SEBE LÉ JAK A GYE (Épitre de Jacques) 4:11 - Kazambale lé Sebe Sauunu 1979

¹¹ Bwenu, té ka wenaané fe ka ke ma lo. Dé mian wenaané fe é bwe ma, dé mian é bwe ma we ble, ’té é a wenaané fena bélidɔwe ma, ’té é a bélidɔwe ma we blena. Yé dé i a bélidɔwe ma we blena, ’té i ’ka a ta tawozan nya lo, ’té i a a ma we blezan nya.

SEBE LÉ JAK A GYE (Épitre de Jacques) 4:11 ပူးပေါင်းရင်းမြစ်များ

Lɛrɛvɔ Sɛbɛ 140:11

’Wo kyɛnyɛ zén wo ta ma. ’Wo wo vuli kyɛ va ma, ’Wo wo vuli gurunu lé wo ’ka bɔa bɔrale lɛ wo gi lo, wo wɔlɛ ma ma.

WENÉNÉ LÉ LUK A GYE (Évangile selon Luc) 6:37

Té ka mi ma we ble lo, yé wo ’ka dan ka ma we ble lɛ lo; té ka we dɔ mi nwiin lo, yé wo ’ka dan we dɔ lɛ ka nwiin lo; ’ka mi ma we vo, yé wo dan ka ma we vo lɛ.

Rom munu 2:1

Bɛwemalé, bii lé i mi bɛ ma we blé, dé i a miomian nya, ibozen dɔna ’ka lo; bii lé i mi bɛ ma we blé, bii, wo kɛlɛwe duoan bé kɛla loo? Amalé dé i mi bɛ ma we blé, ’té i we dɔa ibozen nwiin.

Rom munu 2:13

É ’ka kɛlɛ lɛ léé, munu lé woo bélidɔwe maan, wo ɛ ke mi tegelenu nya Kazambale yuɛ gi lo, naa, munu lé woo a ta tawoo, wo ɛ lé we é dan kɛlɛ lɛ tegele.

Rom munu 7:7

Amalé kaa fé nɔɔ? Bélidɔwe a wenyané nyaa? Gba! Naa, dé é ’ka bélidɔwe nya lo, ’té an ’ka wenyané va sina dɔɔa lo. Dé bélidɔwe ’ka a fe lɛ léé, té i bli é bɔ fɛnu ma lo lo, ’té maa ’ka blibɔle fɛnu ma lé we gi dɔɔa lo.

1 Korent munu 4:5

Amalé maa léé, té ka we do kpen ble a blebléyi ’lɛ lo, fɔɔ yé Mizan ’é da. Wenu lé é ke é yɔɔle gunutinu va, yee ɛ dan wo bɔra lɛ san va. Yee ɛ dan mi bɔngiwenu bɔra lɛ munu yuɛ va. Yé munu lé wo tɔ zin fe yara lé, Kazambale é dan wo tɔ zin fe lɛ.

2 Korɛnt Munu 12:20

Naa, an kana léé, dé maa bɔ ka va, maa ’ka dan ka ye lɛ bélé fɛan zo lé é sɔ an lɛ, a zo lo, yé ka dan maa ye lɛ fɛan zo lé é ’ka sɔ lɛ ka lɛ lo, a zo. An kana léé, wesiale koo, maawole koo, zapale koo, zakɛlɛle koo, mi tɔ sɛrɛle koo, mi tɔ naané bɔle koo, boblɛn koo, we bilibili koo, maa dan wo ye lɛ.

Éfez munu 4:31

We nyanale koo, zapale koo, bliflile koo, zɔdɔle koo, mitɔsɛrɛwe koo, we lɛrɛlɛrɛ gɔnɔ faa koo, woo faa ’é si ka méléna ma.

1 Timoté 3:11

A zo duo lé é a lé wo nanu é ziin, ’wo kɛlɛ tegele; té wo kɛlɛ wenaané fezannu nya munu ma lo, naa, ’wo kɛlɛ wobo kun?-?zannu valé yarapawelazannu nya we faa gi.

2 Timoté 3:3

Wo dan kɛlɛ lɛ mi mawe dɔɔalozannu koo, bliflimi?-?mazannu koo, mi tɔ sɛrɛzannu koo, glawe kɛlɛzannu koo, gi pɔnpɔnzannu koo, mi zinnu nyanézannu koo, wo nya;

Tite 2:3

’Bé fe le segelenu lɛ léé, é a lé wo kɛlɛwenu a gɔɔn léé, wa le wéiinnu nya, té wo kɛlɛ wenaané fezannu valé nwɛ minizan kaiinu nya lo. É a lé wo wezinnu paa lomu gi.

SEBE LÉ JAK A GYE (Épitre de Jacques) 1:16

An bwenu lé ka sɔ an lɛ, té ka dabli kɛlɛ kabo lɛ lo.

SEBE LÉ JAK A GYE (Épitre de Jacques) 1:19

An bwenu lé ka sɔ an lɛ, ’ka we ’ko dɔɔ ma; é a lé mi faa ’wo tɔné dɔ we lɛ é kele; té wo we zi pa é kele lo, té wo bli é fli é kele lo.

SEBE LÉ JAK A GYE (Épitre de Jacques) 1:25

Naa, bélidɔwe lé gun ’ka a ma lo, ’té éé mi voo éboma, mi lé éé a gi kulian pɛnpɛnpɛn yarapalale nya, ’té é ’ka é tɔné dɔa a lɛ é pla yé ’bɛ zuo yé éé saan a gi lo, ’té éé a tawe kɛla tegele, ’bɛzan gi é dan nana lɛ, é a lɛdɔma, ’bɛzama.

SEBE LÉ JAK A GYE (Épitre de Jacques) 2:8

Fuaneé lé bélidɔwe lé wa gyɛ Kazambale lé sɛbɛ gi léé, ’i bɔluzan lɔrɔ pa bélé biibozen zo, dé ka a ’bɛ ta tawona, ’té ka a kɛlɛna é zima.

SEBE LÉ JAK A GYE (Épitre de Jacques) 5:10

An bwenu, Balelayemunu lé wo we fe Mizan tɔ gi, ’ka wo si kalé wekɛlɛmazannu nya, nyanéblele valé bli tiéé gi.

SEBE LÉ JAK A GYE (Épitre de Jacques) 5:7

Bɛwemalé, bwenu, ka bli ’é kɛlɛ tiéé fɔɔ yé Mizan é da. Ka ye, féipazan é élé féifɛwezan lɛbɛn‐é é bli tiéé nya fɔɔ yé lɛɛ vininzan valé lɛɛ voélazan é da alé féi.

SEBE LÉ JAK A GYE (Épitre de Jacques) 5:9

Bwenu, té ka gun gyɛ ka ke ma lo, té wo kalé we ble lo we gi. Ka ye, Weblezan bɔ é pu.

1 Piɛri 2:1

Mi blifliwe faa koo, dabliwe faa koo, bodrɔle koo, bli bɔle mi bɛ lé fɛ ma koo, liwole faa koo, ’ka daan wo ma.