SEBE LÉ JAK A GYE (Épitre de Jacques) 5:10 - Kazambale lé Sebe Sauunu 1979

¹⁰ An bwenu, Balelayemunu lé wo we fe Mizan tɔ gi, ’ka wo si kalé wekɛlɛmazannu nya, nyanéblele valé bli tiéé gi.

SEBE LÉ JAK A GYE (Épitre de Jacques) 5:10 ပူးပေါင်းရင်းမြစ်များ

2 Minwiinmunu lé Wezuofe Sɛbɛ 36:16

Naa, wo Bale lé nwunvɔzannu ma we nana; wo lɔlu plɛn ’bɛnu dérenu ma, yé wo yéri si alé balelayezannu ma, fɔɔ, yé Gakelebale lé bliflile élé munu ma gié é glɛ la.

Ézai 39:8

Ézékia a zi pa Ézai lɛ léé: Gakelebale dére lé bé fe, é a é zima. Yé é lé é ziin léé: Anzé tɛrɛla bléyi va, munu é dan vo lɛ drɔɔ, ’té wo gi a é sanle wobo ma.

Jérémi 2:30

Maa ilé nénu bla, naa, ’bɛ tɔnɔ ’ka lo. Anlé we lɛdɔle wo gi ’ka wo yuɛ gi bɔ lɛ lo. Ka balelayezannu gyɛ gwɔun nya bélé fɛan zo lé golizra éé mi gya, a zo.

Jérémi 23:22

Dé é kɛlɛ kɔɔn léé, wo nyana anlé wekyɛ zi, ’té wo an dérenu fe anlé munu lɛ, ’té wo wo si wolé tawobɛ naané zuo, ’té wo wo si wo kɛlɛwe lɛrɛlɛrɛnu zuo.

Jérémi 26:16

Mi segelenu valé munu faa we fe Balebanmunu valé balelayezannu lɛ léé: Mi ’ko ga yara kaan lo; naa, é we fe ko lɛ Gakelebale kolé Bale tɔ gi.

WENÉNÉ LÉ LUK A GYE (Évangile selon Luc) 13:34

Jérusalɛm munuoo, Jérusalɛm munu! Ka lé ka balelayemunu gya, ’té munu lé maa wo paan ka lɛ zia ka wo gya gɔlɛ nya, gɔnɔ kiɛre nya maa a a va léé, maa ka wɔra an va bélé fɛan zo lé mane tina é élé nénu wɔraan é bɛa wuo, a zo, yé ka ’ka a nyi si lɛ lo.

WENÉNÉ LÉ LUK A GYE (Évangile selon Luc) 6:23

’Bɛ yi la ka gi ’é nana fɔɔ nɛnɛ bole nya, naa, ka gooli é dan kɛlɛ lɛ blɛn la gi. A zo duo lé wo tranu a kɛlɛ balelayemunu lɛ.

Kelewenu 3:21

é dan vo lɛ la gi fɔɔ yé a bléyi é bɔ yé fɛnu faa é kɛlɛ ’wo dɔbɛ gi, fɛan zo lé Kazambale a fe é kyɛn élé balelayezannu sauun lɔlu nya, a zo.

Kelewenu 7:52

Balelayezannu va mi kyɛn ta lé ka tranu ’ka nyané pa lɛ loo? Munu lé, wo Mi Tegele dale fe é kyɛn, ka tranu wo gyɛ. Lao ka ’bɛzan liwo yé ka kɛlɛ ’bɛ gyɛzannu nya,

Ébrunu 13:7

Ka zilɛzannu lé wo Kazambale dére fe ka lɛ é vinin bɛ, wo sele ’é dɔ ka gi ma, wo wolé tɛrɛla nyaa fɛan zo, ’ka bɔn‐in bɔrɔ ’bɛ ma; kalé blipale ’é kɛlɛ bélé wozé zo ma.

SEBE LÉ JAK A GYE (Épitre de Jacques) 4:11

Bwenu, té ka wenaané fe ka ke ma lo. Dé mian wenaané fe é bwe ma, dé mian é bwe ma we ble, ’té é a wenaané fena bélidɔwe ma, ’té é a bélidɔwe ma we blena. Yé dé i a bélidɔwe ma we blena, ’té i ’ka a ta tawozan nya lo, ’té i a a ma we blezan nya.

SEBE LÉ JAK A GYE (Épitre de Jacques) 5:13

Ka va mi do a nyané blenaa? ’É bazoro ma. Yé mi do gi a nananaa? ’Bɛ ’é lɛrɛ vɔ ma.

SEBE LÉ JAK A GYE (Épitre de Jacques) 5:7

Bɛwemalé, bwenu, ka bli ’é kɛlɛ tiéé fɔɔ yé Mizan é da. Ka ye, féipazan é élé féifɛwezan lɛbɛn‐é é bli tiéé nya fɔɔ yé lɛɛ vininzan valé lɛɛ voélazan é da alé féi.

SEBE LÉ JAK A GYE (Épitre de Jacques) 5:9

Bwenu, té ka gun gyɛ ka ke ma lo, té wo kalé we ble lo we gi. Ka ye, Weblezan bɔ é pu.