SEBE LÉ JAK A GYE (Épitre de Jacques) 3:9 - Kazambale lé Sebe Sauunu 1979

⁹ A nya lé kaa Mizambale, kaa Ti, drɔɔ voo; yé a nya lé kaa bale paan munu lé, Kazambale wo kɛlɛ ébozen zo, wo ma.

SEBE LÉ JAK A GYE (Épitre de Jacques) 3:9 ပူးပေါင်းရင်းမြစ်များ

Wepélisiananu 5:1

Adam kulunu lé sɛbɛ lé ke ’ko. Bale mi kɛlɛ aan wo, é a kɛlɛ é bɔmazan nya.

Wepélisiananu 9:6

Dé mi do mi nyɛ zana, munu é dan ’bɛzan nyɛ zana lɛ é ziin; Kazambale mi kɛlɛ é dɔbɛ gi, azama.

2 Samuɛl 16:5

David bɔ Basurim. Yé bé ye, Saul lele do, alé kɔngimi do si ’bɛna; a tɔ lé Géra be Siméi. É bié bale pale David ma nya,

2 Samuɛl 19:21

Yé Séruja be Abisai dére kun yé é léé: Siméi bale pa Gakelebale lé nyɔnɔzénnwiinzan ma, amalé a ga yara kaan loo?

Minwiinzannu lé Wezuofe Sɛbɛ 29:10

David Gakelebale drɔɔ vo zén‐ékevamunu faa yuɛ va. É léé: Gakelebale, ko ti Izraɛl lé Bale, i drɔɔ ’é vo lɛɛ faa tere ma, té a glɛ é dɔ lo.

Minwiinzannu lé Wezuofe Sɛbɛ 29:20

David lé, munu faa lé wo ke é zénle ékeva, wo lɛ léé: ’Ka Gakelebale kalé Bale drɔɔ vo. Yé zén‐ékevamunu faa Gakelebale, wo tranu lé Bale drɔɔ vo. Wo dia ’wo bli la Gakelebale valé minwiinzan blɛn ’lɛ.

Lɛrɛvɔ Sɛbɛ 10:7

A ’léé a é fanle balepalenu koo, dabli kɛlɛle koo, mitablelenu koo, wo nya, Miblifliwe valé weple a a nɛnɛ la.

Lɛrɛvɔ Sɛbɛ 108:1

Bale tɔbɔlɛrɛ lé. David lé lɛrɛ lé.

Lɛrɛvɔ Sɛbɛ 145:1

Bale tɔ zin fele lé. David zé lé. Oo, Anzé Bale, an nwiinzan, maa dan i tɔ bié lɛ. Yé maa dan i drɔɔ vo lɛ yifaama, a glɛ ’ka lo.

Lɛrɛvɔ Sɛbɛ 145:21

An Gakelebale tɔ zin sɔɔlaan, Yé mi faa a drɔɔ vo ma, Yifaama, té a glɛ é dɔ lo.

Lɛrɛvɔ Sɛbɛ 16:9

É ziin, ’té maa a ginanale gi, an léli gi a é nanale, ginanale blɛn lé éé giéan é glɛ ta, a nya, Yé an kɔlɛ a é nyanale drɔɔ.

Lɛrɛvɔ Sɛbɛ 30:12

’I anlé wuvɔlenu nɔla ginanale lé éé giéan é glɛ ta, a nya, ’I wuvɔ voli si an ta yé i ginanale nɔ an lɛ a pa gi,

Lɛrɛvɔ Sɛbɛ 34:1

David a vɔ bléyian va lé ébo kɛlɛ gwegyɛzan zo Abimélɛk ’lɛ yé ’bɛ a bin, a bléyi va.

Lɛrɛvɔ Sɛbɛ 35:28

Yé an nɛnɛ é dan ilé we tegele tɔ bié lɛ, É dan i tɔ zin fe lɛ yi faa do do ma.

Lɛrɛvɔ Sɛbɛ 51:14

’I ilé mibélile ma gi nanale nɔ an lɛ é ziin, Bli lé ke é zima munu vazia, ’bé vɔ an gi.

Lɛrɛvɔ Sɛbɛ 57:8

An bli la a é dɔle plɛplɛ, oo Bale, an bli la a é dɔle plɛplɛ; An dan lɛrɛ vɔ lɛ, an dan anlé lɛrɛvɔafɛnu vun we lɛ.

