SEBE LÉ JAK A GYE (Épitre de Jacques) 5:16 - Kazambale lé Sebe Sauunu 1979

¹⁶ Bɛwemalé, ’ka kalé wenyanénu fe ka ke lɛ, yé ’ka bazoro ka ke lé we ma, ka bélile we gi. Mi tegele lé bli faa nya bazorole ’lɛ éé dɔa é baba.

SEBE LÉ JAK A GYE (Épitre de Jacques) 5:16 ပူးပေါင်းရင်းမြစ်များ

Wepélisiananu 19:29

Dé Kazambale fɛna pɛblɛɛ flanu sɛrɛ Abraam sele dɔ a gi; yé dunuzén?-?milawe lé é bɔ Lɔt nyanala flanu ma yé é wo guru zana a gi bɛ, é Lɔt si ’bɛ we ’konu gi.

Wepélisiananu 20:17

Abraam na Sara lé we ma Gakelebale Abimélɛk lé kɔn gi lomu faa kɛlɛ sɔnzannu nya turu. Amalé Abraam bazoro Kazambale lɛ yé Kazambale Abimélɛk béli, yee valé é na valé é wuolomu nya, yé wo kɛlɛ néyaazannu nya é ziin.

Wepélisiananu 20:7

Sin, ’i lezan nɔ gɔnézan ’ko lɛ é pai; naa, é a balelayezan nya yé é dan bazoro lɛ i tɔ ma yé i dan béli lɛ. Naa, ’i we ’ko gi dɔɔ ma: dé i ’ka a nɔ lɛ lo, i dan ga lɛ, bii valé ilé munu faa nya.

Wepélisiananu 32:28

É lé é ziin léé: I tɔ ’ka dan kɛlɛ lɛ Jakɔb é dɛrɛ lo, naa, wo dan i laa lɛ Izraɛl; i buo si Kazambale valé munu va yé i wo kele a nya, azama.

2 Samuɛl 19:19

Yé é lé minwiinzan lɛ léé: Té anlé we ple sele é dɔ anzan gi lo ma; maa anzan minwiinzan ’namawe kɛlɛ a siyi nya Jérusalɛm fɛan zo bɛ, té a sele é dɔ a gi lo ma; té ’bɛ é dɔ minwiinzan gi we nya lo ma!

1 Minwiinzannu 13:6

Minwiinzan blɛn lé Bale lé mi lɛ léé: ’I zanté vɔ Gakelebale, ilé Bale lɛ, yé ’i bazoro anlé we ma, léé, an bɛ ’é bɔ plinle lɛ. Bale lé mi zanté vɔ Gakelebale lɛ yé minwiinzan bɔ é bɛ plinle lɛ, yé é kɛlɛ bélé é vinin zo.

2 Minwiinmunu lé Wezuofe Sɛbɛ 30:20

Gakelebale Ézékia lé bazoro dére ’ma, yé é munu ma we vo.

JOB (Job) 42:8

Sin, ’ka dirigɔné sɔrafié valé ’blagɔné sɔrafié si, ’ka goan an wuozan Job lɛ, yé ’ka wo nɔ, balebanwi lé wa kyɛ blé, a nya, kabo lé we ma. An wuozan Job é dan bazoro lɛ ka tɔ ma, yé a pli zi lé maa ’ka dan we kɛlɛ lɛ ka lɛ kalé tavowe yɛrama lo; naa, ka ’ka anlé we fe lɛ ’é fena bélé an wuozan Job a fe fɛan zo, a zo lo.

Lɛrɛvɔ Sɛbɛ 34:15

’I si wenyané ma baa, yé ’i wezin kɛlɛ. ’I vole drɔɔ nagini yé ’i go a zuo ma.

Fwile 17:11

Dé Moizi é bɛ nwa, Izraɛl a plɛplɛ é mini Amalɛk munu ta; dé é bɛ zun Amalɛk munu a plɛplɛ é mini Izraɛl munu ta.

