SEBE LÉ JAK A GYE (Épitre de Jacques) 5:13 - Kazambale lé Sebe Sauunu 1979

¹³ Ka va mi do a nyané blenaa? ’É bazoro ma. Yé mi do gi a nananaa? ’Bɛ ’é lɛrɛ vɔ ma.

SEBE LÉ JAK A GYE (Épitre de Jacques) 5:13 ပူးပေါင်းရင်းမြစ်များ

Minwiinzannu lé Wezuofe Sɛbɛ 16:9

’Ka lɛrɛ vɔ, ’ka a tɔ bɔ lɛrɛvɔlenu nya. ’Ka a panyanama blɛnnu faa glewo.

JOB (Job) 33:26

Éé bazoroan Kazambale lɛ, yé wo zén Kazambale nya ékeva, ’Té Bale a se kɛla a lɛ léé, é é yara yé ginanale nya, ’Té Bale alé wenyané si a nwiin.

Lɛrɛvɔ Sɛbɛ 105:2

’Ka lɛrɛ vɔ, ’ka a tɔ bɔ lɛrɛvɔlenu nya, ’Ka a panyanama blɛnnu faa glewo.

Lɛrɛvɔ Sɛbɛ 118:5

Bléyian va lé maa ke kleblena, maa Gakelebale laa; Gakelebale a ’ma, yé é an vo anbo ma.

Lɛrɛvɔ Sɛbɛ 18:6

Mipana balenu an yere, Gaséli vɔ an zi an tanyila.

Lɛrɛvɔ Sɛbɛ 50:15

Kleble yi nya i an ’laa; Maa dan i si lɛ munu lee, yé i dan an tɔ zin bɔ lɛ.

Lɛrɛvɔ Sɛbɛ 91:15

É dan an tɔ laa lɛ, yé an dan we lɛ; Maa dan kɛlɛ lɛ a va alé kleblele gi; Maa dan a so lɛ wo lee, yé maa dan a tɔ zin bɔ lɛ.

Lɛrɛvɔ Sɛbɛ 95:2

Kaa go a ’lɛ a tɔ zin fele nya, Kaa lɛrɛnu vɔ, ’té kaa dére zuogi éé goo wele nya a tɔbɔle nya.

Ézai 65:14

ka ye, an wuozannu é dan lɛrɛ vɔ lɛ wo gi nanale saa zi, naa, ’kaa, ka dan wuvɔ lɛ ka gi kyɛ dɔle we ma yé ka dan gyɛ wuvɔ lɛ ka fuu sile ka ta we ma.

Daniɛl 5:4

Wo dɔrɔ mini, yé balenu lé wo ke kyan koo, gɔɔlifu koo, zéné koo, foliɛwɔlɛ koo, yili koo, gɔlɛ koo, wo nya, wo vo wo tɔ zin fena.

OZÉ (Osée) 6:1

Munu léé: ’Ka da, kaa go Gakelebale va é ziin. É ko wi kini ékema, naa, é dan ko béli lɛ; é ko bla, naa, é dan fɛ vuru lɛ ko tuonanu ta.

Jonas 2:2

Jonas ke aan wo pɔ bɔn gi, é bazoro Gakelebale élé Bale lɛ,

Jonas 2:7

An zun fɔɔ gɔnu pun ma. Tɛrɛ é lɛ tan an ta bléyi faa zé nya, Naa, i an bɔra guru gi é yuɛma. Gakelebale, anlé Bale!

Misé 4:5

Dé munu faa a tawona ’wolé bale tɔ gi do do‐oo, naa, ko, ko é dan tawo lɛ Gakelebale kolé Bale tɔ gi, yifaama, a glɛ ’ka lo.

Matio 26:30

Dé wo lɛrɛ vɔ faa yé wo go Ɔlivi gɔ nwiin.

WENÉNÉ LÉ LUK A GYE (Évangile selon Luc) 22:44

É a nyané blena kaii, yé é bazoro plɛplɛ taa nya yé kyɛyee nyi bɔra a ma nyɛ nya yé é zana tɛrɛ va.

WENÉNÉ LÉ LUK A GYE (Évangile selon Luc) 23:42

Yé é lé Jézu lɛ léé: Dé i bɔ ilé fuatɛrɛ la, an sele ’é dɔ i gi ma.

1 Korent munu 14:15

Maa dan a kɛlɛ lɛ kaa? Maa dan bazoro lɛ an léli nya; é ziin, maa dan a zoro lɛ anlé wedɔɔle nya. Maa dan lɛrɛ vɔ lɛ an léli nya; é ziin, maa dan a vɔ lɛ anlé wedɔɔle nya.

1 Korent munu 14:26

Amalé, bwenu, ka dan a kɛlɛ lɛ kaa? Dé ka a léglizi kɛlɛna, é a lé mi faa ’é we kɛlɛ; mi ke ’é lɛrɛ vɔ; mi ke ’é we paa munu gi; we dɛrɛ lé Bale a gɔɔn mi ke lɛ, ’bɛnu ’é ’bɛ fe; mi ke ’é dére bɛnu vɔ; mi ke ’é danamla kɛlɛ; ’ka we faa kɛlɛ munu dɔle gligli we ma.

Éfez munu 5:19

’Ka we fe ka ke lɛ Lɛrɛvɔsɛbɛ gi lɛrɛnu koo, Bale tɔbɔlɛrɛnu koo, lélilɛrɛnu koo, wo vɔle nya. ’Ka lɛrɛ vɔ yé ’ka Mizan bɔ vɔ ka bli faa nya a tɔ zin fele nya.

Ébrunu 5:7

Bléyian va lé Jézu a blami nya, é bazoro yé é zanté vɔ Kazambale lé, éé bɔa a sile lɛ ga lee, a lɛ; é bazoro siaale plɛplɛ valé yuɛyi sole nya. Yé é pla Bale wuo é zima amalé Bale a ’ma.

SEBE LÉ JAK A GYE (Épitre de Jacques) 5:10

An bwenu, Balelayemunu lé wo we fe Mizan tɔ gi, ’ka wo si kalé wekɛlɛmazannu nya, nyanéblele valé bli tiéé gi.

Wegɔɔnle 14:3

’Té woo lɛrɛ dɛrɛ vɔa webleblin koo, fɛ yuɛmale ziɛn koo, mi segelenu koo, wo ’lɛ. Yé dé é ’ka mi baa yɔ yaa wɔlɛ vu ta fié lé wo wo tabo tɛrɛ la, wo nya lo, mi do kpen ’ka bɔa lɛrɛ ’ko vɔle lɛ lo.

Wegɔɔnle 7:10

’Té woo siaan dére plɛplɛ nya léé: Bélile a kozé Bale lé é ke é nyanale webleblin ta, a lee, ’é valé ’Blané lee.