Lɛrɛvɔ Sɛbɛ 59:12

Mizan, ko takuunzan, Té i wo gyɛ lo, dé anlé munu gi é da san a ma, ’I wo kini ékema ilé plɛplɛ nya, yé ’i plɛplɛ si wo lee.

Lɛrɛvɔ Sɛbɛ 62:4

Ka a baana mi ta, Yé ka faa a kwa kulina léé, ka a zana a gi Bélé kɔnguru tɛnlale valé gɔrɔ zanale a gi zo, Ka dan daan lɛ a ma mɛ yi laa?

Lɛrɛvɔ Sɛbɛ 63:4

Naa, ilé zin fila vɔ, ’bɛ mini vole é yuɛma lɛ, An lɔlunu i tɔ zin fele biéan.

Lɛrɛvɔ Sɛbɛ 71:24

An dan ilé we tegele zana dɔɔ lɛ yi faa do do ma, Munu lé wa a va léé, ’wo an gyɛ, yara ’é wo gyɛ ma, yé yaragyɛwe ’é bɔ wo ma ma.

Bale Lé We Gifezan 7:22

bé gi dɔɔ é zima léé, gɔnɔ ke nya biibozen bale pa mi bɛnu ma.

Ézai 29:13

Mizan léma: Dé munu ’ko bié an sɔnɔ, woo an tɔ bɔa ’wo ’léé valé ’wo lɔlu nya, naa, wo bli a é sile an ma baa, yé kana lé wa wo an lee, é a munu lé gɔnɔlawe nya é pla.

Matio 26:74

Yé é kun balepale ma, é valé bale ’nyɔɔnle nya yé é léé: Dé maa mi ’ko dɔɔ pe! Bale ana ye. ’Bɛna tɔɔn yé manegɔné we.

Matio 5:44

Naa, maa lé ka lɛ léé: Ka nyanézannu ’é sɔ ka lɛ ma; munu lé woo bale paan ka ma, ’ka wo drɔɔ vo ma; ’ka wezin kɛlɛ ka zapamunu lɛ ma; munu lé woo nyané valé kle paan ka ta, ’ka bazoro wolé we ma ma.

Kelewenu 2:26

Bɛwemalé an gi éé nanaan, ’té an nɛnɛ la a néné, Yé an kɔlɛ boen é dan flin lɛ, ’té an bli a we lɛ,

Rom munu 3:14

Wo ’léé a é fanle balepale valé wenyané saa nya.

1 Korent munu 11:7

Kazambale gɔné kɛlɛ bélé ébozen zo, é tɔbɔfɛ nya, amalé é ’ka lé é é ’wuo ta yɔɔ lo. Naa, le a gɔné tɔbɔfɛ nya.

Éfez munu 1:3

Kazambale, Kaazan Jézu Krist Ti lé é kaa drɔɔ vo léli drɔɔ vole gɔnɔ faa nya fɛna lorunu na Krist gi, a drɔɔ ’é vo ma.

SEBE LÉ JAK A GYE (Épitre de Jacques) 1:27

Mi lé éé bɔa ti valé bugalanénu koo, gyɛzaralomu koo, wo va, wolé nyanéblele gi, ’té é ’ka tɛrɛlamunu lé mitiridɔwe kɛla lo, kaa Ti Bale yuɛ gi, ’bɛzan a bazorozi tegele boen ta tawona.

SEBE LÉ JAK A GYE (Épitre de Jacques) 3:10

Mi ’léé duona lé mi drɔɔ vole valé balepale mi ma éé bɔraan. An bwenu, é ’ka lé é kɛlɛ ’bɛ zo lo.

1 Piɛri 1:3

Kaazan Jézu Krist Ti lé ke é ziin alé Bale nya, a drɔɔ ’é vo ma. A nyanai zén kaa ta é baba amalé é kaa yaa é dɛrɛ Jézu Krist nwale gamunu va nya, léé, kaa bli vole we lɛ ’é kɛlɛ bli vole we lɛ bozen nya.

Weblezannu 9:27

Wo go féi yé wo ’wolé dɔrɔporo so, yé wa ’yi boro yé wobo nɔ gi nanale lɛ; wo go ’wolé bale lé kɔn gi, wo fɛ ble yé wo fɛ mini yé wo bale pa Abimélɛk ma.