SEBE LÉ JAK A GYE (Épitre de Jacques) 5:11 - Kazambale lé Sebe Sauunu 1979

¹¹ Ka ye, munu lé, wo nyané ble bli tiéé nya, ko fé léé, wozé a néné é baba. Ka Job lé bli tiéé we zuo fele ’ma; yé Mizambale alé we kɛlɛ fɛan zo é voéla, ka ’bɛ ye, naa, Mizambale éé mi mawe dɔɔan é baba yé a nyanai éé zén‐é mi ta di.

SEBE LÉ JAK A GYE (Épitre de Jacques) 5:11 ပူးပေါင်းရင်းမြစ်များ

Minwiinzannu lé Wezuofe Sɛbɛ 21:13

David a zi pa Gad lɛ léé: Maa a nyané blɛɛn blena; ’an vɔ Gakelebale lee ma, naa, alé nyanai zénle a blɛn; té an vɔ munu lee lo ma.

2 Minwiinmunu lé Wezuofe Sɛbɛ 30:9

Dé ka nɔla Gakelebale va é ziin, munu lé wo go ka bwenu valé ka benu nya luu gi, ’bɛnu é dan wo nyanai zén lɛ wo ta, yé wo dan da lɛ wo pa gi tɛrɛ ’ko la; naa, Gakelebale kalé Bale a mi ma we dɔɔzan nya yé a nyanai éé zén‐é. É ’ka dan é yara si lɛ ka ta lo, ’té dé ka da a va ka pa gi.

Néémi 9:17

Wo sɔn vɔ i lɛdɔmale ma, yé givuruwenu lé bé kɛlɛ wo lɛ, wo gi san wo ma. Wo ’wo bɔrɔ vɔɔ i nwiin, yé wolé nwale i ma gi, wo mi do dɔ wo nwiinzan nya, léé, ’wo go ’wolé luu gi é ziin. Naa, bii a Bale lé a ma ke é ’lɛrɛle mi ma we vole we ma, a nya; bii a mimawedɔɔzan valé nyanaizénzan nya. I bli ’ka flian é kele lo, ilé zin glɛ ’ka lo, yé i ’ka sɔn vɔ lɛ wo ma lo.

Néémi 9:31

Naa, ilé nyanai zénle blɛn gi, i ’ka wo kulu ga lɛ lo, yé i ’ka daan lɛ wo ma lo, naa, i a Bale lé, é mi mawe dɔɔ yé a nyanai éé zén‐é, a nya.

JOB (Job) 1:1

Mi do ana Usi tɛrɛ la, wa laama Job. Mi ’ko a tegele yé alé tawobɛ a é drɔle; éé kanaan Kazambale lee, yé éé nwun zi dɔa wenaané ta.

JOB (Job) 1:2

A be a sɔrafié yé a lu a yaa.

JOB (Job) 2:10

Naa, Job a zi pa a lɛ léé: I we fé bélé le lé a ’wuo ’ka a ta lo, a zo. Mɛ léé? Ko wezin yé Kazambale va ’naan, yé ko ’ka wenaané yé é ziin a va loo? ’Bɛ faa gi, Job ’ka wenyané do fe lɛ lo.

JOB (Job) 23:10

Duowo, dé maa a tawona zi‐an ta, é a dɔɔ; Yé dé é an gi dan kɔɔn, é dan an ye lɛ tegele bélé kyan zo.

Lɛrɛvɔ Sɛbɛ 103:13

Fɛan zo lé né ti nyanai éé zén‐é élé nénu ta, A zo lé Gakelebale nyanai éé zén‐é munu lé woo kanaan a lee, wo ta.

Lɛrɛvɔ Sɛbɛ 103:8

Gakelebale nyanai éé zén‐é, yé é mi mawe dɔɔ, A bli ’ka flian é kele lo, yé alé zin a blɛn;

Lɛrɛvɔ Sɛbɛ 116:5

Gakelebale a nyanaizénzan nya; é a tegele, Kozé Bale nyanai éé zén‐é blɛn;

Lɛrɛvɔ Sɛbɛ 119:132

’I yara dɔ an vazia, yé ’i nyanai zén an ta, Bélé fɛan zo lé bé kɛla i tɔ sɔlɛmunu lɛ, a zo.

Lɛrɛvɔ Sɛbɛ 145:8

Gakelebale nyanai éé zén‐é, yé é mi mawe dɔɔ, A bli ’ka flian é kele lo, yé é a é fanle zin nya.