Fwile 9:33

Moizi bɔra Faraɔn lé kɔn gi yé é si fla; é bɛnu nwa Gakelebale vazia, yé zagele banle dɔ, yé goowɔlɛlɛɛ valé lɛɛ dale kini.

Wegɔnévɔlenu 15:29

Gakelebale éé sié mi naanénu ma baa, naa, éé tɔné dɔa mi tegelenu lé bazorole lɛ.

Wegɔnévɔlenu 15:8

Mi nyanénu lé saraka a lɛrɛlɛrɛ Gakelebale yuɛ gi, naa, mi drɔlenu lé bazorole éé sɔa a lɛ.

Wegɔnévɔlenu 28:9

Dé mi é tɔné lɛ tan bélidɔwe ’male ma, alé bazorole boen a bélé bo zo.

Jérémi 15:1

Gakelebale lé an lɛ léma: Dé é kɛlɛ kɔɔn léé, Moizi valé Samuɛl dɔ munu ’ko lé we gi an ’lɛ, an bli ’ka dan dɔrala lɛ munu ’ko ma lo. ’I wo bin an lɛ baa, ’wo si ana yé ’wo go ma.

Jérémi 33:3

’I an tɔ laa yé an dan we lɛ; we blɛnblɛnnu valé weyɔɔlenu lé i ’ka wo dɔɔa lo, maa dan wo lɛ kini lɛ i lɛ.

Jérémi 42:2

’I kolé dunuvɔmadére nyi si. Ko faa lé ko vo ’ko, ’i go kolé muun nya Gakelebale ilé Bale va. Sin, i ’ka ko yé loo? Ko a é vinin kiɛre, yé sin, ko ’léé vo sɛné.

Mi Nɔnɔle 11:2

Munu siaa Moizi lɛ. Moizi bazoro Gakelebale lɛ, yé kyɛ diri.

Matio 21:22

Yé fɛ faa lé ka laan bazorole nya, dé ka bli vo a yele lɛ, ka dan a ye lɛ.

Matio 3:6

Wo ’wolé wenyanénu fe yé é wo batizéwo Juudɛn yuu va.

Maak 1:5

Yé Judé tɛrɛlamunu faa koo, Jérusalɛm munu faa koo, wo go a va. Wo ’wolé wenyanénu fe, yé é wo batizéwo Juudɛn yuu va.

WENÉNÉ LÉ LUK A GYE (Évangile selon Luc) 9:6

Wo go yé wo gié fla faa do do ta, wenéné fele nya, é valé mi bélile nya fɛfaana.

WENÉNÉ LE JAN A GYE (Évangile selon Jean) 9:31

Ko a gi dɔɔ léé, Kazambale ’ka wenyanékɛlɛzannu dére maan lo. Naa, dé mi a bɔa, ’té éé alé blibɔmawe kɛla, ’bɛzan dére lé éé a maan.

Kelewenu 10:38

Kazambale Léli Sauun valé plɛplɛ zén Nazarɛtzan Jézu ta fɛan zo, ka ’bɛ gi dɔɔ. Kazambale a Jézu va, amalé é gié flanu ta wezin kɛlɛle valé munu lé wo ke é plale yonufaatagɔné wuo, wo faa bélile nya.

Kelewenu 19:18

Munu lé wo bli vo Jézu lɛ, wo va mi kiɛre da yé wenu lé wa kɛlɛ, yé wa fe munu faa yuɛ va.

Kelewenu 8:24

Simɔn lé a lɛ léé: Kabozen ’é zanté vɔ Mizambale lɛ an lɛ, yé we lé ka a fe, té a do kpen é bɔ an ma lo.

Rom munu 3:10

bélé fɛan zo lé é a é gyɛle sɛbɛ gi, a zo; wo léé: Mi tegele ’ka lo, A do kpen ’ka lo;

Rom munu 5:19

Naa, fɛan zo lé mi kiɛre kɛlɛ wenyanékɛlɛmunu nya mi do kpen lé milɛgamale we ma, a zo duo lé mi kiɛre é dan kɛlɛ lɛ tegele mi do kpen lé milɛdɔmale we ma.

