SEBE LÉ JAK A GYE (Épitre de Jacques) 3:6 - Kazambale lé Sebe Sauunu 1979

⁶ Nɛnɛ a kyɛ nya é ziin yé alé weple a tɛrɛ zo. Nɛnɛ a kaa kɔlɛvafɛnu va, ’té éé kɔlɛ faa tiri dɔa, yé ’té éé mi lé tɛrɛla faa kyɛ dɔa, yé ’té jéɛna kyɛ plɛplɛ éé vɔa yeebozen ma.

SEBE LÉ JAK A GYE (Épitre de Jacques) 3:6 ပူးပေါင်းရင်းမြစ်များ

2 Samuɛl 16:20

Abusalɔm lé Asitofɛl lɛ léé: ’Ka ka va we ble; ko kɛla kaa?

2 Samuɛl 19:43

Yé Izraɛl munu a zi pa Juda munu lɛ léé: Kozé a minwiinzan gi vu, yé David bozen a kozé nya é mini kazé ta. Mɛmalé ka ko ye boazannu nyaa? Ko ’ka mi vininzannu lé wo kolé minwiinzan dale é ziin lé we fe, wo nya loo? Yé Juda munu dére kɛlɛ plɛplɛ é mini Izraɛl munu zé ta.

2 Minwiinmunu lé Wezuofe Sɛbɛ 13:17

Guliwuo vo Abija valé élé munu lɛ, yé Izraɛl munu va mi kprakpranu baa wurudo yɔ fié wɔlɛ vu ga.

Lɛrɛvɔ Sɛbɛ 140:3

Woan woo gibɔrɔan wenaané nya, Woan wo ma ke é ’lɛrɛle yifaama gulidanle we gi, ’i an tabin wo lee.

Lɛrɛvɔ Sɛbɛ 64:3

’I an yɔɔ mi nyanénu lé woo an ma we blé, wo lee, Wo valé weplekɛlɛmunu gu lé woo vun wé, woo lee.

Wegɔnévɔlenu 15:1

We zi pale dére drɔɔ nya éé bliflizan bli dɔralaan, naa, dére blɛn fele éé bliflile gi gya.

Wegɔnévɔlenu 16:27

Mi vɔnle éé dan wenaané nya; a lɔlu a bélé kyɛ lé éé blé é baba, a zo.

Wegɔnévɔlenu 6:19

dabli wenayezan lé éé vié woo koo, mi lé é bwenu vɔa ékema koo, woo lé.

Wegɔnévɔlenu 7:5

Wo dan i tabin lɛ bɛn le lee, bɛn le lé éé dére néné fé, a lee.

Ézai 30:27

Mi lé wa laan Gakelebale, yee lé é dan bɛ; é si baa, a bli a flina é baba, é a bélé kyɛ blɛn zo. A wɛwɛ a é baba; a nɛnɛ a bélé kyɛ lé éé fɛnu blé, a zo.

Ézai 50:11

Ka faa lé ka kyɛ bi, ’Té sonakyɛ a ka lee, ’Ka tawo kalé kyɛnɛnɛ valé kalé sonakyɛ san va, An dan we bɔ lɛ ka ma, Ka dan yia lɛ kleblele nya.

Jérémi 20:10

Maa mi kiɛre lé gun gyɛle ’ma, Yé wo léé: Yifaama, yifaama, we tɔntɔn, we tɔntɔn! ’Ka a tɔ laa, yé ko dan a tɔ fe lɛ. Munu faa lé wo bli ke an ma drɔɔ, Wa sin an ma vɔɔna léé, dé a sɔné é dan san lɛɛ? Wo léé: Dé é dan we do kɛlɛ lɛ é tanyila Yé ko a kuun? ’Té ko dan we lɛgi pa lɛ a ma.

Jérémi 28:16

Amalé Gakelebale léma: Bé ye, maa i sié tɛrɛ ’ko la. I dan ga lɛ lɛɛ ’ko gi. Naa, i dérenu a nwa Bale ma dérenu nya.

Lévinu 24:11

Izraɛl le be ’ko, é Bale sɔnɔ yé é Bale tɔ sauun sɔnɔ. Wo goan Moizi va. Wa bu laama Dibri lu Sélomit; Dan bɛn gi le lé.

Mi Nɔnɔle 25:2

Wo Izraɛlnu laa léé, ’wo pa ’wo va ’wolé bale banna, yé munu ana fɛ ble yé wo dia wolé balenu ’lɛ.

Mi Nɔnɔle 31:16

Woan Izraɛlnu sia ana yé wo yuɛgi blan Gakelebale lé we kɛlɛle ma Baal‐Péɔɔ lé we nya Balaam dére ta loo? yé ’bɛ lé we maan migyɛgyɛ ’wii Gakelebale lé munu ta loo?

Matio 12:24

Farizimunu ’bɛ ’ma aan wo yé wo léé: Yonufaatagɔné Béɛlzébul lé plɛplɛ nya lé éé yonu sié munu gi.

Matio 5:22

Naa, maa lé ka lɛ léé, miomian é bli fli é bwe ma, a yara lé weblezannu é we lɛdɔ a gi; yé mi lé é a fe é bwe lɛ léé: Tavozan, a yara lé webolikinimunu wo we lɛdɔ a gi; yé mi lé é é bwe laa, ’wuosɛrɛzan, a yara lé Bale é we lɛdɔ a gi kyɛ plɛplɛ lé wa laama jéɛna, a va.

