SEBE LÉ JAK A GYE (Épitre de Jacques) 5:5 - Kazambale lé Sebe Sauunu 1979

⁵ Ka kalé tɛrɛla kɛlɛ Kabozen lé ginanawenu kɛlɛle valé tɔnɔ blele nya; bléyian va lé wa munu gyɛna ’té ka kalé nyɔnɔfɛnu blé.

SEBE LÉ JAK A GYE (Épitre de Jacques) 5:5 ပူးပေါင်းရင်းမြစ်များ

Lɛrɛvɔ Sɛbɛ 17:14

Gakelebale, ’i an si munu lee i bɛ nya, ’i an si tɛrɛ ’ko la munu lee. Woo ’wozé yé tɛrɛ ’ko la, I wo bɔn faan ilé fɛ zimanu nya; Wolé nénu éé kaan, Yé wolé fɛ ta drɔɔnu éé voo wo nénénu zé nya.

Lɛrɛvɔ Sɛbɛ 73:7

Weple éé bɔraan wo gi, Wenu lé woo gibɔrɔan wo ma, woo bɔraan wo ’léé.

Wegɔnévɔlenu 17:1

Dé buru feené do a i lee, ’té i bli a drɔɔ, a fila vɔ éé minié kɔn lé é ke é fanle wi nya ’té zɔdɔle ana, a ta.

Wegɔnévɔlenu 7:14

É a lé maa bɔvɔ saraka bo, kyɔ anlé bale kunle lɛ sɔɔ.

Ézai 22:13

I yua, wa zanagyɛna, ’té wo gi éé nanaan, ’té woo dirinu bɔrɔ boo, ’té woo ’blanu gya, ’té woo wi blé, ’té woo nwɛ minian, yé wo léé: Kaa fɛ ble, kaa nwɛ mini, naa, tɛlɛ, kaa dan ga lɛ.

Ézai 3:16

Gakelebale léma: Siɔn lomu a boblɛnzannu nya, yé woo tawoo ’wo bɔrɔ séléblaané soile nya, ’té wo yuɛ la galaan; woo tawoo ’nyané nyané ’nyané, ’té wo gane ma zowoloné éé wé;

Ézai 47:8

Le nɔnɔmi kaii lé i nyanaan ibo ma duaa, ’Té bé fé i bli gi léé, Maa lé, maa, maa do kpen ɛ ke ana, Maa ’ka dan kɛlɛ lɛ gyɛzarale nya monomono lo. An ’ka dan vuru lɛ nénu ma lo, ’I tɔné dɔ sin.

Ézai 56:12

Wo léma: ’Ka da, an dan go lɛ nwɛ gini lɛ yé ko dɔrɔ ’lɛ plɛplɛ mini; ko dan a kɛlɛ lɛ a zo tɛlɛ, yé ko a taa mini é ziin.

Jérémi 12:3

Yé bii Gakelebale, i an dɔɔ, I an yé, an bli lé ke i lɛ bɛ, bé gi ginian. ’I wo si ana bélé ’blanu lé woo wo bɔrɔ bo, wo zo, Yé ’i wo tadɔ wo gyɛyi zé nya.

Jérémi 25:34

Munu pazannu, ’ka dunnu, ’ka siaa; zi gɔɔn trubɛ lɛzannu, ’ka burula kyɛyee va. Naa, ka bɔrɔboyi bɔ sin, azama. Maa dan ka ’wii lɛ yé ka dan dia lɛ bélé bɔwezan zo.

Ézékiɛl 16:49

I buru Sɔdɔm lé weplenu lé ke ’ko: Boblɛn a a gi, ’té tɔnɔfɛ kiɛre a a lee, ’té é a éboma duaa, ’té gibɔrɔ do kpen ’ka a ma lo, yee valé é lunu nya, yé mi lé we tɔntɔn bɔ a ma, ’bɛ valé mi lé we do ’ka a lee lo, é ’ka bɔ lɛ wo va lo.

Ézékiɛl 39:17

Mizan Gakelebale léma: Yé bii blami be, mianénu koo, sifɛnu faa koo, bwigiwinu faa koo, bé fe wo lɛ léé, ’wo zén ékeva, ’wo da; ’wo si fɛ faa do dona, ’wo zén ékeva. Maa dan saraka bo lɛ mi nya wo lɛ; saraka blɛn lé, Izraɛl gɔnu nwiin; ka dan mi wi ble lɛ yé ka dan mi nyɛ mini lɛ.

