SEBE LÉ JAK A GYE (Épitre de Jacques) 4:5 - Kazambale lé Sebe Sauunu 1979

⁵ É a ka gi léé, Kazambale lé sɛbɛ éé we fé é plaa? Léli lé Kazambale a pa ka gi, éé maawoo.

SEBE LÉ JAK A GYE (Épitre de Jacques) 4:5 ပူးပေါင်းရင်းမြစ်များ

Wepélisiananu 26:14

Alé trubɛnu a, diri valé ’blanu nya, yé a wuomunu a di. Amalé Filisitinu bli bɔ alé fɛnu ma.

Wepélisiananu 30:1

Rasɛl a ye an wo léé, é ’ka né yaana Jakɔb lɛ lo, é ’é buru ma maawo yé é lé Jakɔb lɛ léé: ’I né nɔ an lɛ, dé ’bɛ kaan lo, an gaan.

Wepélisiananu 37:11

A va maawole a é bwenu bli gi, naa, we ’konu sele voo a ti gi.

Wepélisiananu 38:9

Onan a gi dɔɔ léé, né ’ka dan kɛlɛ lɛ ézé nya lo; amalé é go é bwe na va aan wo é fɛ zana tɛrɛ va, léé, té é né nɔ é bwe lɛ lo.

Wepélisiananu 6:5

Gakelebale a ye léé, munu a weple kɛlɛna é baba tɛrɛ la, yé wolé gi bɔrɔle faa a gona wenaané saa va yi faa do do ma.

Wepélisiananu 8:21

Gakelebale fɛ gin néné si, yé Gakelebale lé é bli gi léé: Dé munu bɔn‐in bɔrɔle naané pélisia wo kénéné la bléyi vaoo, maa ’ka dan bale pa lɛ tɛrɛ ma munu lé we ma é dɛrɛ lo. Fɛnu faa lé ke é yuɛma, maa ’ka dan wo bla lɛ é dɛrɛ, bélé maa kɛlɛ fɛan zo ’ko, a zo lo.

Lɛrɛvɔ Sɛbɛ 106:16

Wo maawo Moizi ma fla, Yee valé Gakelebale lé mi sauun Arɔn nya.

Lɛrɛvɔ Sɛbɛ 37:1

David zé lé. Té mi nyanénu lé we é ’na i ma lo, Munu lé woo wenaané kɛla, té i wo ma maawo lo.

Wegɔnévɔlenu 21:10

Mi naané bli éé bɔa wenaané ma; a béé ’ka mi zin nya a yuɛ gi lo.

Bale Lé We Gifezan 4:4

Maa a ye léé, nyanama faa valé blabole faa a blami lé maawole nya é wo é bɔluzan ma. ’Bɛ a é ziin boawe valé fuzuobinwe nya.

Ézai 11:13

Éfraim munu ’ka dan maawo lɛ é dɛrɛ lo; wo nyané lé ke Juda munu gi, ’bɛ yi é dan ga lɛ. Éfraim munu ’ka dan maawo lɛ Juda munu va é dɛrɛ lo. Juda munu ’ka dan bla gié lɛ ’wo péli ma yé wa pla Éfraim munu nwiin é dɛrɛ lo.

Mi Nɔnɔle 11:29

Moizi a zi pa a lɛ léé: I a maawona wo va anlé we maa? Gakelebale lé munu faa ’é kɛlɛ balelawefemunu nya ma, yé Gakelebale ’é léli zén wo ta ma.

Mi Nɔnɔle 23:19

Bale ’ka mi nya yé é vié wo lo. É ’ka blami be nya yé a bli éé nɔlaan lo. É wean fe ’naan, é ’ka dan a kɛlɛ lɛ loo? É wean lɛ kini ’naan, é ’ka dan a lɛ sɔɔ lɛ loo?

WENÉNÉ LE JAN A GYE (Évangile selon Jean) 10:35

Munu lé wo Kazambale lé we fe wo lɛ, dé Kazambale lé sɛbɛ wo laa balenu, yé dé sɛbɛgiwe ’ka bɔaléé, é kɛlɛ we pla nya lo,

WENÉNÉ LE JAN A GYE (Évangile selon Jean) 19:37

Yé é a é gyɛle Kazambale lé sɛbɛ gi fɛ bɛna é ziin léé: Mi lé wa fɔn, wo dan a ye lɛ.

WENÉNÉ LE JAN A GYE (Évangile selon Jean) 7:42

Kazambale lé sɛbɛ ’ka a fe lɛ léé, David kulu gi lé é dan si lɛ loo? Krist ’ka dan si lɛ Bɛtléɛm, fɛana lé David ke é vinin, ana loo?

Kelewenu 7:9

Guniwuonu Jozɛfu ma maawo yé wa dan yé mi lé ’bɛ a lɔ, ’bɛ go a nya Éjipiti tɛrɛ la.

Rom munu 1:29

Woo weple gɔnɔ faa kɛla, woo we lɛrɛlɛrɛ kɛla, wo bli éé bɔa gɔɔli ma, woo mi blifliwe kɛla, wo bli éé bɔa mi bɛ lé fɛ ma, woo mi gya, woo we sian, woo dabli kɛla, woo mimafɛ kɛla, wa é fanle we ’konu nya;

Rom munu 9:17

Naa, Kazambale lé sɛbɛ lé Faraɔn lɛ léé: Maa i kɛlɛ blɛn, léé, maa anlé plɛplɛ nagɔɔn ilé we gi, yé an tɔ ’é kɛlɛ gyéiin tɛrɛ faa la.

1 Korent munu 6:19

Ka ’ka a gi dɔɔa léé, Léli Sauun lé ke ka gi, ’té Bale a nɔ ka lɛ bɛ, ka kɔlɛ a alé kɔn nya loo? Yé ka ’ka a gi dɔɔa léé, ka ’ka kabozen zé nya lo loo?

2 Korɛnt Munu 6:16

Kazambale bangikɔn valé miyilinu, ’bɛnu éé nanaan? Naa, ko a Bale yuɛmale lé kɔn nya, bélé fɛan zo lé Kazambale a fe, a zo. É léé: Maa dan nyana lɛ wo va, yé maa dan tawo lɛ wo méléna; maa dan kɛlɛ lɛ wolé Bale nya, yé wo dan kɛlɛ lɛ anlé munu nya.

Galasi munu 3:8

É ziin, Kazambale lé sɛbɛ a fale vɔ é kyɛn léé, Kazambale é dan bɛn bɛnu kɛlɛ lɛ tegele blipale nya; yé é wenéné ’ko fe Abraam lɛ a bléyi ’lɛ yé é léé: Bɛnnu faa drɔɔ é dan vo lɛ i gi.

Tite 3:3

Naa, é vinin, ko é ziin, ko a tavozannu koo, mi lɛgamazannu koo, mi sanlenu koo, wo nya; ko bli éé bɔa fɛ faa ma; wenaané gɔnɔ faa lɔrɔ a ko ma; ko wenyané kɛla ’té ko maawoo; ’té munu lé ko za pa yara lé, ’té ko ko ke za paan.