Lɛrɛvɔ Sɛbɛ 37:37

Mi lé alé we ke tegele, bé gini do; yé mi lé alé we ke é drɔle, bé ye do; Naa, mi drɔɔ kulu é dan kɛlɛ lɛ.

Lɛrɛvɔ Sɛbɛ 51:1

David lɛrɛ ’ko vɔle gɔɔn lɛrɛvɔzannu zilɛzan lɛ. Bléyian va lé David go Bat‐Sééba va, ’bɛ zuo yé balelayezan Natan da a va.

Lɛrɛvɔ Sɛbɛ 78:38

Naa, duowo, alé nyanaizénle zi, é wo ma we vo wolé weple kɛlɛle ma, yé é ’ka wo gyɛ lɛ lo; Yi kiɛre nya é ’é bli kun yé é ’ka é bli faa fli lɛ lo.

Lɛrɛvɔ Sɛbɛ 86:15

Naa, bii, Mizan, i a nyanai zén Bale valé mi mawe dɔɔ Bale nya, I bli ’ka flian é kele lo; ilé zin valé ilé yarapale we ta, wa i gi blɛn;

Lɛrɛvɔ Sɛbɛ 86:5

Naa, Mizan, bii a é zin, i mi ma we voo, Munu faa lé wo i tɔ laan, wo va sɔlɛle a i gi blɛn.

Lɛrɛvɔ Sɛbɛ 94:12

Oo Gakelebale, mian i we lɛdɔa a gi, Yé ilé bélidɔwe paa a gi, Léé, é vo drɔɔ we tɔntɔn bɔyi la, Fɔɔ yé wo guru blɛn bo mi nyanénu lee, azé a néné.

Fwile 34:6

Yé Gakelebale gié a ’lɛ yé Gakelebale siaa léé: Gakelebale, Gakelebale, é a mimawe vo Bale valé nyanaizénmila Bale nya; éé we lɛbɛn‐é faa yé a bli é fli, yé zin valé yarapalale a a lee kiɛre.

Bale Lé We Gifezan 7:8

We do ’wuoplana fila vɔ é mini a pélisiana ta; bli tiéé fila vɔ é mini boblɛn ta.

Ézai 63:7

Maa dan Gakelebale lé zinnu zana dɔɔ lɛ yé maa dan Gakelebale tɔ zin fe lɛ, We faa lé Gakelebale a kɛlɛ ko lɛ, a yɛrama. Zin blɛn lé é a kɛlɛ Izraɛlmunu lɛ, Élé nyanaizénle valé sɔlɛle blɛn yɛrama bɛ, maa dan a zuo fe lɛ.

Ézai 63:9

Wolé kleblele faa gi, lanje‐an wo si we gi lo; naa, Mizan boen ɛ wo tabo, élé sɔlɛle valé nyanaizénle gi é dɔ wo zuo yé é go wo nya yifaama, é li.

Jérémi Lé Wuvɔ Sɛbɛ 3:22

Gakelebale lé zin ’ka nyaan lo, A nyanai zénle glɛ ’ka lo.

Daniɛl 9:9

Mizan, kozé Bale, ko nwa i ma, naa, bii a nyanaizénzan valé mimawe?-?vozan nya.

Joɛl 2:13

Té ka sɔnu fia lo, Naa, nyɛ ’é ’wii ka zuru va, Yé ka da Gakelebale, kalé Bale va é ziin, Naa, é a mi mawe dɔɔzan valé nyanaizénzan nya; A bli ’ka flian é kele lo, yé alé zin a blɛɛn, Yé we tɔntɔnnu lé éé a paan munu lɛ zia, éé bli nɔlaan wo kɛlɛle ma.

Jonas 4:2

É we ’ko laa Gakelebale lee yé é léé: Gakelebale, wean maa a fé turu, ’té maa a tan anlé tɛrɛ la, yeean é ke ’ko loo? Amalé é dɔ an gi léé, an go yɔɔ lɛ Taasis. Bii a Bale lé é mi mawe dɔɔ, ’té a nyanai éé zén‐é, ’té a bli ’ka flian é kele lo, ’té zin a a gi kiɛre, ’té éé bli nɔlaan we tɔntɔn kɛlɛle mi lɛ ma, a nya.

Misé 7:18

I bɔmabale a kyɛɛn? Bii lé i mi ma we vo alé weple ma, yé ilé mi sɛ lé wo vo, wolé wenyané éé saan i gi, i bɔmabale a kyɛɛn? I bli ’ka vo flina yifaama lo; nyanai zénle mi ta sɔ i lɛ.

