SEBE LÉ JAK A GYE (Épitre de Jacques) 4:8 - Kazambale lé Sebe Sauunu 1979

⁸ ’Ka bié Kazambale sɔnɔ yé é dan bié lɛ ka sɔnɔ. ’Kaa wenyanékɛlɛmunu, ’ka bɛ ma foli. Ka lé ka vɔa we faa ’lɛ, ’ka ka bli kɛlɛ tegele.

SEBE LÉ JAK A GYE (Épitre de Jacques) 4:8 ပူးပေါင်းရင်းမြစ်များ

Wepélisiananu 18:23

Abraam bié yé é léé: I dan mi tegele gyɛ lɛ zamaga nya mi nyané vaa?

Minwiinzannu lé Wezuofe Sɛbɛ 28:9

Yé bii, an be Salomɔn, ’i i ti Bale dɔɔ ma, bé kun i bɛ fié nya, bélé nyanama pa i bli faa nya ma, naa, Gakelebale éé mi faa bli gi ginian fɔɔ yé é bɔ a wɔlɛ ma, yé é mibligiwe valé mi lé gibɔrɔlenu faa dɔɔ. Dé bé nagini, é dan zi nɔ lɛ i lɛ léé, i ’é ye; dé i sɔn vɔ a ma é dan sɔn vɔ lɛ i ma yifaama.

2 Minwiinmunu lé Wezuofe Sɛbɛ 15:2

yé Azaria go Aza va, yé é lé a lɛ léé: Aza, ’i tɔné dɔ an lɛ, bii valé Judanu valé Bɛnjamɛnnu. Bléyian va lé ka a Gakelebale va, ’té é a ka va. Dé ka a nagini, ka dan a ye lɛ; naa, dé ka sɔn vɔ a ma, é dan sɔn vɔ lɛ ka ma.

JOB (Job) 16:17

Dɔlé ’té maa ’ka glawe do kpen kɛlɛ lɛ lo, Yé anlé bazorodére a yifaama tegele.

JOB (Job) 17:9

Duowo, mi tegele a é dɔle gligli ézé zi ta, Mi lé a bɛ ma ke é bɔle a suni taa wɔra.

JOB (Job) 9:30

Dé an zuru ’yi kyɛ nyaoo, Dé an bɛ ma bɔ sabli nyaoo,

Lɛrɛvɔ Sɛbɛ 119:113

Blifiézan za a an gi, Naa, ilé bélidɔwe sɔ an lɛ.

Lɛrɛvɔ Sɛbɛ 145:18

Munu faa lé woo Gakelebale laan, é a wo sɔnɔ, Wo faa lé wa laan ’wo bli faa nya, woo lé;

Lɛrɛvɔ Sɛbɛ 18:20

É an vo anboma é zima An sɔ a lɛ, amalé é an si we gi.

Lɛrɛvɔ Sɛbɛ 24:4

Mian a bɛ ma ke é bɔle yé a bli gi ke é fu, Mian é ’ka daan ébo ma léé, é viéwo lo, Yé é ’ka bale nyɔɔn‐an dabli nya lo, yee lé.

Lɛrɛvɔ Sɛbɛ 26:6

An bɛnu ma folié ’té an nwiin a é pla, Oo Gakelebale, yé an giéma i banna zi,

Lɛrɛvɔ Sɛbɛ 51:10

’I ginanale valé fɛti kɛlɛle vun we, maa ’ma, Yé an wɔlɛnu lé i wo yéli bɛ, ’wo dɔ é ke ’léé yé an gi ’é nana ma;

Lɛrɛvɔ Sɛbɛ 73:13

Amalé an bli gibɔle kɛlɛ we pla nya, Yé an bɛ ma folile, ’té we ’ka an nwiin lo bɛ, ’bɛ kɛlɛ we pla nya.

Lɛrɛvɔ Sɛbɛ 73:28

Naa, dé é a anzé nya, an biéle Bale sɔnɔ é a an ma é zima; Mizan, Gakelebale, a an vɔzizan nya, I panyanamanu faa zuo fele we ma.

Ézai 13:15

Munu faa lé wo bɔ wo ma, wo dan wo fɔn lɛ; munu faa lé wo wo kun, wo dan wo gyɛ lɛ gwɔun nya.

Ézai 29:13

Mizan léma: Dé munu ’ko bié an sɔnɔ, woo an tɔ bɔa ’wo ’léé valé ’wo lɔlu nya, naa, wo bli a é sile an ma baa, yé kana lé wa wo an lee, é a munu lé gɔnɔlawe nya é pla.

Ézai 58:2

Yifaama woo an naginian. É sɔ wo lɛ léé, wo an kɛlɛwenu dɔɔ. Woo we fé an lɛ bélé bɛn lé woo we tegele kɛla, ’té wo ’ka sɔn vɔa wolé Bale lé bélidɔwe ma lo, wo zo, yé wo léé, ’maa we gi bɔi é bɔina. É sɔ wo lɛ léé, ’wo bié ’wolé Bale ma.

