SEBE LÉ JAK A GYE (Épitre de Jacques) 3:2 - Kazambale lé Sebe Sauunu 1979

² Kaa faa éé saan gɔnɔ kiɛre nya. Dé mi ’ka saan é dére fele gi lo, ’té gun ’ka a ma lo, ’té éé bɔa ébo kunle lɛ we faa gi.

SEBE LÉ JAK A GYE (Épitre de Jacques) 3:2 ပူးပေါင်းရင်းမြစ်များ

1 Minwiinzannu 8:46

Dé wo wenyané kɛlɛ i ma, naa, mi lé é ’ka wenyané kɛla lo, ’bɛzan ’ka lo, dé i bli fli wo ma yé i wo pa wo nyanézannu lee, yé wo go wo nya luu gi wolé tɛrɛ la, dé tɛrɛ baa léé, dé tɛrɛ pu léé,

2 Minwiinmunu lé Wezuofe Sɛbɛ 6:36

Dé wo wenyané kɛlɛ i ma, naa, mi lé é ’ka wenyané kɛla lo, ’bɛzan ’ka lo; dé i bli fli wo ma yé i wo pa wo nyanézannu lee, yé wo go wo nya luu gi ’wolé tɛrɛ la, dé tɛrɛ baa léé, dé tɛrɛ pu léé,

JOB (Job) 15:13

Kazambale ma lé i bli éé flian ’Té ’bɛ zo wefele éé bɔraan i ’léé?

Lɛrɛvɔ Sɛbɛ 34:13

É sɔ de ɛ lɛ léé, élé tɛrɛla é kɛlɛ nénéé? É sɔ de ɛ lɛ léé, é gi é nana yi kiɛre nyaa?

Lɛrɛvɔ Sɛbɛ 39:1

David lɛrɛ ’ko vɔle gɔɔn lɛrɛvɔzannu zilɛzan Jédutun lɛ. David a vɔ.

Wegɔnévɔlenu 10:19

Mi lé éé we fé kiɛre, é ’ka vuruan wenyané kɛlɛle ma lo, naa, mi lé éé lɔlu kunwo, a ’wuo a a ta.

Wegɔnévɔlenu 13:3

Mi lé éé yuɛ paan ’é ’léé va, éé ébozen tabin‐é; lɔluzan éé vlan buruwo ébo sanna.

Wegɔnévɔlenu 20:9

Mi kyɛn ɛ dan a fe lɛ léé: Maa an bli gi bɔ, maa anlé wenyané fwii?

Wegɔnévɔlenu 21:23

Mi lé éé yuɛ paan é ’léé valé é nɛnɛ va, é ébozen sié nyanéblele lee.

Bale Lé We Gifezan 7:20

Weboen nya, mi tegele lé éé wezin kɛla, té é ’ka wenyané kɛla pelo, ’bɛzan ’ka tɛrɛ la lo.

Ézai 64:6

Mi do ’ka ana yé ’bɛ i tɔ laan lo, mi do ’ka vuo lɛ yé é yere i ma lo; amalé i yara yɔɔ ko ma é ziin, yé i ko vo yé ko zamaga wo kolé wenyané blɛnnu ma.

Lévinu 13:39

Balebanzan é dan a ma gini lɛ. Fɛ lé é bɔra a kɔlɛ ma bɛ, dé a gi ’ka planplan lo, ’té fɛ pla ɛ kɛlɛ a kɔlɛ ma. A gi a é bɔle.

Matio 12:34

Ménénwunnu bɛn, ka a mi plenu nya bɛan zo, ka kɛla kaa yé ka we zima fee? We lé éé mi bli faan, éé bɔraan a ’léé wefele nya.

Matio 12:37

I dére ma lé izé é dan kɛlɛ lɛ néné, yé i dére ma lé we é dan dɔ lɛ i nwiin.

