SEBE LÉ JAK A GYE (Épitre de Jacques) 5:7 - Kazambale lé Sebe Sauunu 1979

⁷ Bɛwemalé, bwenu, ka bli ’é kɛlɛ tiéé fɔɔ yé Mizan é da. Ka ye, féipazan é élé féifɛwezan lɛbɛn‐é é bli tiéé nya fɔɔ yé lɛɛ vininzan valé lɛɛ voélazan é da alé féi.

SEBE LÉ JAK A GYE (Épitre de Jacques) 5:7 ပူးပေါင်းရင်းမြစ်များ

Jérémi 5:24

Wo ’ka a fé wo bli gi léé: Kaa kana Gakelebale kolé Bale lee, lo. Bale lé éé lɛɛ paan zia lɛɛdabléyi va, ’té éé lɛɛ vininzan valé lɛɛ voélazan dan, ’té éé bléyi kenu no ko lɛ kolé féifɛnu gyɛle we ma, wo ’ka kanaan yee Bale lee lo.

OZÉ (Osée) 6:3

’Ko Gakelebale dɔɔ ma, ’ko kwa kuli léé, ’ko a dɔɔ ma; za ’ka a dale ta lo, bélé tu kinile zo. É dan da lɛ kolé we ma bélé lɛɛ zo, bélé lɛɛ vinin lé éé tɛrɛ ta blin‐an, a zo.

Joɛl 2:23

Yé ’kaa Siɔn munu, yéri ’é pa ka lɔ ma, yé ka gi ’é nana Gakelebale, kalé Bale lé we ma ma, Naa, é dan lɛɛ da lɛ ka lɛ lɛɛ dabléyi va, Yé é dan lɛɛ vininzan valé lɛɛ voélazan da lɛ lɛɛ dabléyi va, Éé a kɛla é vinin fɛan zo, a zo.

Zakari 10:1

’Ka lɛɛ laa Gakelebale lee, ’ka lɛɛ vininzan laa a lee. Gakelebale é dan lɛɛ yuɛ wuo vɔ lɛ nuu, yé é dan lɛɛ blɛn pa lɛ ka lɛ zia; é dan fɛ dɔ lɛ ka faa do do lé féi.

Matio 16:27

Maa blami Be, an dan da lɛ an Ti lé fua tɔbɔle nya, é valé alé lanjenu nya, yé maa dan mi faa gooli pa lɛ do do wo kɛlɛwenu yɛrama.

Matio 16:28

Maa a fe ka lɛ webozen nya léé: Munu lé wo ke ’ko, wo va mi kenu ’ka dan ga lɛ lo fɔɔ yé wo maa blami Be ye dana plale munu nwiin we ma.

Matio 24:27

Naa, fɛan zo lé lɛɛ yuɛwuovɔle éé sian yirinwanazia yé wa yé fɔɔ yirivɔnazia, a zo duo lé maa blami Be dale ke.

Matio 24:44

Bléyian va lé ka ’ka ka gi bɔrɔna maa blami Be dale ma lo, maa dan da lɛ ’bɛ bléyi va, amalé ’kaa é ziin, ka ma ’é vo é ’lɛrɛle.

WENÉNÉ LÉ LUK A GYE (Évangile selon Luc) 18:8

Maa lé ka lɛ léé, é dan ’bɛnu lé we ble lɛ é kele. Naa, dé maa blami Be da, dé an dan bɔ lɛ blipamunu ma tɛrɛ laa?

WENÉNÉ LÉ LUK A GYE (Évangile selon Luc) 21:27

’Bɛ zuo wo dan maa blami Be ye lɛ dana lati ta plɛplɛ valé fua blɛn tagɔɔnle nya.

WENÉNÉ LÉ LUK A GYE (Évangile selon Luc) 8:15

Yee lé é dia tɛrɛ zima ta, wa munu lé woo dére maan bli tegele valé bli zin nya, wo nya, yé éé voo wo gi, ’té wo wɔlɛ éé baan yarapalale nya.

WENÉNÉ LE JAN A GYE (Évangile selon Jean) 21:22

Jézu lé a lɛ léé: Dé é sɔ an lɛ léé, ’é vo ana fɔɔ yé an da, ’bɛ mɛ ɛ kɛla i lɛɛ? Bii, ’i da an zuo.

WENÉNÉ LE JAN A GYE (Évangile selon Jean) 21:23

’Bɛ zuo, we ’ko gun gyɛle sɔɔla bwenu méléna léé, Jézu zuozan ’ko, é ’ka dan ga lɛ lo, dɔlé té Jézu ’ka a fe lɛ Piɛri lɛ léé, é ’ka dan ga lɛ lo lo; naa, é léé, dé é sɔ an lɛ léé, ’é vo ana fɔɔ yé an da, ’bɛ mɛ ɛ kɛla i lɛɛ?

