SEBE LÉ JAK A GYE (Épitre de Jacques) 4:3 - Kazambale lé Sebe Sauunu 1979

³ Ka fɛ laan é naané, fɛyɛlɔrɔ sile ka ma we gi, amalé ka fɛ laan yé ka ’ka a yé lo.

SEBE LÉ JAK A GYE (Épitre de Jacques) 4:3 ပူးပေါင်းရင်းမြစ်များ

1 Minwiinzannu 3:11

Yé Bale lé a lɛ léé: I we ’ko laa an lee bɛ, yé mɔnle tɛrɛ la koo, fuanu koo, i nyanézannu gale koo, i ’ka wo laa lɛ izé nya lo, yé i wedɔɔle laa, we tegele kɛlɛle we gi,

JOB (Job) 35:12

Woo siaan é pla, Mi naanénu lé boblɛn lé we ma, Kazambale ’ka a zi paan lo.

Lɛrɛvɔ Sɛbɛ 18:41

I an nyanézannu nwun zi dɔa an ta, Yé munu lé an za ke wo gi, maa wo kulu gaan.

Wegɔnévɔlenu 1:28

Wo dan an laa lɛ, yé maa ’ka dan we lɛ lo; wo dan an gini lɛ yé wo ’ka dan an ye lɛ lo.

Wegɔnévɔlenu 15:8

Mi nyanénu lé saraka a lɛrɛlɛrɛ Gakelebale yuɛ gi, naa, mi drɔlenu lé bazorole éé sɔa a lɛ.

Wegɔnévɔlenu 21:13

Mi lé éé tɔné lɛ taan nyanégyɛzan siaale ma, yeebozen é dan siaa lɛ yé wo ’ka dan we lɛ a zi lo.

Wegɔnévɔlenu 21:27

Mi naané lé saraka a bélé bo zo; yé dé é a bo é gi bɔrɔle naané nya é bli gi nii?

Jérémi 11:11

Bɛwemalé Gakelebale léma: Ka ye, maa dan we tɔntɔnnu bɔ lɛ wo ma, ’té wo ’ka dan bɔ lɛ ’wobo sile lɛ a gi lo. Wo dan siaa lɛ an lɛ, yé maa ’ka dan tɔné dɔ lɛ wo lɛ lo.

Jérémi 11:14

Jérémi, té bii é dɔ munu ’ko lé we gi lo; té i dére nwa wo ma zanté vɔlenu valé wo ma bazorolenu nya lo. Naa, dé we tɔntɔn bɔ wo ma, dé wo an laa, maa ’ka dan tɔné dɔ lɛ wo lɛ lo.

Jérémi 14:12

Dé wo lɔrɔ sɔn‐oo, maa ’ka dan an tɔné dɔ lɛ wolé welaadére lɛ lo. Dé wo wi kyɛ ble an lɛoo, dé wo blɛ kɛlɛ an lɛoo, maa ’ka dan ’bɛ ban‐ɛn ble lɛ lo; naa, é sɔ an lɛ léé, maa wo kulu ga, gwɔun koo, lɔrɔ koo, migyɛgyɛ koo, wo nya.

Misé 3:4

’Bɛ zuo wo dan siaa lɛ Gakelebale lɛ, naa, é ’ka dan we lɛ wo zi lo; ’bɛ bléyi va é dan é yara yɔɔ lɛ wo lee; wo wenaanénu kɛlɛ, azama.

Zakari 7:13

Lai sunyanu lé Gakelebale léma: Dé an wo laa, wo ’ka ’wo tɔné dɔa lo, amalé dé wo an laa, maa ’ka an tɔné dɔ lɛ wo lɛ lo.

Matio 20:22

Jézu léé: We lé ka a laa an lee, ka ’ka a gi dɔɔa lo. Kana lé an dan ’yi mini lɛ a gi ’naan, ka bɔalɛ léé, ka ’yi mini a gii? Wo lé a lɛ léé: Ko bɔalɛ.

Maak 10:38

Jézu lé wo lɛ léé: We lé ka a laa an lee, ka ’ka a gi dɔɔa lo. Kana lé an dan ’yi mini lɛ a gi ’naan, ka bɔalɛ léé, ka ’yi mini a gii? Yé wo dan an batizéwo lɛ bɛan gi ’naan, ka a nyi sié léé, wo ’ka batizéwo ’bɛ bɛ gii?

WENÉNÉ LÉ LUK A GYE (Évangile selon Luc) 11:10

Naa, dé miomian éé fɛ laan, woo fɛ no a lɛ; mi lé éé fɛ ginian, éé fɛ yé, yé woo kɔn lɛ soo mi lé éé duoli gya, a lɛ.

WENÉNÉ LÉ LUK A GYE (Évangile selon Luc) 15:13

’Bɛ zuo yi sɛ nya yé a voélazan élé fɛnu faa sia yé é go tɛrɛ baa la. ’Bɛna mi, é élé gɔɔli sɛrɛ wevɔnle kɛlɛle ma.

WENÉNÉ LÉ LUK A GYE (Évangile selon Luc) 15:30

Paka! Yé i be lé ke bɛ, é i zarafɛnu sia yé é wo sɛrɛ gɔnéginilomu ma, yé dé é da tɔɔn, yé i diriné bualeo gyɛ a lɛ.

SEBE LÉ JAK A GYE (Épitre de Jacques) 4:1

Gulidanlenu valé zɔdɔlenu lé wo ke ka méléna bɛ, woo sié kyɛɛn? Wo ’ka sié fɛyelɔrɔ lé woo guli daan ka kɔlɛnu gi bɛ, wo va loo?

1 Jan 3:22

Dé kaa fɛofɛan laa Bale lee, kaa a yé a va, kaa a alé bélidɔwenu kɛlɛna, é valé a sɔlɛwenu nya, azama.

1 Jan 5:14

Dé ko fɛ do laa Kazambale lee alé blibɔmawe yɛrama, é ’é tɔné dɔa ko lɛ, amalé ko ’ka goo Bale ’lɛ bli fié nya lo.