Rom munu 3:10

bélé fɛan zo lé é a é gyɛle sɛbɛ gi, a zo; wo léé: Mi tegele ’ka lo, A do kpen ’ka lo;

Rom munu 7:21

Amalé maa we do yé an gi bélé bélidɔwe zo. Yee lé ke léé, dé é sɔ an lɛ léé, maa wɛzin kɛlɛ tɔɔn, ’té wenyané bié an sɔnɔ.

1 Korent munu 9:27

Naa, maa fɛ duun‐an an kɔlɛ lɛ, yé maa a kɛla anlé luu nya, dé wo da sɔn vɔ an ma, anlé wefele mi bɛnu lɛ zuo.

Galasi munu 3:22

Naa, Kazambale lé sɛbɛ a fe léé, tɛrɛlamunu faa a luu nya wenyané wuo, léé, blivolɛdére lé éé sié blikɛlɛle Jézu Krist lɛ va bɛ, yé ’wa nɔ munu lé wo bli vo a lɛ, wo lɛ.

Galasi munu 5:17

Naa, mi dɔbɛ kyɛn lé blibɔmawe a Kazambale Léli lé blibɔmawe ma é yɛrama, yé Kazambale Léli zé a é ziin mi dɔbɛ kyɛn zé ma é yɛrama; wa za kɛlɛna. Amalé wenu lé é sɔ ka lɛ léé, ka wo kɛlɛ bɛ, ka ’ka bɔa wo kɛlɛle lɛ lo.

Kolɔs munu 1:28

Krist ’ko, alé we lé ko fé, ’té ko we plaan mi faa lɛ, ’té ko wedɔɔwe faa paan mi faa gi, léé, dé ko go wo nya Bale va ’té gun a é sile wo ma Jézu Krist lé we ma.

Kolɔs munu 4:12

Épafras lé é ke ka va mi do nya bɛ, é we ka va; é a Jézu Krist wuozan nya, yé é ’ka daanma ka ta gulidanle ma bazorole nya lo léé, ’ka dɔ gligli yé gun ’é si ka ma, yé ’ka ’wuo dɔ Kazambale lé blibɔmawe faa wuo.

Ébrunu 13:21

’é ka bɛ sɔ we zinnu faa kɛlɛle nya ’é blibɔmawe lɛsɔɔle we gi ma; yé we lé é sɔ a lɛ, ’é yee ɛ kɛlɛ ka gi Jézu Krist nya ma; ’wo fua nɔ a lɛ lɛɛ faa ma, té a glɛ é dɔ lo. Amɛɛn.

SEBE LÉ JAK A GYE (Épitre de Jacques) 1:26

Dé é dɔ mi do gi léé, ’é a bazorozi do ta, dé kɔ ’ka é vɔle a nɛnɛ wuo lo, ’té é a ’ébozen saanna, ’té mi ’ko lé bazorozi a zi pla nya.

SEBE LÉ JAK A GYE (Épitre de Jacques) 1:4

Yé é a lé bli tiéé é kɛlɛwe lɛ sɔɔ ka gi, gun sile ka ma valé ka tinle we gi, ’té we do kpen ’ka vuruan ka ma lo.

SEBE LÉ JAK A GYE (Épitre de Jacques) 2:10

Dé mi bélidɔwe faa ta tawo, dé é a ma we tɛtɛné do sɛrɛ, ’té a faa sɛrɛle we dɔ a nwiin.

1 Piɛri 3:10

Dé é sɔ mian lɛ léé, élé tɛrɛla ’é kɛlɛ néné, Yé ’é gi nana yinu ye, ’É yuɛ pa ébo va wenyané fele ma, Yé ’é yuɛ pa é lɔlu va dabli dérenu fele ma.

1 Piɛri 5:10

Zin faa kɛlɛ Bale, yee ɛ ka laa Jézu Krist gi élé fua lé a glɛ ’ka lo, a blele ma, dé ka nyané ble bléyi sɛ nya faa, é dan gun si lɛ ka ma, é dan ka dɔ lɛ plɛplɛ, é dan ka fuu dɔ lɛ ka ta, é dan ka dɔ lɛ gligli.