛwenu nya wo lee, munu lé wo go guruwɔlɛ ma, wo va.

Joɛl 2:20

Ka nyanézan lé éé sié yirinwana bɛbolazia, maa dan a bin lɛ ka ma baa, Maa dan a bin lɛ yé é go tɛrɛ lé a nyɔnɔ ’ka lo, ’té mi do kpen ’ka ana lo, ana. Maa dan alé gulizilɛzannu bin lɛ fɔɔ yé wo bɔ yirinwanazia wɛyi va; Maa dan zi zuo sunyanu bin lɛ é ziin fɔɔ, yé wo bɔ yirivɔnazia wɛyi ta; Wo gin é dan nwɛɛn lɛ, Yé wo goi é dan sɔɔla lɛ fɛfaana; Wo we blɛnblɛnnu kɛlɛ, azama.

Zakari 6:6

Wisoo tinu lé wo polu ke é dɔle goro do ma bɛ, wo yara dɔ yirinwana bɛbolazia tɛrɛ vazia, ’té a funu éé goo wo zuo; a zorozowisoonu ’wo yara dɔ yirinwana bɛyilazia tɛrɛ vazia.