Amɔs 6:1

Munu lé wo ke é nyanale drɔɔ Siɔn, ’té wa é nyanale wobo ma duaa Samari gɔ nwiin, we tɔntɔn ’é kɛlɛ wo lɛ ma. Bɛntɛrɛnu va bɛntɛrɛ vininzan lé mi blɛnnu lé Izraɛl éé goo wo va bɛ, woo lé.

WENÉNÉ LÉ LUK A GYE (Évangile selon Luc) 16:19

Fuablezan do ana yé éé galunaa sɔ valé lɛnsɔ zima zén‐é é ta, ’té éé fɛ néné kiɛre blé yifaama.

WENÉNÉ LÉ LUK A GYE (Évangile selon Luc) 16:25

Abraam lé a lɛ léé: Anlé né, i ’ilé fɛ zinnu ye ilé tɛrɛla bléyi va, yé Lazaa nyané ye ézé bléyi va, ’bɛ saan i gii? Sin wa ’bɛ tɔrɔ paana ’ko, yé bii a nyané blena.

Rom munu 13:13

’Ka tawo tegele yiéyi tawobɛ nya. Té ka kɛlɛ bun‐anzannu valé nwɛ tanzannu nya lo, té ka ka dɔbɛ kyɛn lé sɔlɛwe kɛlɛ lo, té ka pɛnpɛnné gyɛ lo, té ka we sia lo, té ka maawo lo.

1 Timoté 5:6

Naa, gyɛzarale lé éé ébozen lé sɔlɛwe kɛla, é ke aan wo é yuɛma bɛ, é a é gale.

2 Timoté 3:4

wo dan mi liwo lɛ; wo dan ’wii lɛ we la; wo dan blii lɛ boblɛn nya; wobozen ginanawe ɛ dan sɔ lɛ wo lɛ yé ’bɛ é mini Bale sɔle wo lɛ ta;

2 Piɛri 2:13

A zo lé wo dan ’wolé weple ma ban ye lɛ. Wobo nɔle we vɔnle kɛlɛle lɛ é yiéyi éé wo gi nanaan; mi sɛrɛle valé mi tiridɔlenu lé ke wo nya, wolé dabliwenu a wo ginanawe nya wolé fɛti kɛlɛbléyi nya ka va.

SEBE LÉ JUD A GYE (Épitre de Jude) 1:12

Woo ka sɔle ka ke lɛ na fɛti tiri dɔa. Yara ’ka wo gya ka va fɛblele we ma lo, naa, wo kanle ’té ma lé wo ke. Wa bélé lafunu lé ’yi ’ka wo gi lo, ’té fu éé wo nyunuan bɛ, wo zo. Wa bélé yilinu lé, fɛ bɔra bléyi va, ’té wo poro ’ka lo, ’té wo ke é gale gɔnɔ fié, ’té wo suni ke é soowɔlale bɛ, wo zo.

Wegɔɔnle 18:7

Fɛan zo lé ébo tɔ kɛlɛ blɛn yé ébo nɔ fua kiɛre blele lɛ, a zo duo lé ’ka nyanéblele kaii valé gyɛbole nɔ a lɛ. Naa, é lé é bli gi léé, ’é a mi nwiin le nya é nyanale, ’é ’ka gyɛzara le nya lo, yé ’é ka dan gyɛ bo lɛ monomono lo.

1 Samuɛl 25:36

Abigail da Nabal va. É a fɛti kɛlɛna élé kɔn gi bélé minwiinzan lé fɛti zo; ’té a gi éé nanama yé nwɛ a gyɛ. Dé we kiéné léoo, dé we blɛn léoo, a na ’ka we do kpen fe lɛ a lɛ lo, fɔɔ yé tu kini.

1 Samuɛl 25:6

yé ka dan we fe lɛ a lɛ léé: ’I vo drɔɔ ma, ilé kɔngimunu koo, fɛ faa lé ke i lee koo, wo drɔɔ ’é vo ma.