Mi Nɔnɔle 14:18

’yee Gakelebale bli ’ka flian é kele lo, ’é bli a é fanle zin nya; ’é weplekɛlɛzannu valé nwamimazannu ma we voo; ’é ’ka wegyɛzan voo é pla lo, naa, weple lé munu a kɛlɛ, ’é a dɔa wo néné valé wo nénézinénénu nwiin.

Matio 10:22

An tɔ lé we ma lé munu faa é dan ka za pa lɛ. Naa, mian éé yara paan anlé we kɛlɛle ta fɔɔ yé ’é bɔ a ’wuoplana ’bɛzan é dan si lɛ we gi.

WENÉNÉ LÉ LUK A GYE (Évangile selon Luc) 1:50

Munu lé woo kanaan a lee, a nyanai éé zén‐é wo ta lɛɛfaama.

WENÉNÉ LÉ LUK A GYE (Évangile selon Luc) 11:10

Naa, dé miomian éé fɛ laan, woo fɛ no a lɛ; mi lé éé fɛ ginian, éé fɛ yé, yé woo kɔn lɛ soo mi lé éé duoli gya, a lɛ.

WENÉNÉ LÉ LUK A GYE (Évangile selon Luc) 6:36

Amalé ’ka kɛlɛ nyanaizénzannu nya, fɛan zo lé ka Ti ke nyanaizénzan nya, a zo.

Rom munu 2:4

Taa, Kazambale lé fua lé é ke alé wezin koo, alé bli tiéé koo, alé ’wuo dɔle we wuo koo, wo nya, i wo yé fɛ boanu nya lɛɛ? I ’ka a gi dɔɔa léé, Kazambale lé wezin éé i bli nɔlaan Kazambale va loo?

Éfez munu 2:4

Naa, Kazambale nyanai éé zén‐é é baba yé ko va sɔlɛle a a gi blɛɛn, amalé ko lé ko ke é gale kolé we sɛrɛlenu ma, é ko béli ékeva Krist nya. Kazambale lé zin ma lé é ka si we gi.

Ébrunu 10:39

Naa, munu lé wo diéra yé wo san, kaa ’ka wo va mi kenu nya lo, naa, munu lé wo bli ke wo boen sile we gi lɛ, kaa a wo va mi kenu nya.

Ébrunu 3:14

Kaa bli a Kazambale lɛ é vinin fɛan zo, dé kaa bli vo a lɛ ’bɛ zo fɔɔ yé kaa bɔ a ’wuoplana, ’té kaa a Krist gizannu nya.

Ébrunu 3:6

naa, Krist kɛlɛ yarapawelazan nya bélé mi be lé ke é plale ébo lé kɔn nwiin, a zo. Yé kaa a alé kɔn nya, ’té dé kaa bli vo é pale gligli, yé kaa bli vo we lé éé kaa gi nanaan, a lɛ, fɔɔ yé kaa bɔ a ’wuoplana.

SEBE LÉ JAK A GYE (Épitre de Jacques) 1:12

Mian éé dɔa é gidanwenu wuo bli tiéé nya, azé a néné. Naa, a gi danle zuo, wo dan vole é yuɛma nɔ lɛ a lɛ bélé tɔkoro zo; tɔkoro lé Mizan a ma blivolɛdére fe munu lé, Mizan sɔ wo lɛ, wo lɛ bɛ, wo dan a nɔ lɛ a lɛ.

SEBE LÉ JAK A GYE (Épitre de Jacques) 1:2

An bwenu, wa ka gi danna bɛ faa ma fɛan zo bɛ, ka gi ’é nana a we ma ma.

1 Piɛri 1:13

Amalé ’ka ka gi bɔrɔlenu dɔ bélé woo doa dɔa ’wo gyɛn fɛan zo, a zo; ’kabo kun, yé zin lé Bale é dan a kɛlɛ lɛ ka lɛ Jézu Krist bɔrayi nya, ’ka bli kɛlɛ a yele lɛ tegele ma.

1 Piɛri 3:14

Dé é kɛlɛ léé, ka kle ble we tegele ma, ’té kazé a é zima. Té ka kana wo kana?-?mawe lee lo; té ka gi kyɛ é dɔ lo;

2 Piɛri 2:9

Dé Kazambale munu ’konu lé we faa yuɛ gi bo tegele a zo ’naan, ’té Mizan ’ka bɔalɛ léé, élé zisɔlɛmunu si wo gidanle gi loo? É ’ka bɔalɛ léé, é mi plenu tadɔ welɛdɔle wo gi webleyi nya we gi loo?