Maak 7:15

Fɛ lé mi a blé, ’bɛ ’ka bɔa mi tiri dɔle lɛ lo, naa, we lé éé sié mi gi, yee ɛ mi tiri dɔa.

WENÉNÉ LÉ LUK A GYE (Évangile selon Luc) 16:24

Yé é siaa léé: An tra Abraam, maa a nyané blena kaii kyɛnéné va ’ko, amalé ’i nyanai zén an ta, yé ’i Lazaa pa zia léé, ’é da yé é bɛnwɔlɛ do wɔra ’yi va yé é an nɛnɛ la tua a nya.

Kelewenu 20:30

Yé maa gi dɔɔ léé, ka va mi kenu é dan nwa lɛ yé wo dan zirizowenu paa lɛ munu gi, yé Jézu zuomunu é dan zén lɛ wo zuo.

Kelewenu 5:3

Piɛri lé a lɛ léé: Ananias, mɛwemalé Satan i bli fan fɔɔ yé i viéwo Léli Sauun lɛ, ’té féi ma gɔɔli ke vo i lee?

Kelewenu 6:13

Wo viéwena?-?yezannu bɔra yé ’bɛnu léé: Mi ’ko, é ’ka daan sɔnɔ dérenu fele ma fɛna sauun ’ko valé bélidɔwe ma lo.

Bélidɔwesɛbɛ Fiézan 13:6

Dé i bu lé négɔné léé, dé i be léé, dé i lu léé, i na lé ka yiaan a nya saa do la, dé ’bɛ léé, i béé lé é sɔ i lɛ bélé ibozen zo, dé ’bɛ léé, dé wo va mi do da kyeen gi yé é lé i lɛ léé, kaa go, kaa bale bɛ bɔ, dé é a bale lé bii valé i tinu ’ka a dɔɔa é kyɛn lo, a nya,

Tite 1:11

É a lé i mi ’konu lɔlu ga. We lé é ’ka tegele lo, wa paana munu gi gɔɔli yele we ma, yé wa mi gɔnɔ kiɛre ’wuo sɛrɛna.

SEBE LÉ JAK A GYE (Épitre de Jacques) 2:7

Tɔ zin lé munu éé ka laan a nya, woan wo ke a sɔnɔna loo?

SEBE LÉ JAK A GYE (Épitre de Jacques) 3:7

Bwigiwinu gɔnɔ faa koo, miané gɔnɔ faa koo, tawoplɛlawinu gɔnɔ faa koo, wɛyivawinu gɔnɔ faa koo, tɛrɛlamunu éé bɔalɛ léé, wo wo nɔla bélé fla trubɛ zo, yé wa kɛla a zo webozen nya;

2 Piɛri 3:3

We faa ’lɛ, we lé é a lé ka gi dɔɔ, yee lé é ke léé, yi voélanu nya, mi ma we?-?nanamunu é dan bɔra lɛ ’wolé mi ma wenanalenu nya, ’té woo tawoo wobozen lé blibɔmale yɛrama. Yé wo dan a fe lɛ léé:

3 Jan 1:10

Bɛwemalé, dé an da, wenu lé é wo kɛlɛ, wo sele é dan dɔ lɛ an gi. É boawe naané fe ko ma, yé ’bɛ ’ka a gi bɔ lɛ lo; é ’ka bwenu bɛn si lɛ lo, yé munu lé é sɔ ’bɛnu lɛ léé, ’wo wo bɛn si, é a yi ga ’bɛnu lee, yé é wo bɔra léglizi gi.

Wegɔɔnle 12:9

Dragɔn blɛn, méné kwakwa lé wa laama yonufaatagɔné valé Satan, ’té éé tɛrɛlamunu faa saan bɛ, wa vuli tɛrɛ va, yee valé élé lanjenu nya.

Wegɔɔnle 13:14

Yé é tɛrɛlamunu saan, we blɛnblɛnnu lé wa se kɛlɛ a lɛ léé, ’é wo kɛlɛ wi yuɛ va, wo nya, yé é lé tɛrɛlamunu lɛ léé, ’wo miyili nyaa, wi lé wa tuo gwɔun nya yé é vo é yuɛma, a dɔbɛ zo.

Wegɔɔnle 18:23

kyɛbɔ ’ka dan bi lɛ i ta é dɛrɛ lo, yé wo ’ka dan lesizan valé bosizan dére ’ma lɛ i ta é dɛrɛ lo; ilé yaawomunu kɛlɛ tɛrɛlami blɛnnu nya, yé i bɛnnu faa saan ilé yo kɛlɛlenu nya,

Wegɔɔnle 19:20

Wo wi kun, ’é valé viébalelayezan lé é we blɛnblɛnnu kɛlɛ wi yuɛ va, yé munu lé wo wi lé tɔmase si yé wo dia ’wo bli la a yili ’lɛ, ’té éé wo saan élé we blɛnblɛn kɛlɛle nya bɛ, wo ’bɛ kun, yé kyɛ lé ke blɛn bélé gyankyɛ zo, ’té wo povun zén a va, wo wo fiénu vuli a va, ’té wa é yuɛma.