Jérémi 1:11 - Kazambale lé Sebe Sauunu 1979

¹¹ Gakelebale we fe yé é lé an lɛ léé: Jérémi, i mɛ fɛ yéé? Maa zi pa léé: Maa amandéyili bɛ do yé. (Amandé gi léé, yuɛpale fɛ va.)

Jérémi 1:11 ပူးပေါင်းရင်းမြစ်များ

Wepélisiananu 30:37

Pupliéyili bɛ drɔɔdrɔɔnu koo, amandéyili bɛ drɔɔdrɔɔnu koo, plataneyili bɛ drɔɔdrɔɔnu koo, Jakɔb wo bɔi yé é wo ma nyɔɔ gyɛ yé yilibɛnu ma bɔra fu.

Ézai 55:11

A zo duo lé an dére lé éé sié an ’léé, É ’ka nɔlaan an va é pla lo, ’Té é anlé blibɔmawe Valé an bɔn‐in bɔrɔmawe faa lɛ sɔɔ é wo.

Jérémi 24:3

Gakelebale lé an lɛ léé: Jérémi, i mɛ fɛ yéé? Maa a zi pa léé: Bɔrɔyiliporonu lé. A zimanu a é zima é baba, yé a naanénu a é naané é baba. Wa é naané fɛan zo bɛ, mi ’ka bɔa wo blele lɛ lo, wo naané lé we ma.

Ézékiɛl 12:25

Naa, maa Gakelebale, maa dan we fe lɛ yé we lé maa dan a fe lɛ, a lɛ é dan sɔɔ lɛ. Ana ’ka dan mɔn lɛ é dɛrɛ lo; iin, tɔnégiplɛplɛzannu, kazé yinu nya maa dan dére do fe lɛ yé maa dan a lɛ sɔɔ lɛ. Yee lé Mizan Gakelebale a fe.

Ézékiɛl 12:28

Bɛwemalé, bé fe wo lɛ léma: Mizan Gakelebale léma: Maa ’ka dan an dérenu lɛsɔɔyinu dɔ lɛ é dɛrɛ lo; dérenu lé maa dan wo fe lɛ, wo lɛ é dan sɔɔ lɛ. Yee lé Mizan Gakelebale a fe.

Ézékiɛl 7:10

Bé ye, a yi lo; bé ye, é bɔ. Izé bɔ. Yili vwi bi. Boblɛn foe.

Amɔs 7:8

Gakelebale lé an lɛ léé: Amɔs, i mɛ fɛ yéé? Maa a zi pa léé: Nivoo do lé. Yé Mizan léé: Maa dan anlé munu Izraɛl dan lɛ nivoo nya. Maa ’ka dan wo ma we vo lɛ é dɛrɛ lo.

Amɔs 8:2

É lé an lɛ léé: Amɔs, i mɛ fɛ yéé? Yé maa a zi pa léé: An kyɛɛné do yé, ’té yiliporo a a gi. Yé Gakelebale lé an lɛ léé: Anlé munu Izraɛl bɔ wozé ’wuoplana; an ’ka dan wo ma we vo lɛ é dɛrɛ lo.

Zakari 4:2

É lé an lɛ léé: I mɛ fɛ yéé? Yé maa a zi pa a lɛ léé: Maa nagini, yé maa kyan fintran do ye; a blan a sɔrafié, yé bɔ do a é dunle a nwiin, ’té tio sɔrafié a a ma yé ’bɛnu vɔ fintrannu ma;

Zakari 5:2

Lanje lé an lɛ léé: I mɛ fɛ yéé? Maa a zi pa a lɛ léé: An sɛbɛ plinle do yé, ’té éé sié; a sangi a mɛtrɛ vu yé a ’wuola a mɛtrɛ soru.

Mi Nɔnɔle 17:8

’Bɛ é tu kini, Moizi wɔra bléyian va wenayefɛ pagi sɔkɔn gi, bé ye, Arɔn lé tawomayili, yee lé ke Lévi lé kɔn zé nya, é puru dɔ, é nɛɛ, a vwi bi, yé amandéwɔlɛnu tana a ma.