Kolɔs munu 1:9

Bɛwemalé, é sia yian nya lé ko ka tawe ’ma, ko ’ka daanma bazorole ma Kazambale lɛ ka tɔ ma lo; ’té ko a laan Bale lee léé, ’é we dɔɔle faa nɔ ka lɛ yé ’é ka gi kini léliwenu gi, yé ’bɛ zo lé ka alé blibɔmawe dɔɔ,

1 Tɛsalɔnik munu 5:17

Té ka daan bazorole ma lo.

1 Tɛsalɔnik munu 5:23

Mi vo drɔɔ Bale bozen ’é ka kɛlɛle sauun lɛ sɔɔ; ka léli koo, kabozen koo, ka kɔlɛ koo, wo faa ’é vo é tadɔle, ’té gun ’ka a ma lo fɔɔ yé Kaazan Jézu Krist dayi é bɔ.

1 Tɛsalɔnik munu 5:25

Bwenu, ’ka bazoro ko tɔ ma.

Ébrunu 11:4

Blipale nya lé saraka lé a zima mini Kain zé ta, Abɛl a bo Kazambale lɛ. Bɛwemalé wa ma we fe léé, é a mi tegele nya, yé é ziin Kazambale é ban‐ɛn ble; alé blipale lé we ma lé, Abɛl gaoo, ’té éé we fé duowo.

Ébrunu 11:7

Kazambale tɛlɛ tɛlama we fe aan wo Noé lɛ, kana zén a gi, yé blipale nya lé é ’yitagoro do kɛlɛ yee valé é kulu sile we gi we ma; alé blipale nya lé é we dɔ tɛrɛlamunu nwiin, yé kɛlɛle tegele lé mi a yé blipale ma, é a ye ézé nya.

Ébrunu 12:13

yé ’ka tawo zi drɔle ta yé kalé tun?-?boganenu é dan béli lɛ, yé ka powuo?-?wɔlɛ ’ka dan so lɛ é ke ’léé lo.

Ébrunu 13:18

’Ka bazoro kolé we ma; é sɔ ko lɛ léé, ko we faa kɛlɛ tegele, amalé é dɔ ko gi léé, kolé wevasibli ’ka we dɔna ko nwiin lo.

Jozué 10:12

Naa, yian nya lé Gakelebale Amorénu nɔ Izraɛlnu lɛ, Jozué we fe Gakelebale lɛ, yé é lé Izraɛl yuɛ va léé: Yiri, ’i dɔ flii Gabaɔn ta, Yé bii, moné, ’i dɔ Ajalɔn gɔ worona ta.

1 Piɛri 2:24

é dɔ kaalé wenyané gi ébozen kɔlɛ nya yili la, kaa gale kaalé wenyanénu vazia we gi yé kaa vo é yuɛma we tegele kɛlɛle we gi; a tuolenu ma lé kaa béli.

1 Jan 3:22

Dé kaa fɛofɛan laa Bale lee, kaa a yé a va, kaa a alé bélidɔwenu kɛlɛna, é valé a sɔlɛwenu nya, azama.

1 Samuɛl 1:12

É mɔn bazorona Gakelebale lɛ fɛan zo, Éli a lɔlu ye;

1 Samuɛl 12:17

Buruwɔlɛ gyɛbléyian ke ’ko loo? Maa dan Gakelebale laa lɛ yé é dan zagelenu ban lɛ yé é lɛɛ pa zia, kalé a gi dɔɔle we gi léé, ka wenyané kɛlɛ Gakelebale ma ka nwiinzan ma laale nya.

1 Samuɛl 12:18

Samuɛl Gakelebale laa, yé Gakelebale zagelenu ban yé é lɛɛ pa zia ’bɛ yi duo nya. Munu faa kana Gakelebale valé Samuɛl lee é baba.