Jérémi 1:14 - Kazambale lé Sebe Sauunu 1979

¹⁴ Yé Gakelebale léé: Dirikiniwe é dan si lɛ yirinwana bɛbolazia yé é sɔɔla tɛrɛ ’ko la munu faa ma.

Jérémi 1:14 ပူးပေါင်းရင်းမြစ်များ

Ézai 14:31

Duoli, ’i dunnu; fla, ’i gyɛ bo. Filisitinu lé tɛrɛ faa tere, i ma ’é nyɔɔn. Naa, kyɛgoi a nwana yirinwana bɛbolazia; i nyanézannu lé sunya balenu a é tunule ékema.

Ézai 41:25

Maa mi do nwa yirinwana bɛbolazia yé é da, É an tɔ laa yirinwana; É dan mi plɛplɛnu zɔn lɛ é gane nya bélé voli zo, É dan wo zɔn lɛ bélé bɔdɔzan lé bɔtɛrɛ zɔnle zo.

Jérémi 10:22

Ka ye, ko a ’ma léé, wa fena léé, Fla bɔgyɛwe a sina yirinwana bɛbolazia, Yé é Juda tɛrɛ la flanu kɛlɛ é ’bin nya, Yé é wo kɛlɛ gwenu yiɛna nya.

Jérémi 11:17

Lai sunyanu lé Gakelebale lé é i suru, yee ɛ we tɔntɔn laa i ma, Izraɛl munu valé Juda munu lé we lɛrɛlɛrɛ kɛlɛle we ma; wo an blifliwe kɛlɛ lasikɔrɔpo kyɛblele nya Baal lɛ, azama.

Jérémi 25:9

amalé Gakelebale léma: Munu faa lé wo ke yirinwana bɛbolazia, an dan munu nwunvɔ lɛ wo laana, léé, ’wo da. Maa dan mi nwunvɔ lɛ an wuozan Babilɔn nwiinzan blɛn Nébukanɛsaa va, yé maa dan da lɛ a nya léé, ’é nwa tɛrɛ ’ko koo, a tamunu koo, wo zi bɛnnu faa koo, wo ma, wo kulu gale we ma, yé wo wolé fla kɛlɛ é ’bin nya, wenanamafɛ nya, yé é dan vo lɛ é pla lɛɛfaama.

Jérémi 31:8

Ka ye, maa dan munu si lɛ yiri‐nwanazia tɛrɛ la, yé an da wo nya, Maa dan wo si lɛ tɛrɛ glɛ sina yé maa wo zén ékeva; Yuɛwiizannu valé ganesuruzannu a wo va, Bɔnlomu valé néyaalomu a wo va. Migu blɛn lé é ke dana ’ko é ziin, yee lé.

Jérémi 4:6

’Ka drapo do dun Siɔn vazia, ’Ka vɔ fli gi, té ka dɔ lo. Naa, an dan we tɔntɔn valé dunuzénmita we si lɛ Yirinwana bɛbolazia, yé wo da.

Jérémi 46:20

Éjipiti a bélé dirida boroné zima zo, (Misɛrɛzan éé sié yirinwana bɛbolazia, é a dana.)

Jérémi 47:2

Gakelebale léma: Ka ye, ’yinu nwa yirinwana bɛbolazia, Wa bélé ’yiyoro plɛplɛ lé é nwɛɛn é gɔ la, a zo; Tɛrɛ koo, a tafɛnu koo, Flanu koo, wo tamunu koo, é wo ble. Munu siaa plɛplɛ, Ana tɛrɛlamunu faa gyɛ bo.

Jérémi 50:41

Ka ye, munu a sina yirinwana bɛbolazia, Bɛn blɛn do valé munu nwiinzan blɛn plɛplɛnu nya; Wa nwana tɛrɛ glɛ sinanu na,

Jérémi 50:9

Naa, ka ye, maa dan bɛn blɛn kiɛre nwa lɛ yirinwana bɛbolazia tɛrɛ la yé wo nwa Babilɔn munu ma. Wo dan wo ma’lɛrɛ lɛ gulidanle we gi a va, yé wo dan a si lɛ. Wolé sawɔlɛnu a bélé gulidan sunya lé wo gulidanle dɔɔ, ’té wo ’ka dan wo pa gi wo leekoro nya lo, wo zo.

Jérémi 6:1

’Kaa Bɛnjamɛn munu, ’ka fwi Jérusalɛm. ’Ka béli fɛn Tékoa, ’ka fɛ do nwa Bɛt‐Akérɛm tɔmase nya. Naa, woo we tɔntɔn valé dunuzénmitawe blɛn yé sina yirinwana bɛbolazia.

Jérémi 6:22

Gakelebale léma: Ka ye, bɛn do a sina yirinwana bɛbolazia tɛrɛ do la; bɛn blɛn do a nwana tɛrɛ glɛ sina.

Ézékiɛl 1:4

Maa a nagini, ’té fu plɛplɛ koo, lati blɛn koo, kyɛnɛnɛ kunu do lé a san éé zi kinié fɛfaana wéiin, ’bɛ koo, ’té woo sié yirinwana bɛbolazia, yé maa wo ye. Fɛ lé é ke bélé zéné lé wa ma gɔrɔla, a zo, ’té éé bié, maa a ye kyɛnɛnɛnu va lati méléna.

Ézékiɛl 24:3

’I wegɔné do vɔ tɔnégiplɛplɛzannu lɛ. Bé fe wo lɛ léma: Mizan Gakelebale léma: ’I lɛedaa do dɔ kyɛ ta yé ’i ’yi zén a gi.

Joɛl 2:20

Ka nyanézan lé éé sié yirinwana bɛbolazia, maa dan a bin lɛ ka ma baa, Maa dan a bin lɛ yé é go tɛrɛ lé a nyɔnɔ ’ka lo, ’té mi do kpen ’ka ana lo, ana. Maa dan alé gulizilɛzannu bin lɛ fɔɔ yé wo bɔ yirinwanazia wɛyi va; Maa dan zi zuo sunyanu bin lɛ é ziin fɔɔ, yé wo bɔ yirivɔnazia wɛyi ta; Wo gin é dan nwɛɛn lɛ, Yé wo goi é dan sɔɔla lɛ fɛfaana; Wo we blɛnblɛnnu kɛlɛ, azama.

Zakari 6:6

Wisoo tinu lé wo polu ke é dɔle goro do ma bɛ, wo yara dɔ yirinwana bɛbolazia tɛrɛ vazia, ’té a funu éé goo wo zuo; a zorozowisoonu ’wo yara dɔ yirinwana bɛyilazia tɛrɛ vazia.