Rom munu 15:4

Yé we faa lé wa gyɛ é kyɛn sɛbɛ gi, wa gyɛ we paale kaa gi we ma, léé, kaa bli ’é kɛlɛ we lɛ. Dé kaa bli kɛlɛ tiéé, ’té Kazambale lé sɛbɛ éé kaa tɔrɔ paan, ’bɛna lé kaa bli é dan kɛlɛ lɛ we lɛ.

Rom munu 2:7

munu lé wo ke fuasan koo, tɔbɔle koo, vole é yuɛma koo, wo naginina yara pale wezin kɛlɛle ta nya bɛ, vole é yuɛma lé a glɛ ’ka lo, Kazambale a tadɔ wozé nya;

1 Korent munu 1:7

Amalé ka ’ka vuruan blɛ do kpen ma lo, ’té bléyian va lé Jézu Krist é dan ébozen nagɔɔn lɛ munu yuɛ va, ka a ’bɛ bléyi lɛbɛnna.

Galasi munu 5:5

Naa, ko, Kazambale Léli éé bɔa ko va, yé ko a blivolɛdére lɛsɔɔle lɛbɛnna, yee lé ke léé, ’wo ko ye tegele ko blipale ma.

Galasi munu 6:9

Té kaa wɔlɛgi é nyaan kaa ma wezin kɛlɛle nya lo; naa, dé a bléyi bɔ, kaa dan a tɔnɔ ye lɛ, ’té dé kaa fuu ’ka si lɛ kaa ta lo.

Bélidɔwesɛbɛ Fiézan 11:14

Gakelebale léé, é dan lɛɛ da lɛ kalé tɛrɛ la é dabléyi va, lɛɛ vininzan valé lɛɛ voélazan nya; ka dan kalé ’sa gyɛ lɛ, ka dan kalé dɔrɔ’yi vinin kɛlɛ lɛ, ka dan kalé nyɔnɔ kɛlɛ lɛ;

Kolɔs munu 1:11

yé ’ka dɔ plɛplɛ we faa gi alé plɛplɛ tɔbɔle nya, yé ’ka kɛlɛ yifaama yarapawelazannu valé bli tiéézannu nya, ’té ka gi éé nanaan.

1 Tɛsalɔnik munu 1:3

We lé ka a kɛla kalé blipale we ma koo, nyanama lé ka a paan Kazambale sɔle ka lɛ we ma koo, ka bli a Kaazan Jézu Krist lɛ yifaama fɛan zo koo, wo sele a ko gi bléyi faa ma kaa Ti Bale ’lɛ.

1 Tɛsalɔnik munu 2:19

Denu lɛ lé ko bli kee? Denu ma lé ko gi nanaa? Denu ɛ ke kolé tɔkoro yémafɛ nyaa? É ’ka ka nya Kaazan Jézu ’lɛ, a dabléyi va loo?

1 Tɛsalɔnik munu 3:13

’É ka bli ta dɔ plɛplɛ, yé Jézu valé élé munu dabléyi va yé ka kɛlɛ sauun kaa Ti Bale ’lɛ, ’té gun ’ka ka ma lo.

Ébrunu 6:15

’Bɛ zo lé, dé Abraam a lɛbɛn yarapalale nya faa, yé fɛ lé Kazambale a fe blivolɛdére nya, yé é a ye.

SEBE LÉ JAK A GYE (Épitre de Jacques) 4:11

Bwenu, té ka wenaané fe ka ke ma lo. Dé mian wenaané fe é bwe ma, dé mian é bwe ma we ble, ’té é a wenaané fena bélidɔwe ma, ’té é a bélidɔwe ma we blena. Yé dé i a bélidɔwe ma we blena, ’té i ’ka a ta tawozan nya lo, ’té i a a ma we blezan nya.

SEBE LÉ JAK A GYE (Épitre de Jacques) 5:10

An bwenu, Balelayemunu lé wo we fe Mizan tɔ gi, ’ka wo si kalé wekɛlɛmazannu nya, nyanéblele valé bli tiéé gi.

SEBE LÉ JAK A GYE (Épitre de Jacques) 5:3

Gyan vɔ kalé kyan valé kalé gɔɔlifu ma; yé wo ma gyan é dan ka ma we fe lɛ, yé é dan ka nɛ ble lɛ bélé kyɛ zo. Ka fɛwezannu zun dɔ kazé nya yi voélazannu ’ko gi.

2 Piɛri 3:4

Blivolɛdére lé Jézu a fe léé, é dan da lɛ, a lɛsɔɔle a kyɛɛn? É sia ko tranu gale ma, fɛnu faa a wo dɔbɛ gi, bɛan zo lé wo ke wo kɛlɛbléyi va, ’bɛ bɛ gi.