SEBE LÉ JAK A GYE (Épitre de Jacques) 4:4 - Kazambale lé Sebe Sauunu 1979

⁴ Ka a bélé le bɛ valé gɔné bɛ ginizannu zo. Ka ’ka a gi dɔɔa léé, tɛrɛla sɔle mi lɛ éé mi kɛla Kazambale nyanézan nya loo? Bɛwemalé, dé mian éé tɛrɛlawe kɛla ’é béé nya, ’té é a ébo kɛlɛna Kazambale nyanézan nya.

SEBE LÉ JAK A GYE (Épitre de Jacques) 4:4 ပူးပေါင်းရင်းမြစ်များ

Wepélisiananu 3:15

Maa dan guli pa lɛ bii valé lezan méléna, a kulu valé i kulu méléna; a kulu é dan i ’wuo wii lɛ yé i kulu é dan suiɛ dɔ lɛ a kulu ganetɛn ma.

Lɛrɛvɔ Sɛbɛ 21:8

Minwiinzan blɛn é ébo bɛ paan Gakelebale lee, Yé Loruzan lé zin lé we ma lé, é ’ka diaan lo.

Lɛrɛvɔ Sɛbɛ 50:18

Dé i kyeenwozan ye, i nanaan a va, Yé bii valé leginimunu péli a do.

Lɛrɛvɔ Sɛbɛ 73:27

Naa, bé ye, munu lé woo sié i ma baa, woo zamaga woo; Wo faa lé woo sié i va, i dan wo si lɛ ana tata.

Ézai 57:3

Naa, ’kaa yokɛlɛ le benu, leginizan valé bɔrɔdɛ dɔgɔnɔ, ’ka bié ze.

Jérémi 2:2

’I go, yé ’i siaa Jérusalɛm munu tɔné gi léma: Gakelebale léma: An sɔ i lɛ i boroné la bléyi va fɛan zo, a sele a an gi. Ko ke si é dɛrɛ bléyian va, an wea i lee fɛan zo, ’Té i go an zuo bwi gi, Féi ’ka fɛana lo, ana, a sele a an gi.

Jérémi 9:2

Oo, dé é vo léé, kɔn do a an lee bwi gi giézannu nyanana nya, ’Té an sɔn vɔ anlé munu ma yé an si wo ma baa; Naa, wo faa a le bɛ valé gɔné bɛ ginizannu nya; Wa dabli munu nya.

Ézékiɛl 16:32

I kɛlɛ le lé é gɔné bɛnu sié ’é zana pa gi, a nya.

OZÉ (Osée) 3:1

Gakelebale lé an lɛ léé: ’I go é ziin, yé yee gɔnégini le lé a bwɛ ke, bé lɔrɔ pa; Izraɛl lé nénu lé woo goo bale bɛnu zuo, ’té woo dɔrɔporo gato kɛla ’bɛnu lɛ bɛ, fɛan zo lé Gakelebale wo lɔrɔ pa, ’i lezan lɔrɔ pa a zo.

Matio 12:39

É a zi pa wo lɛ léé: ’Kaa pɛnpɛnnégyɛmunu lɛrɛlɛrɛ ’ko, ka tɔmase ma laan; naa, maa ’ka dan tɔmase bɛ nagɔɔn lɛ ka lɛ lo, fɔɔ balelayezan Jonas zé do kpen lé.

Matio 16:4

’Kaa pɛnpɛnnégyɛmunu lɛrɛlɛrɛ ’ko, kaa ɛ tɔmase ma laan. Naa, maa ’ka dan tɔmase bɛ nagɔɔn lɛ ka lɛ lo fɔɔ, Jonas zé do kpen lé. A zuo é si wo va yé é go.

Matio 6:24

Mi ’ka bɔa kɛlɛle lɛ mi fié wuozan nya lo. Naa, a do za é dan vo lɛ a gi, yé a koɛzan é dan sɔ lɛ a lɛ; é dan nana lɛ a do va, yé é dan a koɛzan ye lɛ boami nya. Ka ’ka bɔa kɛlɛle lɛ Kazambale valé tɛrɛlafuafɛnu wuozannu nya lo.

WENÉNÉ LÉ LUK A GYE (Évangile selon Luc) 19:27

Naa, an nyanézannu lé an plale wo nwiin ’ka sɔ lɛ wo lɛ lo, ’ka da wo nya ’ko, yé ’ka wo bɔrɔ bo an yuɛ va.

WENÉNÉ LE JAN A GYE (Évangile selon Jean) 15:19

Dé é vo kɔɔn léé, ka a tɛrɛlamunu zé nya, ’té ka sɔ wo lɛ, naa, ka ’ka tɛrɛlamunu zé nya lo, yé maa ka si tɛrɛlamunu méléna, bɛwemalé ka za a tɛrɛlamunu gi.

WENÉNÉ LE JAN A GYE (Évangile selon Jean) 17:14

Wo ’ka tɛrɛlamunu nya lo, bélé fɛan zo lé maa ’ka tɛrɛlami nya lo, a zo, bɛwemalé dé maa i dére fe wo lɛ, wo za a tɛrɛlamunu gi.

WENÉNÉ LE JAN A GYE (Évangile selon Jean) 7:7

Tɛrɛlamunu ’ka bɔa ka za pale lɛ lo. Maa wo ma we fe léé, wo kɛlɛwenu a é naané, amalé an za a wo gi.

Rom munu 5:10

Dé ko nana Kazambale va a Be gale lé we ma, bléyian va lé ko ke a nyanézannu nya, ’bɛ bléyi va ’naan, ko nanale a va zuo ’té a Be bélile ’ka dan ko si lɛ we gi loo?

Rom munu 8:7

Naa, mi dɔbɛ kyɛn lé gibɔrɔle éé mi kɛla Kazambale nyanézan nya; mi dɔbɛ kyɛn ’ka dɔa Kazambale lé bélidɔwe la lo yé é ’ka bɔalɛ pelo, azama.

1 Korent munu 1:20

Wedɔɔzan a kyɛɛn? Sɛbɛdɔɔzan a kyɛɛn? Bléyi ’ko va zavɔzan a kyɛɛn? Kazambale ’ka tɛrɛ ’ko la munu lé wedɔɔle kɛlɛ lɛ tavowe nya loo?

1 Korent munu 1:21

Kazambale lé wedɔɔle gi, é a kɛlɛ léé, té tɛrɛlamunu ’é dɔɔ ’wolé wedɔɔle nya lo; é sɔ Kazambale lɛ léé, munu lé wo bli vo ’é lɛ, ’é wo si we gi wenéné lé ke ’tugyɛwe nya, alé we fele nya.

Galasi munu 1:10

Yé lao, maa a a va léé, munu ɛ an ye mi zin nya laa, taa, Bale ɛ an ye mi zin nyaa? Taa, maa a kwa kulina léé, anlé we é sɔ munu lɛɛ? Dé maa a tan kwa kulina léé, anlé we é sɔ munu lɛ, ’té maa ’ka kɛla kɔɔn Krist wuozan nya lo.

SEBE LÉ JAK A GYE (Épitre de Jacques) 1:27

Mi lé éé bɔa ti valé bugalanénu koo, gyɛzaralomu koo, wo va, wolé nyanéblele gi, ’té é ’ka tɛrɛlamunu lé mitiridɔwe kɛla lo, kaa Ti Bale yuɛ gi, ’bɛzan a bazorozi tegele boen ta tawona.