Jérémi 4:11

’Bɛ bléyi va, wo dan a fe lɛ munu ’ko valé Jérusalɛm munu lɛ léé: Funé éé sié fɛna lorunu na nyéné saa lé fɛna yé éé giéan anlé munu lé zi ’léé. Fu zin kaan lo, fɛwɔlɛ vasi fu kaan lo,

Jérémi 4:14

Jérusalɛm munu, ’ka kalé wenaanénu si ka bli gi, léé, ka si we gi. Ka dan vo lɛ ka gi bɔrɔna weple ma bléyi faa vaa?

Jérémi Lé Wuvɔ Sɛbɛ 3:57

Yian nya lé maa i laa, i bié an sɔnɔ, Yé i lé an lɛ léé: Té i kana lo.

Ézékiɛl 18:31

Bélidɔwe sɔnné sɛrɛlenu faa lé wo ke kalé wenyanénu nya, ’ka sɔn vɔ wo ma. ’Ka ka bli kɛlɛ bli dɛrɛ nya, yé ’ka ’wuogibɔrɔlenu nɔla. Izraɛlnu, mɛmalé ka gaan?

Zakari 1:3

Amalé bé fe wo lɛ léma: Lai sunyanu lé Gakelebale léma: ’Ka da maa, lai sunyanu lé Gakelebale va é ziin, yé maa dan da lɛ é ziin ka va. A zo lé Gakelebale a fe.

Malasi 3:7

É sia ka tranu bléyi va, ka si an dére zuo, yé ka ’ka wo ta tawoo lɛ lo. ’Ka da an va ka pa gi, yé maa dan da lɛ ka va é ziin; a zo lé lai sunyanu lé Gakelebale a fe. Yé ka léé: Ko dan i va kaa? Ko ana ’ko.

Matio 12:33

É a lé, dé yili do a é zima, ’té a poro a é zima, dé ’bɛ kaan lo, é a é naané ’té a poro a é naané. Woo yili dɔɔan é poro ma.

Matio 15:2

Mɛmalé i zuomunu ’wo tranu lé gɔnɔlawe lɛgaan?-?maa? Naa, dé wa fɛ blena, wo ’ka ’wo bɛ ma folié lo.

Matio 27:24

Pilat a ye aan wo léé, wo ’ka ’é dére nyi sina lo, yé wele wooo gi gyɛ, é ’yi si yé é bɛ ma foli mi gu yuɛ va yé é léma: Mi tegele ’ko, an bɛ ’ka ’bɛ nyɛ wuo lo. Kalé we ’bɛ.

Kelewenu 15:9

É ’ka kaalé we kɛlɛ lɛ é yɛrama yé é ’bɛnu zé kɛlɛ é yɛrama lo. É wo bli kɛlɛ sauun bli pale ma.

2 Korɛnt Munu 7:1

An sɔlɛzannu, blivolɛdére ’ko zonu a kaa lee, amalé kaa dɔbɛ kyɛn ma tiridɔfɛnu valé léli ma tiridɔfɛnu faa si kaa ma ma, kaa kɛlɛle sauun lɛsɔɔle we ma, kanale Kazambale lee nya.

1 Timoté 2:8

Bɛwemalé é sɔ an lɛ léé, munu ’é bazoro fɛfaana, wo bɛ sauun nwale nya, ’té bliflile valé zavɔbli ’ka wo gi lo.

Ébrunu 10:22

Bɛwemalé kaa bié bli do valé blipale bozen nya ma, ’té kaa bli gi a fu, ’té gi kɔun ’ka kaa ma lo, ’té kaa kɔlɛ a é zurule ’yi zima nya.

SEBE LÉ JAK A GYE (Épitre de Jacques) 1:8

é a bli fiézan nya, yé a yuɛgi éé blaan we faa gi, azama.

SEBE LÉ JAK A GYE (Épitre de Jacques) 3:17

Wedɔɔle lé éé sié la gi, é a é vinin sauun, ’bɛ zuo é a drɔɔ, é ébo kunwoo, éé mi bli dɔralaan, a nyanai éé zén‐é é baba, a ma tɔnɔ a di, é ’ka glɛ dɔa mi gi lo, é ’ka ébo drɔan lo.

1 Piɛri 1:22

Webozen lɛdɔmale nya lé ka boen kɛlɛ wéiin, ka sɔle ka ke lɛ tegele bélé bwenu zo we gi, amale sin, ’ka sɔ ka ke lɛ é baba, ka bli faa nya ma.

1 Piɛri 3:21

’Yi ’ko a batizé lé éé ka sié we gi sin, a tɔmase nya. Batizé ’ka ka kɔlɛ zurule we nya lo, dé kalé wevasibli ’ka we dɔa ka nwiin Kazambale yara lo, yee lé ke batizé nya, yé é ka sié we gi Jézu Krist nwale gale va nya.

1 Jan 3:3

Yé dé miomian a bli ke Jézu dale lɛ, ’bɛzan é ébozen kɛla sauun, bélé fɛan zo lé Jézu ke sauun, a zo.

1 Samuɛl 14:35

Saul Gakelebale banna kɛlɛ; é a balebanna vininzan lé é a kɛlɛ Gakelebale lɛ, a nya.